Teamleder Customer Support

Royal Arctic Line A/S Nuummi Sullitanut kiffartuussivimmi inniminniisarfimmilu suleqatigiinnut aqutsisussarsiorpoq

Sullisserusussuseqarpit? Inunnik ukkataqarpit, sulisunullu kaammattuisinnaallutit, aallussisuullutit isumassarsiortitsisinnaallutillu?

Taava immaqa illiuvoq Royal Arctic Linep Nuummi sullitanut kiffartuussivimmi inniminniisarfimmilu suleqatigiinnut aqutsisussatut pisariaqartitarput. Immikkoortortaqarfimmi sulisut tunniusimalluartut qulingiluat aqutsisuuffigilissavatit, illillu umiarsuaatileqatigiiffiup Sullissinermut pisortaanut attaveqassaatit.

Sinerissami nassiussaleriviit saniatigut, Sullitanik kiffartuussivik inniminniisarfillu tassaavoq Royal Arctic Linep sullitanik qanimut sullissivia. Immikkoortortaqarfiup pingaarnertut suliassarai sullitanut Nunatsinnilu umiarsualivinnut assartugassanik inniminniinerit, aammalu nunatsinnit nunaniillu avataaneersunit saaffiginninnerit akissuteqarfiginissaat, tassani soorunami sullitat aallaqqaataaniit naammassinissaannut assigiimmik kiffartuunneqarnissaat ukkatarineqarluni.

Atorfik

Suliassat arlalissuit sullitanik kiffartuussivimmit isumagineqartarput, taakkualu pingaarnertut akisussaaffigissavatit ulluinnarnilu ingerlatsinermi suleqataallutit. Sullissinermut pisortap immikkoortortaqarfiillu allat suleqatigalugit ullumikkut kiffartuussinitsinni suliat malinnaatinnissaat pitsanngorsarnissaallu isumagissavat. Aammattaaq sulisutit ineriartortissavatit, kiffartuussinerup qaffasissumik pitsaassuseqarnissaa, sulisullu ataasiakkaat aamma suleqatigiittut anguniakkat naammassiumallugit suleqatigiinnut siunertaasut iluanni pitsaasumik atugaqartillugit siuariartortillugillu.

Pingaarnertut suliassat makkuupput:

·Immikkoortortaqarfik aqullugu ineriartortillugulu ataavartumik ataatsimiittarnikkut sulisullu takutitsinerinik nalilersuisarnikkut

·Sullitanit saaffiginninnerit pisariunerit akineqarnissaat

·Sullitanit nunatta avataaneersunit suleqatigisaniillu mailikkut saaffiginnissutit akineqarnissaannut akisussaaneq

·Ingerlatsinermi allannguisoqartillugu arlaannilluunniit pisariaqartitsisoqartillugu avammut saqqummiussinissamut akisussaaneq

·Akiligassiissutinik kontunut inississuineq

·Assartugalerinermut systemerput atorlugu suliaqarneq

Qinnuteqartumut naatsorsuutigisagut:

Suliatigut piginnaasat

· Aqutsinermik misilittagaqarneq

· Sullitanik kiffartuussinermut immikkoortortaqarfimmit assigisaaniilluunniit misilittagaqarneq

· Aningaasaqarnermik paasisimasaqarneq

· IT-mik pitsaasunik piginnaaneqarneq – tassunga ilanngullugu Windows Office-pakke

· Oqaatsitigut pitsaasunik piginnaaneqarneq, kalaallisut, danskisut tuluttullu (oqalussinnaaneq allassinnaanerlu)

Inuttut piginnaasat

·Aqutsinermut piginnaaneqarluarneq – sulisunut kaammattuisinnaaneq, isumassarsiortitsisinnaaneq ineriartortitsisinnaanerlu ilanngullugit

·Akisussaassuseqarneq, iliuuseqarsinnaassuseqarneq nammineersinnaassuseqarneq aammalu suleqatigiittut naammassisaqarsinnaassuseqarneq

·Sullitat eqqarsaatigisinnaavatit kiffartuussisinnaassuseqarlutillu

·Ammasuuvutit, kissalaartuullutit, kajumissuseqarlutit paasinnissinnaassuseqarlutillu

·Piffissami ulapaarfiusumi ataatsimut isiginnissinnaassuseqassaatit allannguuteqarnissamullu piareersimasuussallutit 

·Naammassinnittarnissamut aaqqiissuteqartarnissamullu immikkoortortaqarfiup umiarsuaatileqatigiiffiullu anguniagaanut angusaqarusussuseqassaatit

Neqeroorutigaagut

Suliffeqarfik atugarissaarnissamik ataatsimooqatigiinnermillu pingaartitsisoq, sulinermut ilinniarnissamullu avatangiisit pitsaasut pilersikkumallugit. Aaqqissuussaaneq uagut piinnarata illilli iluatsitsilluarnissannik tunngaveqarluni ingerlatsisoq piginnaasannillu ineriartortitseqataarusuttoq. Tamatuma saniatigut neqeroorutigaarput akissarsiat ajunngitsorsiassallu unammillersinnaalluartut, misilittakkanut piginnaasanullu naapertuuttut.

Paasissutissat sukumiinerusut

Paasissutissat sukumiinerusut pissarsiarineqarsinnaapput Sullissinermut pisortaq Julie Heilmann Jensen +299 349215-imut attaveqarfigalugu. Mailikkut: jhej@ral.gl

Atorfininneq: piaarnerpaamik, eqqortulli atorfinitsinnissaa salliutinneqassaaq.

Qinnuteqarfissaq kingulleq: 31.10.2025

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik oqaloqatiginnittoqartassaaq

Atorfik una qinnuteqarfigiuk