Tasiilami Dr. Ingrid-p meeqqeriviani asaasumik pissarsiarpoq

Kommuneqarfik Sermersooq pikkorissumik tunniusimasumillu Dr. Ingrid-p meeqqerivia asaasumik aalajaatsumik pissarsiorpoq.

Dr. Ingrid-p meeqqeriviani asaasup akisussaaffigissavaa meeqqeriviup ilua eqqiluisaartissallugu. Atorfissaqartitsisoqartillugu ininut isertarsinnaanissaq meeqqat ilagalugit. Kiisalu igaffimmi aamma ikiuutaasarsinnaalluni.

Immikkoortortaq 9-nik sulisoqarpoq, inini marluusuni meeqqat katillugit 40-ruusinnaapput, sulisullu arfiniliullutik. Aqutsisoq ataaseq, igaffimmioq ataaseq. Dr. Ingrid-p meeqqeriviani ullormut 8time suliffiusarpoq.

Atorfiup imarisaa:

Misilittagaqartumik Dr. Ingrid-p meeqqeriviani peqataalluarsinnaasumik ataanilu makkunannga suliaqarluarsinnaasumik pissarsiorpugut:

·Init marluk, meeqqat sulisullu anartarfiat, pausertarfik, allaffik, gangi, sinittarfillu

Suliassat Dr. Ingrid-p meeqqeriviani sulisut allat kiisalu aqutsisoq peqatigilluinnarlugit suliatingerlanneqartassapput.

Qinnuteqartunut naatsorsuutigisat:

·Eqqiaasutut ilinniarsimanissaq pingaarnerpaanngilaq misilittagaqarnissaqpingaarnerpaavoq

·Eqqiaanermut tunngasumik nammineq akisussaaffeqarneq pikkoriffiginissaapingaaruteqarpoq

·Sulisanut tunngatillugu nammineq ujartuisinnaanissaq suut ipertaagassaanersut

Pingaartipparputtaaq:

·Aalajaatsuunissaq, pitsaassutsimik pingaartitsisoq immikkuualuttullu ilanngullugitmalussarissoq

·Uippakajaarani arlariinnik suliaqarsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

·Nukittooq pilersitsiniallaqqissoq inissaqartitsiuartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Atituumik suleqateqarluarsinnaasoq

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumikakisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Nivi B. Sanimuinaq, oqarasuaat +299 36 78 91 imaluunniit e-mail: nbsa@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 873-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 9.-at, 2025

Atorfik una qinnuteqarfigiuk