PAASISSUTISSAT
Atorfiup suussusaa: Radiokædetekniker
Suliffeqarfik: Tusass
Qinnuteqarfissamut killigititaq: Ingerlaavartumik
Attavissaq: Mikisuluk Hammeken oqarasuaatikkut +299 38 93 94
Nunatsinni atortulersuutinik aserfallatsaaliuinermi attavinnillu pitsaasunik qulakkeerinninniarnermi pingaarutilimmik inissisimarusuppit?
Tusass Aallakaatitsinermut immikkoortortaqarfimmi Nuummi namminersorsinnaasumik, akisussaasusilimmik suliaminullu atatillugu piginnaasaqarluartumik sakkortusaavilerisumik teknikerissarsiorpoq.
Immikkoortortaqarfik suliffeqarfiup teknikkikkut immikkoortortaata ataani ’OPERATE’-mut ilaavoq, taassumalu suliassarai nalunaarasuartaaserivinni kiisalu nuna tamakkerlugu illoqarfinni nunaqarfinnilu telemut teknikkikkut atortunik iluarsaassineq/ajoqutinik aaqqiineq.
Teknikerit arfinillit immikkoortortaqarfimmilu aqutsisoq ataaseq Teknik Transmissionimi sulipput, aqutsisup Operatemi pisortaq qullersaraa.
Atorfik pillugu
Teknikeritut sakkortusaavilerisutut suliassat uku aqqutigalugit teknikkikkut piginnaasavit ineriartortinnissaannut periarfissaqarluarputit:
- LH-mik sakkortusaavinnilu Minilink systeminik pilersaarusiorneq aserfallatsaaliuinerlu
- Sanaartornermut suliniutini pitsaassutsimik qaffasissumik qulakkeerinnittumik suliniutini peqataaneq suliniutinullu minnernut aqutsisuuneq
- Immikkoortortaqarfiit suliamut attuumassutillit akimorlugit kukkunernik nassaarniarnermi ataqatigiissaarineq kiisalu aaqqiineq.
- Immikkoortortaqarfimmi upalungaarsimanermut aqutsinermi peqataaneq.
Sulinermut atatillugu angalasoqartassaaq – pingaartumik qulimiguulimmik umiarsuarmillu attartukkamik angalasoqartassaaq.
Illit pillutit
- elektronikteknologitut assingusumilluunniit ilinniagaqarsimavutit
- iluani atorfimmi assingusumi assingusunilluunniit misilittagaqarputit
- aamma IP-baserede telecomsysteminik suliaqarsinnaavutit
- sulisarputit, peqataalluarnermik takutitsisarputit akisussaassuseqarluartutullu misigivutit, aamma positiviuvutit angusaqarusussususeqarlutillu.
- suleqateqallaqqipputit - aamma ulluinnarni ulapaarfiusuni
- tuluttullu allassinnaallutillu oqalussinnaavutit
- uppernarsaammik takutitsisinnaasutit
Neqeroorutigaavut
Suliffimmi unammillernarsinnaasumi suliatigut inuttullu ineriartornissamut periarfissaqarluartumik neqerooruteqarpoq, tassani suliamik nuannarinninneq ataqatigiinnerlu pingaartinneqarput.
Soqutiginartunik suliassaqassaatit aamma suleqatitiit tunniusimasut piginnaasaqarluartunillu suleqateqassaatit.
Piginnaasat naapertorlugit akissarsiaqartitsoqassaaq.
Apeqqutit
Atorfik pillugu paasisaqarnerorusukkuit immikkoortortaqarfimmi aqutsisup Mikisuluk Hammekenip oqarasuaammut +299 38 93 94-imut attaviginissaanut tikilluaqqusaavutit.
Qinnuteqaat oqaloqatiginninnerillu
Qinnuteqaatinik e-mailikkut tigusaqarneq ajorpugut.
Talerpiata tungaani tuugassaq toorlugu qinnuteqaat, CV uppernarsaatillu attuumassuteqartut nassiutikkit.
Oqaloqatiginninnerit ingerlaavartumik ingerlanneqarumaarput, taamaammat qinnuteqaatit sapinngisamik piaartumik nassiutiguk.
Piukkunnartumik nassaarutta atorfik piaartumik inuttalerneqarumaarpoq.
Tusarfiginissat qilanaaraarput.
Paasissutissat
Immikkoortortaq
Teknikki IT-lu
Qinnuteqarit