Tasiilami Ikorfartoqatigiit najugaqatigiiffiillu aqutsisussarsiorput

Tasiilami Ikorfartoqatigiit najugaqatigiiffiillu aqutsisussarsiorput

Inunnut innarluutilinnut tarnimikkullu nappaatilinnut immikkoortortaqarfik Tasiilami Ikorfartoqatigiinnut najugaqatigiiffinnullu tunniusimasumik aqutsisussarsiorpoq. Aqutsineq misilittagaqarfigiviuk, sullitatsinnullu allanngueqataarusussuseqarlutit, taamaappat illerpiaq aqutsisutut amigaatigivatsigit.

Aqutsisutut atorfik sapaatip akunneranut akunnerit 40-t suliffiuvoq. Sulinerpit annerpaartaani ulluunerani sulisassuutit, immikkoortortanulli tamanut aqutsisutut akisussaaffik tigummisussaallugu. Aqutsisutut susassaqarfiit tullersortit qanimut suleqatigalugu suliarisassuatit, tamanna siunnersortinit, immikkoortortami tamani aqutsisumit fagchef-imillu tapersersorneqarnikkut ingerlanneqassalluni.

Najugaqatigiiffinnik minnernik arfinilinnik najugaqarfigineqartunik najugaqatigiiffiuteqarpugut. Najugaqartut tarnikkut timimikkulluunniit innarluuteqartuupput arlaatigullu atornerluisuullutik. Taakkua saniatigut Ikorfartorteqatigiinni sulisoqarpugut taakkuuppullu innuttaasunut nammineq najugarisaannut pisariaqartitsinut ornigullutik ikorfartuisartut.

Atorfimmi sulisut tullersortillu peqatigalugit ulluinnarni ingerlatsinnermik qulakkeerinninneq aammalu immikkoortortat taakkualu najugaqartuinut ineriartortitsineq ingerlattussaavat. Aqutsisutut qanilaassuseqassuutit pisariaqartitsinermilu sapiissuseqarlutillu siuttuusassuutit. Immikkoortortani assigiinngitsuusuni aqutsisoqatigiit nukittuut peqataaffigissavatit, aqutsisoqatigiit, immikkoortortani tamani aqutsisoq fagchef-ilu peqatigalugit immikkoortortatsinni ineriartornermik siuttuussuusi.

Uagut upperaarput ilisimatussuseq, assigiinngisuuseq ataatsimoornerlu siunissaq ungasinnerusoq isigalugu sulinitsinnit qulaani taaneqartut atornerini iluatsilluarsinnaalluta. Taamaammat nutaaliornerit qaqilertarnissai ingerlappagut taakkummata suliatsinnut tunngatillugu qaninnerulersitsisussat. Uagullu isumaqarluinnarpugut pikkorissorsuarnik aqutsisunik peqassagutta, aqutsisuuneq ullormut oqaluuserisassanngorlugu qaqinneqartarnissaa!

Naatsorsuutigaarput:

∙Tunngaviusumik ilisimatussuseqartutit uagullu peqatigaluta ineriartortiserusussuseqartutit

∙Oqaloqatiginninnernut sulisunullu peqataatitserpalaartumik aqutseriaaseqartuusutit

∙Attaveqaqatigeeriaatsimik pitsaasumik piginnaaneqartutit takusinnaallugulu attaveqaqatigiinneq pitsaasoq aqqutigalugu illorsuup iluani avataanilu suleqatigiinneq anguneqarsinnaasoq

∙Kalaallit Nunaata inuiaqatigiivinut piorsarsimassusaanullu ilisimasaqartuusutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Inuttut:

∙Assigiinngissuseq ataatsimoornerlu tunngaviusumik nukissatut isigigitit

∙Suliassat arlallit ataatsikkuulertarnerinut nuannarinnittuusutit

∙Nukittuujusutit oqaloqatiginninnermullu tikilluaqqusisartoq

∙Ilisimasanut nutaanut soqutiginnittuusutit, alapernaatsoq aammalu allat isumaannut akuersaartoq

Uagut pilluta:

Innarluutilinnut aamma Tarnikkut nappaatilinnut immikkoortoqarfik Immikkoortoqarfiuvoq arfineq-pingasunik najugaqatigiiffeqartoq, najugaqatigiiffiit aamma allat tallimat, sammisassaqartitsinermut ataatsimooqateqartitsinissamullu neqeroorutit marluk kiisalu tapersersorteqarfinnut pingasut Nuummi, Tasiilami Paamiunilu agguataarsimasut.

Ineriartortitsinermik annertuumik ilaatigut sulisunik nutaanik sukumiisumik ilitsersuussisoqartarnissaanik, ingerlaavartumik siunnersiuisoqartarnissanik suliatigullu ataatsimoorfeqarnissaanik imaqartumik ingerlatsivugut.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Autsisoq, Signe Petersen, oqarasuaat +299 58 16 67 imaluunniit e-mail: spet@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 555-25 -mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 24.-at, 2025

Atorfik una qinnuteqarfigiuk