Teknikeri

KNI Sisimiuni kiffartuussivik teknikerimik torersuutitsinissamik pingaartitsisumik, misilittagaqarluartumik pikkorissumillu ulloq 1. april 2026 aallarnerfigalugu imaluunniit isumaqatigiissuteqarnikkut sulisussarsiorpoq.

Illuutinut sanaartukkanullu tunngatillugu suliaqartussamik suleqatissarsiorpugut, ilaatigut sanaartukkat arlariiaat sanaartortitsisuunitsinni siunnersortigut qanimut peqatigalugit pilersaarusiortarpagut aqullugillu. Ullut tamaasa aaqqipallattarialinnik pinartunik suliassaqartuaannarpugut.

KNI-p iluani suleriutsit tamatigoortuunissamik persuarsiornanngitsumillu suliaqarfiusutut piumasaqaatitallit atorneqarput. Suliassarpassuit suliarineqarnissaat tamanit akisussaaffigineqarpoq, taamaattumik suleqatiginnissinnaanerit, aaqqissuussilluarsinnaanerit, torersuutitsinissat akisussaassuseqarnissallu piumasaqaataavoq.

Qitiusumik kiffartuussivik kiisalu nunaqarfinni illoqarfinnilu KNI-p suliaqarfiini tamani sullissisunik suleqatigiinnut ilaassaatit.

Teknikerip illuutinut tekniskchef qaninnertut pisortarissavaa.

Teknikerip pingaarnertut suliassai makkuussapput:

· Teknikkimut tunngassutillit pillugit allaffimmiit ikiuunneq

· Innaallagissap aqqutai allallu ajortinnerini piaartumik suliaqarneq

· Atorfimmut tunngatillugu angalangaatsiartarnissaq naatsorsuutigineqassaaq

· Ukiumut aningaasartuutissatut missingersuummi pingaarnersiuinissami immikkoortoqarfinnik allanik suleqateqarneq

· Qitiusumik kiffartuussivimmi ulluinnarni suliassat

· Qatserutinut tunngasut aammalu upalungaarsimanermut pilersaarutit nutartertarnissaat

· Nalinginnaasumik aserfallatsaaliineq, aningaasartuutissatut missingersuummik akisussaasuuneq ilanngullugu

· Inatsisinik/nalunaarutinik atuuttunik allanillu malitsitsinissamik akisussaaneq

· Puukunik utertitsisarfiit kiisalu tillinniarnermut kalerrisaarutinut tunngasunik nakkutilliineq

Atorfik makkuninnga ilisimasalimmik inuttalerusupparput:

· Teknikeritut allamilluunniit naleqquttumik ilinniagalik

· Teknikkimut tunngassutilinnut aqutsinermik suliniuteqarnermi naleqquttumik misilittagalik

· Aningaasanik aqutsinissamik excel atorlugu ilisimasaqartoq

· IT-mik nalinginnaasumik atuisinnaalluartoq

· Titartaanermi programminik ilisimasalik, soorlu AutoCAD

· Nammineersinnaalluartoq akisussaassusilillu

· Nakkutilliinermik suliaqarnermik misilittagalik

· Oqaatsit - kalaallisut, qallunaatut atuisinnaaneq, kalaallit oqaasiinik kultooriannillu ilisimasaqarneq iluaqutaassaaq

Atorfinittussamut neqeroorutigaagut:

· Suliffik soqutiginartoq suliassallu assigiinngiiaaqisut

· Sineriak tamakkerlugu suleqatit pitsaasut

· Piginnaasat naapertorlugit isumaqatigiissuteqarnikkut akissaateqartitaaneq

· Atorfinitsinneqartumut Sisimiut avataaneersumut inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il.il. akilerneqartassapput inatsisit malillugit

· Atorfininnermi nuunnermi angalanermi, kiisalu pequtit angallannerannut akiliunneqarneq

Atorfimmut soqutiginnikkuit paasisaqarnerorusukkuillu tekniskchef Rasmus Frederiksen attavigineqarsinnaavoq oqarasuaammut: 86 24 61 mobil: 59 71 55 imaluunniit mailerfigalugu uunga: rfr@kni.gl.

Qinnuteqaat

Qinnuteqaat sukumiisoq tunngavilersugaq ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 23. marts 2026

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

Email: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.