Tuniniaanermut nioqqutissanullu siunnersorti - KNI Engros

KNI Sisimiuni KNI Engros-imi immikkooortortaqarfia misilittagaqarluartumik tuniniaanermut nioqqutissanullu siunnersortissarsiorpoq ulloq 1. januar 2026 aallarnerfigalugu imaluunniit isumaqatigiissuteqarnikkut sulilersussamik.

KNI Engrosip pisisartut nunatsinni tamaneersut sullippai ilaatigut, immiaaqqanik, sodavandinik, inuussutissanik, nerisassaanngitsunik nioqqutinillu immikkuullarissunik. Pisisartugut tassaapput akunnittarfiit, kilisaatit, pisiniarfiit, paaqqinniffiit suliffeqarfiillu allat namminersortut pisortallu ingerlataat.

Akisussaaffiit suliassallu

Tuniniaanermut nioqqutissanullu siunnersortip akisussaaffigaa KNI Engrosimi tunisat nioqqutissallu ineriartortissallugit, pitsanngorsassallugit nutartertuassallugillu. Suliffimmi suliassat ilagaat pisisartunik kiffartuussineq, nioqqutigisanik aqutsineq, akinik isumaqatigiissutinillu suliaqarneq kiisalu orniguttarluni tuniniaaneq - tamatumani pisisartut annertuumik naammagisimaarinninnissaat, imminut akilersinnaasumik siuariartornissaq nioqqutillu sunniuteqarluartumik aqunneqarnissaat pingaartinneqassallutik.

Suliassavit ilagai pisisartunut orniguttarneq, nioqqutigisassatut pilersaarusiorneq nutarsaanerlu, ullunik tunisaqarfiusunik misissueqqissaarnerit nioqqutigisassatullu allannguutissanik siunnersuuteqarnerit, CRM-systemikkut pisisartunut attaveqarnermik ineriartortitsinermillu uppernarsaateqartitsineq, neqeroorusiorneq, neqeroorutaasunik akiinillu uterfiginnittarneq, pisisartut noqqaassutaannik tigooqqaaneq suliaqarnerlu - tamatumani sapaatit akunnikkaartumik mailikkut uterfiginnittarneq suliffimmilu ataatsimeeqataasarneq kiisalu tuniniaanermi suliani periusissiorluni tuniniaanerup ineriartortinneranut suleqataaneq.

Atorfik soqutiginarluinnartuuvoq assigiinngitsorpassuarnillu suliaqarfiulluni ineriartornissamik periarfissaqarluarfiusoq kiisalu suliaqarfigisap iluani nammineerluni annertuumik sunniuteqarfigineqarsinnaasoq.

Tuniniaanermi nioqqutissanullu siunnersortip engrosimi pisortaq qaninnertut pisortarissavaa.

Pisinnaasat

Makkuninnga pisinnaasaqarnissat pingaartipparput:

• B2B-mi tuniniaanermik, nioqqutissanik aqutsinermik pisisartunillu kiffartuussinermillu misilittagalik
• Niuerluarnermik paasisimasalik attuumassuteqarfissanillu pilersitsisinnaasoq
• Aaqqissuulluakkamik nammineerlunilu suleriusilik
• Nunatsinni niuernermik ilisimasaqarneq iluaqutaassaaq
• IT-mik atuisinnaalluartoq

Atorfinittussamut neqeroorutigaagut:

· Piginnaasat naapertorlugit immikkut isumaqatigiissuteqarnikkut akissaateqartitaaneq

· Atorfik soqutiginartoq atorfillu avammut attaveqarfiulluartoq nammineq suliarisatigut annertuumik sunniiviusinnaasoq

· Piginnaanngorsarnissamut periarfissat pitsaasut

· Atorfimmut atatillugu inissaqartitsisoqanngilaq

Atorfik pillugu paasisaqarnerorusukkuit engrosimi pisortaq Kenneth F. Ingemann attavigineqarsinnaavoq oqarasuaatikkut: 86 23 25, mobil: 53 55 33 imaluunniit mailikkut: xkh@kni.gl

Qinnuteqaat

Qinnuteqaat sukumiisumik tunngavilersugaq, ilinniarsimanermut siusinnerusukkullu sulisimanermut nalu-naarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 15. december 2025.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartortoqarpoq. KNI aamma ineriartorfiuvoq, tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna isorartoorujussuaq ataatsimoortinneqarpoq.

Kiffartuussivik Kalaallit Nunaanni illoqarfiit anginersaasa tulliani Qaasuitsup eqqaaniittumi inissisimavoq. Kalaallillu Nunaat tamakkerlugu 900-t eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuatsinnut tunngatillugu paasisaqaraanni aamma Kalaallit Nunaata oqaluttuarisaanera nutaajunerusoq, inuiaqatigiinni aaqqissuussaaneq ineriartornermullu tunngatillugu paasisaqarfiussaaq.

Akisussaaffinnut suliassanullu pissangaartunut tikilluarit. KNI-p silarsuaanut tikilluarit.