Tasiilami Alivarpi ilinniartitsisunik taavalu atualerlaanut ilinniartitsitsunik pissarsiorpoq

Nunarsuatsinni Kalaallit Nunaata kangia nunaavoq tikinneqajuitsoq assigiinngissitaartumillu pinngortitalik. Kalaallit Nunaata kangia inissisimavoq sikorsuit sermersuullu akornanni. Tamanna inissisimaffik pinngortitap kusanassusersuanik qalipaatinik assigiinngitsunik saqqummerfiusarpoq, qalipaatit ilaatigut qaqortumiit tungujortoq qaamasumik pinngorfiusartunit.

Tasiilami Alivarpi illoqarfiup atuarfigivaa, 370 missaani amerlatigisunik atuartulik, klassenut 26-inut agguataarsimasut. Atuarfik 60-inik ilinniartitsisoqarpoq nukarlernut, akullernut angajullernilu agguataarsimasut.

Nunatta kangiani illoqarfiit anginersaalluni Tasiilaq 2000 missaannik innuttaqartoq. Atuarfik nunatta kangiani piorsarsimassutsikkut ingerlatsisut annersarivaat.

Atorfiup imarisai:

Atualerlaanut ilinniartitsisut taavalu ilinniartitsisut ilinniarsimasut ilinniartitsisoqatigiit akornanni suleqataalertussat pissarsiarerusuppagut taavalu atuarfimmi naliginnaasumik fagini atuartitsinermik ingerlatsisinnaasut. Tasiilami pingaarnertut amigaatigivagut kalaallisut ilinniartitsisut, immikkut atuartisivinni atuartitsinermi ilinniartitsisut immaqalu siunnersuinermik misilittagallit, suliniutitsinni taaguuteqartumi ”Naasunnguaq”-mi attaveqaatissatut uani pingaarnertut ukkatarineqassalluni akuutsitsinnaaneq/ataatsimoortitsisinnaaneq, IT-nik pikkoriffeqarnissaq ajornanngippallu pinngortitalerinermik kisitsinermilu atuartitsisinnaasumik.

Atualerlaanut ilinniartitsisut taavalu ilinniartitsisut imaattut kissaatigivagut:

∙Atuarfimmut tunniussimasut taamatuttaaq atuartunik meeqqanik inuusuttuaqqanillu sullissilluarusuttut, inuiaqatigiit iluanni qitiusumik atuarfiup ineriartortuarnissaanik sullisseqataarusuttoq atuarfiup siulersuisui, atuarfimmi sulisut, atuartut taavalu innuttaasut qanimut suleqatiginerisigut.

∙Perorsaariaatsimi akuersaartumik periarfissanik ujaasiuartoq taavalu suliffimmik nuannaarnermik atugarissaarnermillu pilersitseqataasinnaasoq.

∙Tamakkiisumik isiginnissinnaasoq, aalajangiisinnaassuseqartoq, suliassanik pilersaarusiorsinnaasoq agguataarinnissinnaasorlu atuarfimmi ineriartortuartoqarnissaanik sulissuteqarusuttoq.

∙allat misigissusaannik paasinnilluarsinnaasoq, paasinnissinnaasoq ataatsimoortitsinermi inuk kinaluunniit pisuunnguallaataasartoq.

∙Atuartitsinermik pitsaasumik sulerusussuseqartoq tamatigoortumillu atuarfimmi atortorissaarutinik atuuttuni atorluaasinnaasoq.

∙suleqatigiit akornanni suleqatigiissinnaanermik naleqartitsisumik,inuiaqatigiit akornanni ineriartortitserusuttumik taavalu suliassanik aaqqittarialinnik aaqqiissinnaasoq, meeqqeriviit atuarfillu suleqatigiinnerinik inerisaaqqinnissamik sulissuteqarusuttoq.

∙ilinniartitsisutut imaluunniit perorsaasutut ilinniarsimasoq ajornanngippallu marluinnik oqaasilik, kalaallisut qallunaatullu. Tamannali piumasaqaataanngilaq.

Makku neqeroorutigisinnaavagut:

∙Atuarfeqarnermi atorfik pissanganartoq, ineriartornissamik periarfissalik.

∙Ilinniartitsisoqatigiit ammasut ikiuukkumatuut, suleqatigiit ataqatigiilluartut.

∙sunniuteqaqataanissamik periarfissalik namminerlu isumaqassusermik naqissusiiviusinnaasoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Ukiunik killilikkanik atorfinitsinneqarneq:

Immikkut atugassaqartitaalluni atorfinitsinneqassaatit isumaqatigiissut 16. Februar 2007-imeersoq tunngavigalugu, immikkut atugassaqartitaalluni atorfinitsitsisarneq pillugu nalunaarusiami. Qaammatit 12-it ingerlareernerannit utoqqaliniarsianut akiliinertaqanngitsumik 18.000 kronenik ajunngitsorsiassaqartitsissaaq isumaqatigiissut 1.april 1991-imeersoq aallaavigalugu. 1. April 2017-imi isumaqatigiissut aallaavigalugu annertussusaa immikkut ilassutitut aalajangersarneqarpoq ukiumut 20.253.67 koruuninut. Ajunngitsorsiassat qaammatikkaartumik akissarsiat saniatigut Kalaallit Nunaanni aningaaserivimmi kontomut matoqqasumut nuunneqartassapput.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfimmi pisortaq Miriam Vang, oqarasuaat +299 36 78 01 imaluunniit e-mail: miwa@sermersooq.gl immaqaluunniit atuarfiup pisortaata tullersortaa Morten Boel Nielsen, oqarasuaat +299 36 78 02 imaluunniit e-mail: mbni@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 854-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqassaatit:

Qinnuteqaatit elektroniskiusumik nassiunneqassaaq ataani tuugassaq toorlugu, tassani ilanngullugit nassiussinnaavatit qinnuteqaatit CV-ilu.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 3.-at, 2025

Atorfik una qinnuteqarfigiuk