Ujarassiornermut immikkoortoqarfik Ujarassiuunik ataatsimik marlunnilluunniit ujaasivoq

Suliffimmi nunat tamalaat akornanni suliniuteqartumi sulilernissat kajumigaajuk? Kalaallit Nunaanni aatsitassanut tunngasumik ineriartortitsinissaq, aatsitassarsiornermut periarfissap nittarsaannera, asimi aallaarsimaarluni ujarassiorneq soqutigaajuk? Taamaappat Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiisitaanermullu Naalakkersuisoqarfimmi Ujarassiornermi Immikkoortoqarfimmi ujarassiuutut immikkulluunniit siunnersortitut atorfik ilinnoortuuvoq.

Atorfik pillugu

Saffiugassanik ujarassiuumik, aningaasaqarnermut tunngatillugu ujarassiuumik nunap sannaasalu akoorutissanut ilisimatuumik (geokemiker) Naalakkersuisoqarfimmi Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiisitaanermullu immikkoortortaqarfiup ataani Ujarassiornermut immikkoortortaqarfimmi aatsitassanik ujarassiornermi tapersersuisussamik ujaasivugut.

Inissisimaffimmi issittumi sumiiffinni avinngarusimasuni ujarassiorneq, nunap sannaanik ilisimasaqarnermi (geokemisk) aningaasaqarnerullu misissorneri aqqutigalugit saffiugassiassat ingerlanneqartarnerata paasinissaa qitiutinneqarpoq. Sumiiffinnik piukkunnartunik aalajangiinernut atortussanillu nalilersuinernut peqataassaatit paasisassarsiornerillu aallartinneraniit pitsaasumik suliniuteqalernissaanut aalajangeeqataallutit.

Atorfik ujarassiornermi ilisimatuutut pisortatigullu ingerlatsinerup akornanniippoq atorfillu akuersissutinik, nalunaarsuinermi, paasissutissanik aqutsinermi periuseqartumillu aalajangiinernik Kalaallit Nunaanni aatsitassanut tunngasunik tapersersuineq.

Suliassatit pingaarnerit makkuupput:

• Nunap sananeqaataanik nunap assiliorneq, misissugassanik tigusineq, qillikkanik nalunaarsuineq

• Ujarannguussimasut, allannguutit saffiugassallu misissornerani sunniutit paasiniarlugit

• Nunap pissusaa, geokemiskit, geofysiskillu pillugit paasissutissat ataatsimoortillugit.

• Isumalluutinik missingersuinermi, aningaasatigut naliliinermi nalunaarutiginninnerillu taperserlugit

• Teknikkikkut nalunaarsuusiornerit oqartussallu nalunaarsuinerannut tunniussaqarlutit

• Sillimaniarneq, avatangiisit Kalaallillu Nunaanni tunngaviusumik maleruagassat malinneqarnissaat isumannaarlugu

Tunuliaqutit:

Ujarassiuutut ilinniagaqartutit immaqaluunnit geoscience-imi arlaatigut tunuliaquteqartutit soorlu aningaasaqarnermut tunngatillugu ujarassiooq, nunap sannaasa akoorutissaanik ilisimatuutut (geokemi) ilinniakkamilluunniit assingusumik ilinniagaqarnerit takorluugaraarput. MSc PhD-luunniit iluaqutaassapput aatsitassarsiornerup iluani pisortalluunniit aqutsinerini misilittagaqarneq aamma iluaqutaassaaq, ilinniarsimasunngorlaalli aamma qinnuteqarnissaannut kaammattuivugut. 

Aatsitassarsiornerup tungaatigut saffiugassanik aatsitassanilluunnit pingaarutilinnut tunngasunik misilittagaqarneq paasiniaanermi nalilersuinermilu iluaqutaasinnaasunik pingaartipparput. Atorfimmi nunap sannaasa akoorutissaasa paasissutissanik (geokemisk data) paasinnissinnaanissaq aammalu paasissutissanik ajornakusoornartunik nalilersuisinnaaneq piumasaqaataavoq.

Issittumi pissutsini sumiiffinniluunniit avinngarusimasuni suliaqarsimanermi misilittagaqarneq iluaqutaassaaq soorlu aamma GIS-mut (assersuutigalugu ArcGIs Pro immaqaluunniit QGIS) aammalu geologimi geokemiskimiluunniit softwareinik atuisinnaaneq inissisimaffimmi pingaaruteqarput. Iluaqutaassaaq gaffeltruckinut aqutsinermik allagartaqaruit, piumasaqaataanngilarli.

Inuttut misissueqqissaarinissamut ajornartorsiutinillu naammassinnissinnaaneq aammalu nikerartumi piffissanilu ilaanni pisariaqartuni sumiiffinni sulisinnaassaatit. Peqatigisaanik nalimmassaallaqqissuussaatit patajaattuullutillu aammalu namminersorlutit suliassatit akisussaaffigalugit sulisinnaallutillu suliassaqarfiit assigiinngitsut suleqatillu suleqatigisinnaassavatit.

Kalaalit oqaasiinik kulturiannillu ilisimasaqaruit iluaqutaassaaq. Kalaallit Nunaata avataaniit qinnuteqartunut tunngatillugu pingaartinneqarumaarput sungiusimasamit allaasumik kulturikkut piumasaqaateqarfiusumi sulinissamut piginnaassuseqarneq, piumassuseqarneq kajuminnerlu.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ujarassiornermut misilittakkanut piginnaasatut naleqquppta immikkut ittumik siunnersortitut atorfinitsinneqarnissat periarfissaavoq.

Sapaatip akunneranut akunnerit 40-t suliffiusarput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.