Fakta
Stillingstype: Tusagassiortoq
Virksomhed: KNR
Ansøgningsfrist: 12. marts 2025
Kontakt: Irene Jeppsson tlf.: +299 36 46 38-imut imaluunniit e- mail: irj@knr.gl
KNR-ip nutaarsiassaqartitsiviani TV-p, radio-p nittartakkallu ullormut nutaarsiassat qanimut suleqatigiissutigisarpaat.
Siunissami tusagassiortut nutaarsiassalerivinnut tusagassioriaatsit assigiinngitsut tunngavigalugit suliaqarsinnaasariaqarput, tamatumunnga illit suleqataanissannut piareersimassaatit.
Atorfiit aprilip aallaqqaataaniit isumaqatigiissuteqarnikkulluunniit inuttalernissaat kissaatigaarput.
Aallaavittulli radioaviisimut tusagassiorneq, toqqaannartumillu tusagassiorneq suliarineqassapput.
Ullaakkut arfineq marluniit unnukkut arferngup tungaanut radioaviisinik aallakaatitsisarpugut, TV-kkullu ullormut nutaarsiassiisarluta minnerunngitsumillu ineriartortumik nittartagaqarluta.
Innuttaasut 80 procent-iisa tungaannut ullut tamaasa naalaarlutalu isiginnaartarpaatigut.
Nutaarsiassanik pitsaanerpaanik, pingaarnerpaanik eqqornerpaanillu innuttaasunut tusagassiorusuppugut toqqaannartumillu tusagassiinneq nuannaraarput. Peqataarusukkuit ilinnit uku naatsorsuutigaagut:
- Tusagassiortutut ilinniarsimasuunissat imaluunniit assingusumik ilinniagaqartuunissat.
- Pilertortumik eqqorluartumillu sulisinnaanissat.
- Suleqatigiilluarsinnaassuseqarnissat, isumagissaartuunissat aammalu apeqqusiisinnaassuseqarluarnissat.
Akissarsiat:
Aningaasarsiassat atorfininnermilu atugassarititaasut Naalakkersuisut Tusagassiortut Peqatigiiffiatalu/ Dansk Journalistforbund-ilu akornanni isumaqatigiissutaasut atuupput. Aningaasarsiat atorfinitsinneqarnermullu atugassarititaasut, taakkunani atorfinitsinneqarnermi aammalu soraarnermi angalanermut pisattanillu nutsernermi atugassarititaasut Namminersorlutik Oqartussat aammalu aaqqissuussinermi inissisimanermi isumaqatiginninniartartut akornanni malittarisassat atuuttut malillugit pissapput.
Ineqarneq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Nuunnermi taamatullu suliunnaarnermi angalanerit pigisallu nuunneri/nassiunneri, isumaqatigiissutit atuuttut tunngavigalugit pissapput.
Paasissutissat sukumiinerusut nutaarsiassaqartitsivimmi pisortaq Irene Jeppsson tlf.: +299 36 46 38-imut imaluunniit e- mail: irj@knr.gl
Qinnuteqarfissaq ulloq kingulleq 12.marts 2025.
Atorfik una qinnuteqarfigiuk
