Teknikeri

KNI A/S Sisimiuni kiffartuussivimmi ikummatissanik immikkoortortaqarfia teknikerimik pissarsiorpoq ulloq 1. oktober 2025 imaluunniit isumaqatigiissuteqarnikkut sulilersussamik.

Teknikimut ilisimasaqarluarpit IT-mik atuillutit kiisalu nunatsinni sumiiffinni tamani ikummatissamik pilersuinerup qulakkeerinniffiginissaanut pingaaruteqarluinnarlutit suleqataarusuppit? Taava atorfimmik pissanganartumik suliffissaqartippatsigit.

Polaroil tassaavoq pingaaruteqartuulluni KNI A/S-imut atasoq nunatsinnilu uuliamik pilersuisut annersaat. Kalaallit Nunaat tamakkerlugu ukioq kaajallallugu atuisartunut avatangiisinullu naleqqussarsimasunik ikummatissanik imerpalasunik Polaroil pisiortortuuvoq, assartuisuulluni, toqqorsivinniititsisuulluni tuniniaasuullunilu. Gasolie, timmisartup orsussaa, petroleum aamma benzin tassani pingaarnertut pineqarput.

Atorfik

Atorfeqarninni Ikummatissaqarnermut ingerlatsivimmi teknikkimut pisortaq aamma maskiinalerisoq kiisalu ingerlatsinermi pisortaq suleqatigissavatit. Eqqarsaataavoq suleqataanikkut ulluinnarnilu suliassatigut suleqataanikkut piffissap ingerlanerani ikummatissaataasiviit teknikikkut, isumannaallisaanikkut avatangiisinullu tunngasutigut akisussaasunngoriartuaassasutit suliaqarfimmilu inatsisitigut malitassatigullu eqquutsitsillutit suliaqaleriartuaassasutit.

Ikummatissaqarnermik ingerlatsivimmi sulisut utoqqalisut ilaatigut nutaanik taarseriartuaarneqarnissaat siunertaralugu atorfik ilaatigut pilersinneqarpoq. Taamaattumik ilinniartinneqareeruit ikummatissaqarnermi ingerlatsivimmi niuernermi ingerlatani akisussaaffinnik annertusiartuinnartunik akisussaaffeqaleriartornissat naatsorsuutigissavat. Allatut oqaatigalugu, ukiuni amerlanerusuni ikummatissaqarnermik ingerlatsivimmi sulinissat takorloorsinnaasariaqassavat. 

Teknikerip ingerlatsinermut pisortaq qaninnertut pisortarissavaa.

Teknikeritut suliassatit ilaatigut makkuussapput:

• Aserfallatsaaliinermi atortussanillu pissarsiniarnermi teknikertaanut ikiuunneq aningaasartuutinullu malinnaaneq

• Illoqarfinni inoqarfinnilu ikummatissaataasivinni teknikikkut ikiuunneq

• Ikummatissaataasiviit aningaasaqarnerinut qaammammoortumik malinnaaneq sanaartugassatigullu suliniutinut ingerlatsineq

• Ikummatissaqarnermik ingerlatsiviup ulloq unnuarlu orsersortarfiinut ataqatigiissaarineq

• Illoqarfinni inoqarfinnilu ikummatissaataasiviit ulluinnarni ingerlanneqarnerini siunnersuineq

• Illoqarfinni inoqarfinnilu ikummatissaasivinni ulluinnarni isumannaallisaanermut tunngatillugu siunnersuineq

• Teknikikkut sulialinnut sillimasuuneq

Qanoq ittuunerit:

• Qinnuteqartoq piukkunnarluinnartoq ataatsikkut amerlasuunik takunnissinnaassuseqarpoq siammasissumillu ilinniagaqarluni kiisalu pisisartunik kiffartuussilluarnissaq pissusissamisuuginnartumik isigalugu

• Nammineerluinnarlutit sulisinnaassaatit aammalu suleqatinik suleqateqarluarsinnaassallutit

• Ulluinnarni sulinermi ulapilluni suliaqarfiusartumi toqqissisimallutit sulisinnaavutit kiisalu pitsaas-suseq pisisartullu naammagisimaarinninnerat ajorseriartinngikkaluarlugu amerlasuunik ataatsikkut suliaqarsinnaallutit

• Kiffartuussilluarumasuuvutit, ammasuullutit piffissarlu suliffissaasup allanngorarsinnaanerani eqaatsumik naleqqussarfigisinnaallugu

• Pisisartunik suleqatinillu peqateqarninni siumungaaq qanoq iliuuseqartartuuvutit, tatiginartuullutit tutsuiginartuullutillu

• Atorfimmut atatillugu angalasariaqartarnissaq ilaavoq

Atorfeqarnissamut piumasaqaatigaarput:

• Teknikimut tunngasutigut ilisimasalik

• IT-qarnermik atuilluarsinnaasutit, tamatumani Excel aamma ajornanngippallu AutoCad aamma Visio atorluarsinnaagitit

• Maskiningeniøritut, maskinmesteritut, maskinteknikeritut allatulluunniit teknikimut tunngasutigut ilinniagaqarsimassasutit

• Polaroilip niuernikkut ingerlataasa iluani misilittagaqarsinnaavutit imaluunniit suliassat nassuiarneqartut iluini sulinermik misilittagaqarsinnaallutit

• Atorfimmilu pisariaqartinneqartumik attaveqaqateqallaqqissuusutit

Atorfinittussamut neqeroorutigaagut:

• Immikkut isumaqatigiissuteqarnikkut akissaateqartitaaneq, atugassarititaasullu pitsaasut

• Atorfimmut atatilugu inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il. Il. akilerneqartassapput,inatsisit malillugit

• Nuunnermi angalanermi kiisalu pequtit angallannerannut akiliunneqarneq

• Piginnaasanik pisarialinnik ineriartortitsinissamik periarfissat pitsaasut

Atorfik pillugu paasisaqarnerorusukkuit teknikkimut pisortaq Tage Lindegaard attavigineqarsinnaavoq mobil: 52 15 56 imaluunniit mailikkut: tal@kni.gl imaluunniit ingerlatsinermut pisortaq Gerth Jack Storer mobil: 48 51 77 imaluunniit mailikkut: gjs@kni.gl. 

Qinnuteqaat

Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusin-nerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attave-qarfiginissaanut paasissutissaq, tigoreersimassavarput kingusinnerpaamik ulloq 24. oktober 2025.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.