Ukioqatigiinngiiaanut meeqqerivimmut Nukariinnut perorsaasunik arfinilinnik pissarsiorpugut

Nukariit meeqqeriviuvoq meeraaqqerivimmi tallimanik initalik meeqqerivimmilu pingasunik initalik.

Meeqqerivik meeqqanut 120-nut inissaqartitsivoq.

Sulisut amerlassusissaattut naatsorsuutigineqartut 28-upput inini arfineq-pingasuusuni pingasukkaarlugit agguataarneqarlutik, igaffimmi ikiortit marluk, ”flyver”-eq ataaseq aqutsisorlu ataaseq.

Piffissap 07.00 – 17.00-ip akornanni ammarsarpoq.

Meeqqerivimmi siunertaasut:

∙Meeqqat ulluinnarmik toqqissisimanartumik aamma tikilluaqqusaasutut misigissasut

∙Meeqqat ataasiakkaat pisariaqartitaat, ineriartornerat ilinniarnerallu immikkut eqqumaffiginiarneqassasut

∙Meeqqap imminut naleqartinneranik imminullu tatigineranik siuarsaasoqassasoq

∙Meeqqat alapernaatsut, tatituut, peqqissut nuannaartullu pilersinneqassasut

Naatsorsuutigaarput:

∙Socialhjælperitut ilinniagaqarsimanissat

∙Meeqqat ineriartornerannik ilisimasaqartutit

∙Aalajaatsuusutit, misilittagaqarluartutit allanngorartumillu sulisinnaasutit

∙Meeqqanut, sulisunut angajoqqaanullu suleqatikkuminartuusutit

∙Akisussaaffimmik tigusisinnaasutit namminerlu iliuuseqarsinnaasutit aamma unneqqarissuusutit

∙Ataatsimut isiginnissinnaassuseqartutit akisussaassuseqartuusutillu

∙Qiimasuusutit pitsaasumillu inuunermik isiginnittaaseqartutit

∙Kalaallisut danskisullu marluinnik oqaaseqartuuguit iluaqutaassaaq kisianni piumasaqaataanngilaq

Atorfiup imarai:

Perorsaasumik misilittagalimmik aamma suleqatit allat suleqatigalugit suliassanik assigiinngitsunik isumaginnissinnaasumik pissarsiorpugut.

Neqeroorutigivagut:

Meeqqerivik pinngortitamut qanittoq

Ullut assigiinngisitaartut

Allanngorartumik sulisinnaaneq

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Lydia Lyberth, oqarasuaat +299 36 61 91 imaluunniit e-mail: lyly@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 255-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit: 

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 27.-at, 2026