Ulloq naallugu atuarfik pingasunik ikorfartortissarsiorpoq

PAASISSUTISSAT

Atorfiup suussusaa: Ikiorti

Suliffeqarfik: Heldagsskolen i Nuussuaq

Qinnuteqarfissamut killigititaq: 16. juli 2025

Attavissaq: Karola Kristiansen, tlf. +299 36 64 12 imaluunniit e-mail: kami@sermersooq.gl

Kommuneqarfik Sermersooq Ulloq naallugu atuarfimmi Nuussuarmiittumi atuartunut immikkut pisariaqartitsisunut pingasunik ikorfartortissarsiorpoq

Atorfiit piffissaq tamakkerlugu atorfiupput sapaatip-akunneranut akunnerit 40-t suliffiullutik.

Ulloq naallugu atuarfik naatsumik:

Ulloq naallugu atuarfimmi siunertarineqarpoq meeqqanut neqeroorutit, taakkulu pisariaqartitaat atuarfimmi nalinginnaasumi naammassineqarsinnaanngitsut pitsaassutsimikkut pitsaanerulersinneqarnissaat. Immikkut ittumik 1. klassimiit 10. klassimut meeqqanut immikkut annertusisamik perorsaanikkut pisariaqartitsisunut neqerooruteqarnissaq siunertaavoq, tamannalu inuttut siuariaatigalugulu atuakkatigut ineriartuutigissavaat kiisalu inersimasutut inuulernissaannut piareersarlugit. Klassit 13-iupput atuartunut 60-inut ilinniartitsisullu 35-iullutik.

Sunngiffimmi susassaqartitsineq:

Ulloq naallugu atuarfimmi atuartunut ullup ataqatigiissumik atuartitsiffiusup pilersinnissaa anguniarlugu sulisarpugut. Tamanna ima isumaqarpoq ulloq tamaat nal. nal. 8.00-mit nal. 16.00-imut ilikkagassanik sammisaqartoqartarpoq. Ullormi atuarfiusumi atuartitsissutit pingaarnermik piffissami 8.00-13.00 ingerlanneqartarput. Nal. 13-ip missaata kingorna ilaatigut aalalluni sammisaqartoqartarpoq, atuartut pinngorartitsillutik suliaqartarput, spillinik spillertarlutik allarpassuillu sammillugit. Tassani inooqataanikkut piginnaasat sungiusarnissaat immikkut ukkatarineqartarput.

Naatsorsuutigaarput illit:

Ikorfartortitut imaluunniit perorsaasutut ilinniagaqarsimasutit ajornanngippat nappaatit suussusersisat aamma innarluutit pillugit tapiliussatut ilisimasaqartutit. Imaluunniit suliamik ilinniagaqarsimanngitsutit kisianni meeqqanik inuusuttunillu sullissinermik misilittagaqartutit ikiorsiinermik suliassanik ingerlatsisinnaallutit. Taakku saniatigut:

∙Tatitusutit, naammagittartoq, inussiarnersoq, suleqatigiuminartoq, aalajaatsoq, akisussaaffimmik ilisimaarinnittoq ataqqinnittorlu

∙Nammineq akisussaaffimmik tigusisinnaasutit namminersorlutillu sulisinnaasutit

∙Suleqatinut angajoqqaanullu suleqateqarumasutit, aamma uagut suliarput pillugu perorsaaneq pillugu oqallinnerni peqataarusussuseqartutit.

Pingaarnertut suliassat:

∙Meeraq innarluutilik nalinginnaasumik tapersersornera aamma sungiusarnera tarnikkut, timikkut aamma inooqatigiinnermi ineriartornera eqqarsaatigalugit

∙Meeraq pillugu iliuusissatut pilersaarummi anguniagassatut inississukkat tunaartaralugit perorsaanikkut tapersersuinermik ingerlatsissasutit

∙Ulluinnarni suliassanik meeraq ikiorlugu

∙Meeqqap annermik nammineersinnaalernissaanut sungiusarnera

∙Suleqatigiit ataatsimiittarnerannut peqataaneq

∙Siunersiuinermi peqataaneq

∙Killiffik pillugu ingerlatsivimmik angajoqqaanillu ataatsimeeqateqarnerni peqataaneq

∙Ulloq naallugu atuarfimmi sulisut sinnerinik suleqateqarneq

∙Killiffimmik nalunaarusiamik suliaqarneq

Neqeroorutigaavut:

Atorfik suliassanik unammillernartortalik pissanganartorlu aamma imarisaanik nammineq sunniuteqarfigisinnaasat aaqqissuussaanermi ineriartortinneqartumi allanngorartumilu. Suliffimmut suliffeqarfimmullu iserluartinneqarnissaq pingaartipparput aammalu pitsaasumik suleqatigiittoqarnissaa qulakkeernissaa anguniartuarlutigu.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik una meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginartutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikoortortami Aqutsisoq Karola Kristiansen, oqarasuaat +299 36 64 12 imaluunniit e-mail: kami@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 659-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 16.-at, 2025

Atorfik una qinnuteqarfigiuk

Powered by Labrador CMS