Utaqqiisaasumik inissianut allaffimmi piffissamik killilikkamik ilinniartutut ikiorti/ feriernermi taarsiisoq

Utaqqiisaasumik inissianut allaffimmi piffissamik killilikkamik ilinniartutut ikiortimik/ feriernermi taarsiisussamik pissarsiorpugut. Ulluinnarni suliassatit ingerlatsinermut tunngassuteqassapput, taamaammat ilinniaartutut ikiortimik pitsaasumik sukkasuumillu sullissisinnaasumik pissarsiorpugut.

Allaffiup atuuffii:

Namminersorlutik Oqartussani Utaqqiisaasumik inissianut immikkoortortaqarfik Utaqqiisaasumik inissianik aqutsinermik sulisunullu inissianut innersuussinermik suliaqartarpoq.

Suliassat:

• Utaqqiisaasumik inissianut iserterneq nutsernerlu

• Utaqqiisaasumik inissianut ingerlatsineq aserfallatsaaliuinerlu

• Toqqorsivimmik aqutsineq

• Eqqiaasartut aammalu inissiaatileqatigiiffinnik qanimut suleqateqarneq

Piginnaasassatit:

• Suliamut attuumassutilimmik ilinniagaqarnermik ingerlatsivutit.

• Inussiarnersuuvutit inunnullu nalusannut saaffiginnissinnaavutit.

• Biilinik ingerlatsinermut allagartaqarnissat.

• Peqqissaartuuvutit, tamatigoortuullutit suliavillu naammassineqarnissaannut akisussaaffigissallugu merserisaqanngitsuullutit.

• Ikiortissarsiornissannut ersinngilatit.

• Inissianik attartortut nikinneranni utaqqiisaasumik inissiaqarnissamut piareersaaneq.

• Immikkoortortaqarfimmut saaffiginninnernik sulianik sullissineq.

• Toqqorsivimmik aqutsineq.

Allaffik Aningaasaqarnermut Sulisoqarnermullu Aqutsisoqarfimmi Ingerlatsinermut Aserfallatsaaliinermullu immikkoortortaqarfimmut aammalu Pisiortortarnermut allaffimmut ilaavoq. Aasaanerani suliffimmik soqutiginartumik persuarsiorpalunngitsumik suleqatigiiffiusumik aammalu assigiinngitsorpassuarnik suliassartalimmik neqeroorpugut.

Suleqatigiinni ilaassaatit, matumanilu sulianik isumaginnilluartarneq kiisalu suleqatit pimoorussisut, isumagissaartut sullisserusuttullu pingaartippagut. Allaffik mikisuuvoq, tassanilu suliassat amerlapput ikioqatigiillutalu sulisarluta. Aammattaaq illumi allaffiit allat qanimut suleqatigisarpagut tamatumalu ilutigalugu atugarissaarnissaq qitiutinneqarpoq.

Sapaatip akunneranut nalunaaquttap akunneri 40-t miss. suliffiusarput.

Sulilerfissaq 13. juni - 31. August 2025

Attaveqarneq qinnuteqarnerlu

Atorfik pillugu apeqqutissaqaruit allaffimmi aqutsisoq Tanya Mørch-Worsøe emailikkut taam@nanoq.gl imaluunniit 346644-imut sianerlutit attaviginissaanut tikilluaqqusaavutit.

Namminersorlutik Oqartussat pillugit sukumiinerusumik paasissutissat pillugit nittartagaq www.naalakkersuisut.gl takuuk aammalu Aningaasaqarnermut Sulisoqarnermullu Aqutsisoqarfik pillugu sukumiinerusumik paasisaqarfigerusukkukku www.asa.gl takuuk.

Aningaasarsiatigut atorfinitsitaanermilu atugassarititaasut

Akissarsiat isumaqatigiissummut naapertuuttut tunngavigalugit akunnernik suliffiusut malillugit akilerneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk