Tusagassiorfimmi Sermitsiami tusagassiortoq

Tusagassiorfik Sermitsiaq Nuummi nutaarsiassaqartitsivimmi tusagassiortussarsiorpoq

Kalaallit Nunaanni sukkasuumik ineriartortoqarpoq. Inuussutissarsiornermi periarfissat nutaat, politikikkut aalajangiinerit inuiaqatigiinnilu allanngoriartortoqarnera sammisanik pingaarutilinnik pitsaasumik tutsuiginartumillu tusagassiuutitigut allaaserineqartarnissaat pisariaqarput.

Taamaammat tusagassiortumik pisunut qanimut malinnaasussamik, nutaarsiassiisartussamik oqaluttuanillu paasinartunik, assigiinngitsunik isiginnittaasilinniit oqallinnermillu pilersitsisinnaasumik ujaasivugut.

Uagutsinni ulluinnaat

Sermitsiami tusagassiortutut ulluinnarni nutaarsiassiisartutut, Kalaallit Nunaanni inuttaasunik peqataatitsisarlutit suliaqartassaatit.

Nutaarsiassanik, tunuliaqutaasunik, misigisanik aamma inuussutissarsiornermi inuiaqatigiinnilu ineriartorneq, politikki pillugu allaaserinnittassaatit. Sulininni aalajangiisartunut innuttaasunullu qanimut attaveqartassaatit, nunamilu ineriartornerup inunnut qanoq sunniuteqarnerata qulaajarnissaanut periarfissaqassallutit.

Sermitsiami ilaatigut uku periarfissarissavatit:

• Sammisat inuiaqatigiinnut sunniuteqartorujussuit allaaseralugit

• Inuussutissarsiortut, politikerit innuttaasullu attaveqarfigilernerat

• Tusagassiorfimmi sunniuteqarluartumi sammineqartunut sunniuteqarsinnaaneq

• Tusagassiortutut piginnaasat suliat akisussaaffillu aqqutigalugu ineriartortinnerat

Uku pingaartippagut:

• Alapernaatsoq, paasiniaasinnaasoq soqutiginnittorlu

• Namminersorluni sulisinnaallunilu iliuuseqarsinnaasoq

• Inunnik, ineriartornermik inuiaqatigiinnilu pissutsinik malinnaasoq

• Attaveqaatinik tatiginninnermik pilersitsisinnaasoq

• Paasinartumik, tiguartinnartumik soqutiginartumillu allattartoq

Suliffeqarfik sunniutilik

Sermitsiaq Kalaallit Nunaanni oqallinnermi qitiusumik inissisimaffeqarpoq. Tusagassiortutut sammisani pingaarutilinni allaaserinnittarnissanik periarfissaqassaatit, tamat oqartussaaqataanerannut tunniussaqarsinnaallutit allanngueqataasinnaasumillu sunniuteqarsinnaassallutit.

Tusagassiorfimmi suleqatigiinnut tunniusimasuni ataqatigiilluartunilu ilanngutissaatit. Suliani avitseqatigiittoqartarlunilu tusagassiorluarnissamik pigaartitsisuni.

Tusagassiorfik Sermitsiaq pillugu

Tusagassiorfiup Sermitsiap aviisi naqitaq Weekend­avisen saqqummersittarlugu nittartakkatigut nutaar­siassiivik Sermitsiaq.AG ingerlataraa. Nuummi, Ilulissani Qeqertarsuarmi Danmarkimilu sulisoqarpoq, immikkoortortaqarfiillu akimorlugit atuartartuvut anguniarlugit suleqatigiittarluta.

Paasissutissat pingaarutillit

Sulilerfik: Septembarip aallaqqaataa 2026, isumaqatigiissuteqarnikkulluunniit

Qinnuteqarnissamut killigititaq: Juulip 16-iat 2026

Atorfiup suussusaa: Piffissaq tamakkiisoq

Sumiiffia: Nuuk

Akissarsiat atorfimmilu atugassarititaasut Dansk Journalistforbundip Tusagassiorfiullu Sermitsiap isumaqatigiissutaat malippaat.

Marlunnik oqaasillit qinnuteqarnissaat kissaatiginarpoq, piumasaqaataananili. Allaaserinikuusat ilanngullugit nassiunneqarsinnaapput.

Qinnuteqaat aaqqissuisuunermut Dorthe Olsenimut, dorthe@sermitsiaq.gl, nassiunneqassaaq. Taanna oqarasuaammut uunga attaveqarfigineqarsinnaavoq 272192, atorfillu pillugu apeqqutissaqaruit saaffiginnissinnaavutit.