Teknisk mindede AC-fuldmægtige med projektledergen søges til Det Grønlandske Sundhedsvæsen

Kalaallit Nunaanni Peqqinnissaqarfimmut suliniutinik aqutsisinnaassusilimmik teknikkilerisinnaasumik AC-fuldmægtigittut atorfik inuttassarsiugaavoq

Suliniutinik mikinerusunik aqutsisinnaasumik, aaqqiissutini nutaani nakorsiartitsisartunik ilinniartitsisinnaasumik, allakkiamik allassinnaallunilu annikitsumik neqeroortitsinerni ikiuisinnaasumik teknikkilerisinnaasumik tamatigoortunik ingerlatsisinnaasoq atorfimmut inuttassarsiorparput. Suut tamarmik ataatsikkut, annuffiginagillu. Qungujunnissamut saperfeqannginneq assut iluaqutaassaaq.

Illit inissisimaffigisat

Ulluni ulappuffinni peqqinnissaqarfimmi Kalaallit Nunaanni aamma Danmarkimi suleqatit pikkorillutillu ilungersorlutik suliaqartut 1.600-it qarasaasialeriffimmi aaqqiissutiminnik pinngitsuuisinnaanngillat.

Illit inissisimaffigisat tassaavoq (suliffiup iluani soorlulusooq avataani) soqutigisaqaqatigiit attuumassutillit taakku oqaloqateqartuarnermi, aamma suliniutinut nutaanut atatillugu, imaluunniit tamaaneereersutut aaqqiissutinik allanngortitsinerni ilaatinneqarnissaannik qulakkeerinissat, ilaallutik pisariaqartitat naammaginartumik isumalimmillu nassuiarsimanissaannik, paasiuminaatsutut ajornartorsiutit piffissap naammaginartup iluani (ilinnilli isumagineqarnissaannik pisariaqanngitsumik) iluarsiivigisimanissaannik, aammalu aaqqissuussiffiup sinneranik, attuumassutilittullu suliffiup avataani suleqatigisanik paatsuugassaanngitsumik piaartumillu attaveqaqatiginninnissamik qularnaarisarnissat.

Aaqqiissutini ingerlatsigisassavit ilamininngui:

• Nakorsiartitsinermi aaqqiissutit: Cambio Cosmic, BCC Lab, Sectra, Apovision, Topcon, Auditbase allarpassuillu.
• Microsoft 365: Officemi katsersat, cloudimi (F3) aamma sumiiffinni kiffartuussani (E3), kiisalu filserverit, SharePoint aamma Teams.
• Datanetti (Paasissutissanut attaveqarfik): Ciscomik atortunik tunngavilittut kabelilikkatut kabeleqanngitsutullu attaveqarfik, kiisalu sumiiffiit ungasissut amerlasuut ingerlatsivitta akornanni MPLS.
• Uppernarsaanerit, pilersaarusiornerit ilanngussuinerillu: Confluence, Zendesk, ID Connect aamma Trello.

Tamatigoortunik ingerlattagalik qanoq paasivarput?

Aap, SharePoint aamma paasissutissanik agguaqatiginnittarnermut ilisimasaqarluassaguit tassaavutit ujagarput. Nakorsiartitsinermi ilanngussukkanik (app’inik) nukittuuffeqassaguit aamma tassaavutit piumasarput. Ataasinngormalli ingerlasussaagaluartumik, aatsaalli IT & Digitaalinngorsaanerup maanna tusagaanik aaqqiissut nutaaq tusarlugu erniinnaq sulinissannut piareeruit aamma uagutsinni eqqortumi inissisimaffeqalissaatit. Atortunik pisoqqanik taarsersuinerit qanoq ingerlaneri, kiisalu missingersuutit nutaanik ilalersukkat pillugit allakkiaqaruit tamanna ajornartorsiutaassanngilaq. Allagartanik naqitaqarneq ajornartorsiuteqarfiummat nakorsaataasivik aammaarluni sianerpat eqqarsassaatit ”tassunga pitsaanerusumik iluarsiissummik peqartariaqarpoq, kikkunuku ilanngunniarigut.” Ilanngullugu AI-mut pikkorissuussaguit assut tusarusuttuuvugut (annikitsumilli taamaaginnartitserusuttuusartuuvugut). Kiisalu misissueqqissaarinernut data’nik pissarsiniarnernik, dashboardinik ikkussuinissanik, ataatsimullu isiginniffimmik pitsaanerusumik pilersitsisinnaaniarluni data’t sorliit uagutsinnit amigaatiginerinik (aamma ilaatigut EPJ-imik aaqqiissummi taakkuninnga katersuinernik qularaarinissamut) ikiuisinnaassaguit pisortaqarfimmik AC-fuldmægtiginillu nuannaartitsissaatit.

