Paasissutissat
Atorfiup suussusaa: Servicemontør
Suliffeqarfik: Tusass
Qinnuteqarfissamut killigititaq: ingerlaavartumik
Attavissaq: John Pedersen,
jp@tusass.gl.
Tusass Nuummi sullissinermut teknikerissarsiorpugut
Tusassip atuisut pitsaanerpaamik misigisaqartikkusuppai taamaammallu atuisunut aamma Nuummi allaffimmiit najukkami ingerlatsinermi aserfallatsaaliuinermilu suliassanik suliaqarsinnaasumik teknikkimut pikkorissumik ammasumillu sulisussarsiorpoq.
Ulluinnarni suleqatitit peqatigalugit suleqatigiittut ingerlassaasi. Taamaammat namminersorsinnaanissat aamma nammineerlutit ullut suliffiusut ingerlassinnaassagitit naatsorsuutigineqarpoq. Suleqatitit allat nuna tamakkerlugu siammasipput, taamaattorli siunnersorneqarnissamik isumasioqateqarnissamilluunniit pisariaqartitsissaguit sianerfigineqariaannaapput.
Pingaarnertut suliassaqarfik
Tusass Nuummi suleqatissarsiorpoq. Ilaatigut uku suliarissavatit:
Kabelilerineq soorlu kanngussaat, fiberit aamma minilinks, tassunga ilanngullugit kabelinik siaartiterineq, splidsning, uuttortaaneq, uppernarsaaneq kiisalu nalunaarsuineq
Ikkussuineq, kukkunernik iluarsiineq aamma attaveqaatilerinermi atortunik iluarsaaneq, tassunga ilanngullugit kabeleqarfiit, data, bredbåndit aamma telefoneqarneq
Inuttut tunuliaquttat
Illit ammasutut pimoorussisutullu, suliffimmi atugarissaarfiusumi atorfimmi tamatigoortumi sulinissamut soqutiginnittutut isigaatsigit. Illit:
Atuisunut suleqatinullu saaffigiuminartuuvutit tatiginartuullutillu
Eqeersimaartuuvutit, ilinniarusussuseqarputit aamma suliassannik aaqqissuussillaqqissuuvutit
Suliassanik aaqqissuussillaqqissuuvutit
Assingusumik ilinniarsimasutit
Biilersinnaanermut allagartaqarputit aamma IT-mik atuisinnaanermik ilisimasaqarputit
Kalaallisut, qallunaatut ajornanngippallu tuluttut oqalussinnaasutit
Neqeroorutigaavut
Atorfik soqutiginartoq, ulluinnaat unammilligassanik ulikkaartut ullullu assigiinngisaannangajattut.
Suliffik persuarsiorpalunngitsoq annertuumik kiffaanngissuseqarfiusoq aamma pikkorissunik sulisulik misigissavat.
Isumaqatigiissutit atuuttut imaluunniit piginnaasat naapertorlugit atorfinitsitsisoqassaaq. Isumaqatigiissut atuuttoq naapertorlugu akiliunneqarluni atorfininnermi soraarnermilu angalasinnaatitaaneq kiisalu pequttat nassiunneqarsinnaanerat neqeroorutigineqarput.
Soqutiginnippit?
Uani talerpiatatungaani toortagaq toorlugu qinnuteqaat CV-lu ilanngullugit nassiussinnaavatit.
Qinnuteqartumillu tulluartumik nassaartoqartillugu atorfik inuttalerneqarumaarpoq.
Atorfik pillugu paasisaqarnerorusukkuit Field Servicemi immikkoortortaqarfimmi pisortap John Pedersen, jp@tusass.gl -imut attaviginissaanut tikilluaqqusaavutit.
Tusass A/S
Tusass pillugu paasissutissat sukumiisut uani nassaarisinnaavatit www.tusass.gl
