Fakta
Atorfiup suussusaa:UNESCO manager
Suliffeqarfik:Qeqqata Kommunia
Qinnuteqarfissamut killigititaq:20. februar
Attavissaq:Mette B. Berthelsen, telefon (+299) 86 73 02, e-mail: mbbe@qeqqata.gl
Qeqqata Kommuniani - Kalaallit Nunaanni kommuni atuilluartoq - UNESCO-mut immikkoortuani aqutsisutut atorfik pissanganartoq inuttassarsiorneqarpoq.
2018-imi aasaanerani Inuit-piniariartarfiat-kulturikkut nuna Aasivissuit–Nipisat UNESCO-mi nunarsuarmioqatigiinnut kingornussassat allattorsimaffianut ilanngunneqarpoq. UNESCO-mut immikkoortuanut aqutsisup, soqutigisaqartut tamaasa suleqatigalugit, nunarsuarmioqatigiinnut kingornussassap piutiinnarnissaanik kiisalu paasissutissiissutiginissaanik ingerlatsinermut aqutsisuussaaq.
Suliassat akisussaaffiillu
- Innuttaasunut kiisalu nunarsuarmioqatinut nunarsuarmioqatigiinnut kingornussassaq pillugu paasissutissiineq.
- Nunarsuarmioqatigiinnut kingornussassanut ingerlatsinissamut pilersaarutip akuerisaasup atuutilersinnissaa.
- Suliniutissanut assigiinngitsunut aningaasaliisussarsiorneq
- Nunaannarmi nakkutilliisumik suliniummullu suleqataasumik aqutsisuuneq
- Aqutsisoqatigiinni allatsi
- Nunap immikkoortuani kulturikkut pinngortitatigullu naleqartitanik nakkutilliineq.
- Nunap immikkoortuani ineriartornermut paasisimannilluarnissaq.
- Atuisunik/tikeraanik ilitsersuussineq paasissutissiinerlu.
- Nunami nunarsuarmioqatigiinnut kingornussassami pisortatigoortumik tikeraartoqarnermi isumaginninneq.
- Oqartussat tusarniaassutaannik akissuteqarneq.
- Suliniutinik aqutsineq
- Aningaasaqarnermik aqutsineq
- Suliassat takkussortut suliarinissaat isumagalugu
Piginnaasat:
- Immikkoortumut attuumassuteqartumik piginnaalersitsisumik ilinniagaqartutit.
- Suliniutinik aqutsinermik misilittagaqassasutit
- Kalaallit Nunaanni kulturikkut pinngortitatigullu pissutsinut ilisimasaqartuusutit
- Oqaatsitigut allattariarsornikkullu attaveqaqateqallaqqissuusutit
- Arlalinnik oqaasiliusutit, pingaartumik kalaallisut tuluttullu
Akissarsiatigut atorfinitsitsinermilu atugassarititaasut:
Akissarsiatigut aamma atorfeqartitaanermi atugassarititaasut, taakkununnga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaaneranut akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaat naapertorlugit ingerlanneqartarput.
Inissaqartitsisoqarsinnaavoq, malittarisassallu atuuttut naapertorlugit akilersorneqassaaq.
Piaartumik isumaqatigiissuteqarnikkulluunniit atorfinittoqassaaq.
Atorfik pillugu annertunerusumik paasissutissat pisortaanerup sulisuinut pisortamut Mette B. Berthelsen oqarasuaatikkut (+299) 86 73 02 e-mail: mbbe@qeqqata.gl imaluunniit suliniummut pisortamut/aqutsisooqatigiit siulittaasuanut Laust Løgstrup oqarasuaatikkut (+299) 86 73 10, mobil (+299) 52 59 52, e-mail: laul@qeqqata.gl saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
UNESCO nunarsuarmioqatigiinnut kingornussassaqarfik Aasivissuit-Nipisat
Aasivissuit – Nipisat – Sermersuup immallu akornanni Inuit Piniariartarfiat Kalaallit Nunaanni immikkoortumi sermeqannginnersami qitiusumik ukiut tuusintilikkuutaani inuit nunasiffiginikuusaanni inissisimavoq. 2500 Kr.in.si. qanganitsanik eriagisassanik paarilluarneqarnerpaanik imaqarpoq, sinerissap nunallu timaani ukiup qanoq ilinera malillugu angalaarnikkut isumalluutinik atuilluarsimanernik uppernarsaasut.
Aasivissuit - Nipisani Nipisat qeqertaani Paleo-Inuit nunasisimanerinut takussutissanik kiisalu Thulekulturimit illukut hunnorujulikkaat ersarilluinnartutigut (c. AD 1250-1700) aammalu piffissami oqaluttuarisaanermut (c. aassisarfiit AD 1700-1900) uppernarsaatissaqarluarpoq.
2026-2028-mi paasissutissanik ingerlatitseeqqinnissamut suliniutip immikkoortuata aappaata ingerlannissaanut Aasivissuit – Nipisat 16,5 mio. koruuninit aningaasaateqarfimmit aningaasaliiffigineqaqqammerpoq. Immikkoortoq siulleq 2024-2025-mi ingerlanneqarpoq.
Immikkoortumi aqutsisoq ulluinnarni immikkoortumik aqutsinermik, aserfallatsaaliinermut, ussassaarinermut aammalu paasissutissanik ingerlatsitseqqiinermut kiisalu inerisaanermut nalunaarusiornermullu akisussaasuuvoq. Tamatuma saniatigut nunarsuarmioqatigiinnut kingornussassamut aqutsisoqatigiinnut, inatsisit, najoqqutassat aammalu ingerlatsinermut pilersaarut naapertorlugit immikkoortumik illersuinissamut ingerlatsinissamullu akisussaasumut immikkoortumi aqutsisoq allatsitut atuuppoq.
Qinnuteqarnissamut killissarititaasoq: februaarip 20.-at, 2026
Atorfik una qinnuteqarfigiuk