Sunilli tamanik sapigaqarnissat naatsorsuutiginngilarput.

Aamma kissaatitit piginnaasatillu apeqqutaallutik atorfimmut suliassanik allanik, imaluunniit akisussaaffigisatut suliassaqarfinnik ilanngussisoqarsinnaavoq.

Allatut oqaatigalugu AC-fuldmægtigitut ullut atukkatit assigiinngitsorpassuarnik suliassartallit pissarsiarissavatit, aammalu IT & Digitaalinngorsaaffimmi suleqatinnik, Nuummi sineriammilu nakorsiartitsisartunik, medicoteknikkimik, teknikkimut immikkoortoqarfimmik, aamma suliffiup avataani teknikerinik siunnersuisartunillu oqaloqateqartassaatit. Datanettimik serverinillu ingerlatsinerit allanut suliaritinneqarput, ilaannikkooriarlunili allannguuteqarnernut atatillugu ingerlatsinermi suleqatigisat ilanngussortarnissaannut pisariaqartitsisoqartassaaq.

Aaqqissuussiffimmi inissisimaffik

Suliffiit tassaassaaq Nuummi Dronning Ingridip Napparsimmavissua, qullersarissallugu it-mi pisortaq André Just Vedgren. Ilaatigut Kalaallit Nunaanni Danmarkimilu sungiusarnernut pikkorissartitsinernullu atatillugit atorfimmut tunngasutut angalasarnissat naatsorsuutigineqarumaarput.

IT & Digitaalinngorsaaneq tassaavoq Kalaallit Nunaanni Peqqinnissaqarfimmut tamarmut atorfilittatut atuuffik, tassaniillutik Ingerlatsiffik, aamma kiffartuussivittut saaffiginniffissaq (servicedeski), EPJ-imut allaffik (EPJ-imik aaqqiissutitsinni ikiuisarnermik ineriartortitsinernillu isumaginniffiusoq), kiisalu Digitaalinngorsaanermut allaffik, illit inissisimaffigiligassat. Atorfilittanik tamanik qanimut suleqatiginnittoqassaaq.

Tunuliaqutit

Kandidatitut inissisimaffimmi nangitatut ilinniagaqarnissat naatsorsuutigaarput. Ajornanngippat teknikkimut tunngasutigut. Nuummili teknikerini pikkorinnerpaajunissannut naleqqiullugu inunnik oqaloqatiginnillaqqinnissat, aamma nakorsiartitsiviup teknikkillu silarsuaata akornanni “nutserisuusinnaanissat” pingaarnerupput. Paarlattuanik tamatuma periarfissaanik kingunerisinnaasaanillu paasinnissinnaaniarluni teknikkertaa ilisimasariaqarpat, aammalu Kalaallit Nunaanni Peqqinnissaqarfiup sapinngisamik annertunerpaamik iluaqutiginninniarnissaa qulakkeerniassavat.

IT-mik pilersuisartunik attaveqaqatiginnittarnissaq sianigalugu minnerpaamik danskit tuluillu oqaasii allattariatigut oqaluttariatigullu atorsinnaasariaqarpatit.

Uppernarsarsinnaasatut eqqortunik piginnaasalimmut qinnuteqartumut isumaqatigiissut atuuttoq najoqqutaralugu specialkonsulentitut atorfinitsitsisoqarsinnaavoq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 1. januar 2026 imaluunniit isumaqatigiissutigisaq malillugu

Qinnuteqarfissaq kingulleq: Ull. 2. november 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: IT-mut pisortakkut André Just Vedgrenikkut pissarsiarineqarsinnaapput, ukunatigut: oq. (+299) 58 54 28 imaluunnit e-mail: ADRE@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk