Sunngiffimmi aamma piorsarsimassutsikkut immikkoortortami Tasiilami paarlatsi

Ujartuivugut piumassusilimmik aamma namminersortumik paarlattaasoq, atorfimmi qitiusumik ingerlatarisassat Tasiilami nunaqarfittaanilu sunngiffimmi aamma timersornikkut sammisassaqartitsineq.

Paarlattaaneq minnerpaamik august-ip tungaanut sivisussuseqassaaq.

Atorfik pingaarutilimmik imarisai makkuupput, sunngiffimmi sammisassaqartitsineq, uku suleqatigalugit, peqatigiiffiit, innuttaasut aammalu suleqatit.

Suliassatit makkuusinnaapput:

Sammisassaqartitsinerit aammalu katerisimaartitsinerit:

·Pilersaarusioneq ingerlatsinerlu sunngiffimmi sammisassaqartitsinerni, soorlu uku:

·Maaji peqqik

·Meeqqat ulluat

·Inuittut ullorsiorneq

·Aasakkut susassaqartitsinerit

·Peqataaneq nuannaffertsitsinermi timersortarfimmi

·Suleqateqarneq ukuninnga Katersortarfimmi aqutsisoq, nipilersornermi atuarfik aammalu suleqatit allat

Peqatigiiffinni suliaqarneq ineriartortsitsinerlu:

·Peqatigiiffiit allattorsimaffii nutarsartarlugit

·Sunneeqataaneq ineriartortsitsinermi piumassutsimi suliaqartartunik Tasiilami aamma nunaqarfinni

Allaffissorneq:

·Akiligassanik insgerlatitseqqiineq (kontering)

·Nittartakkatigut saqqummiineq ass. Facebook

Suliassat ilai:

·Suliassat takkussuuttut aallaavigalugit suliaqarneq

·Paarlattaasinnaaneq katersortarfimmi aqutsisutut aamma immikkoortortami aqutsisumut

Naatsorsuutigaarput ilinniit:

·Nammineerlutit suliaqarsinnaasoq torersumik ingerlallugit

·Kommunip qarasaasiaanut atuisinnaanermut ilisimasalik

·Suleqateqarnermut pikkoriffilik aamma siunnersuisinnasoq sullitanik suleqatigisassanillu

·Piffissaq nikerartunik sulinissaminut piareeqqasoq

·Biilinnermut allagartaqarneq kissaatiginarpoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Atorfik eqqumaffigiuk nalinginnaasutut 8-16 suliffiunngitsoq, naatsorsuutigineqassooq weekendtini, nalliuttuni aammalu unnukkut.

Neqeroorutigaarput:

·Suliffik nuannersoq ullormiit ullormut nikerartoq

·Illoqarfimmi nunaqarfimmilu sammisassaqartitsinermi sunneeqataasinnaaneq

·Qanimut avataaniillu suleqatit suleqatigalugit

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Magnus Kristiansen, oqarasuaat +299 36 77 99 imaluunniit e-mail: magk@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 444-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 19.-at, 2026