Tasiilami Isumaginninnermut Ingerlatsivik pisortanit ikiorsiissutinik sullissisussarsiorpoq

Kommuneqarfik Sermersooq, Isumaginninnermut Ingerlatsivik, Tasiilaq

Tasiilami Isumaginninnermut Ingerlatsivik pisortanit ikiorsiissutinik sullissisussarsiorpoq

Kommuneqarfik Sermersooq pikkorissumik kajumissuseqarluartumillu Isumaginninnermut Ingerlatsivimmut sullissisumik pissarsiorpoq, 15.7.25 tamatumaluunniit kinguninngua atorfinittussamik. Atorfik Tasiilami Kommuneqarfiup allaffianiippoq.

Immikkoortortaq maanna arfineq-marlunnik sulisoqarpoq, utoqqalinersialerisunut, pisortanik ikiorsiissutilerisunut aamma atornerluinermut katsorsaasunut agguataagaallutik.

Atorfik piffissaq suliffiusussaq tamakkerlugu suliffiuvoq, fagkonsulentitut aqutsisoq aqutsisoralugu

Atorfiup imaa:

Sullissisumik – sapinngisamik misilittagalimmik - ulluinnarni nalunaarsuinermik, naatsorsuinermik, uppernarsaatinik pissarsiniarnermik aamma Matchgruppe 3-mi innuttaasut pillugit sulianik pilersitsinermik, kiisalu iliuusissanik pilersaarutinik suliaqaqataasussamik pissarsiorpugut

Tamatuma saniatigut piffissap ingerlanerani saaffiginnittarfimmi taartaasarnissaq naatsorsuutigineqartariaqarpoq.

Suliassat pisortanit ikiorsiissuteqarnermik immikkoortortaqarfimmi sulisut marluk peqatigalugit suliarineqartarput

Qinnuteqartunut naatsorsuutigisat:

Allaffimmiutut assigisaatulluunniit ilinniagalik imaluunniit assingusumik sulinermik misilittagaqartoq.

Pingaartipparputtaaq:

·Aalajaatsoq, pitsaassutsimik ilisimasaqarluartoq immikkuualuttunillu maluginiaasinnaasoq

·Inatsisinik attuumassuteqartunik ilisimasaqarneq imaluunniit ilisimasaqalersinnaaneq

·Atuisutut nalinginnaasumik IT-mik kiisalu Winformatik-imik GetOrganizedimillu ilisimasaqarneq

·Tamakkiisumik takunnissinnaalluni ataatsikkut arlalinnik suliaqarsinnaasoq

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Suliassat agguataarneqarnerisa ingerlaavartumik allanngortiterneqarneranni eqaatsumik periaasilik

·Tatitooq, namminersorluni aallarniiniartartoq, nukissaqarluartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Kisitsisilerillaqqissoq

·Marluinnik oqaasilik (kal/da) piumaneqarneruvoq

Neqeroorutigaavut:

Suliffik unammillernartoq, imarisaanut sunniuteqarnissaq periarfissaqarpoq suliffeqarfimmilu ineriartortumi allanngoriartorfiusumilu immikkut akisussaaffik angisooq pineqassaaq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu namminersorluni aallartitsiniaasarneq nutaaliorsinnaanerlu inissaqartittuarpagut.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsiaoq, Kurt Rokholh Pedersen, oqarasuaat +299 36 77 69 imaluunniit e-mail: kupe@sermersooq.gl

Pineqaatissinneqarsimannginnermut uppernarsaat:Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Qinnuteqaat:

qulequtserlugu Atorfiup ilisarnaataa 547-25 -mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 24.-at, 2025

Atorfik una qinnuteqarfigiuk