Utoqqaat Illuat Allaffimmiumik pissarsiorpoq

Kommuneqarfik Sermersooq Suliffeqarnermut Isumaginninnermullu Ingerlatsivimmi Utoqqaat Illuani allaffimmiumik pikkorissumik tunniusimasumillu pissarsiorpoq.

Atorfik pillugu:

Allaffimmiutut ulluinnarni ingerlatsinermi allaffissornermilu pingaarutilimmik atuuffeqassaatit. Atorfimmi Utoqqaat Illuani allaffimmi fuldmægtigi kiisalu aqutsisoq tullersortilu qaninnertut aqutsisorineqarput.

Aqutsisut qanimut suleqatigissavatit aamma sulisoqarnikkut aqutsinermi najugaqartullu pillugit allaffissornermi pingaarutilittut aallaaviussaatit.

Atorfiup imarisaa:Allatsitut allaffimmilu suliassat

·Oqarasuaatikkut sullissineq, allakkerineq, allagaatinik toqqortuineq assiliinerlu

·Ullormut oqaluuserisassanik imaqarnilianillu suliaqarneq (aqutsisut sulisullu ataatsimiinnerini)

·Allaffimmi atortunik, naasunik, ullorsiutinik allanillu inniminniineq

·Takussutissanik najukkallu allattorsimaffiinik suliaqarneq nutarterisarnerlu

·Suliassat soorlu aqqit allagartai, matunut allagartat paasissutissiinermullu atortut

Sulisoqarnikkut aqutsineq akissarsialerinerlu (pingaartumik allaffimmi fuldmægtigip peqannginnerani)

·Atorfinitsitsinerni, suliunnaarnerni napparsimallunilu sulinngitsoornerni allaffissornikkut ingerlatsineq

·Sulisoqarnermut Aningaasaqarnermullu Immikkoortortamik suleqateqarneq

·Suliartunngitsoortarnernik kisitsisitigut takussutissiorneq, sulisunik takussutissiat aamma atuisunillu pilersitsineq

Najugaqartut pillugit allaffissorneq

·Najugaqartunik inissiineq najugaqarunnaartitsinerlu

·Pisartakkanik, akiliuteqarnermut kiffartuussivimmik kaasarfimmiussanillu aqutsineq

·Takussutissiat nalunaarsuinerillu najugaqartunut attuumassutillit

Qinnuteqartunut naatsorsuutigisat:

·Niuernermut/allaffissornermut tunngasunik ilinniarsimasoq

·Allaffissornikkut sulinermik misilittagalik – ajornanngippat utoqqarnut - isumaluunniit isumaginninnermut suliassaqarfimmit

·Aaqqissuussaasumik, namminersorluni akisussaaffeqarlunilu sulisinnaasoq

·Sullissillaqqissoq, nikerartumik sulisinnaasoq suleqatiginnilluarsinnaasorlu

·Ulluinnarni ulapaarfiusumi assigiinngitsunik attaveqarfiusumi sulilluarsinnaassasutit

Pingaartipparputtaaq:

·Aalajaatsoq, pitsaassutsimik ilisimasaqarluartoq immikkuualuttunillu maluginiaasinnaasoq

·Tamakkiisumik takunnissinnaalluni ataatsikkut arlalinnik suliaqarsinnaasoq

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq

·Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasoq

·Tatitooq, namminersorluni aallarniiniartartoq, nukissaqarluartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Kisitsisilerillaqqissoq

·Siammasissumik suleqateqarluarsinnaasoq

·Marlunnik oqaaseqartuusutit, kalaallisut qallunaatullu, tamannali piumasaqataanngilaq.

Neqeroorutigivagut:

·Suliffimmi kialaartumi tunniusimasunillu avatangiisilimmi atorfik tamatigoortoq isumaqarluartorlu

·Aqutsisunik qanimut suleqateqarneq

·Piginnaasatigut inuttullu ineriartornissamut periarfissaqarneq

·Atorfinitsitsineq Kommuneqarfik Sermersuumi isumaqatigiissut naapertorlugu pissaaq

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ningiu Kathrine Lerch-Amondsen, oqarasuaat +299 36 61 31 imaluunniit e-mail: kler@sermersooq.gl imaluunniit uunga: Tullersorti Arnannguaq J. Nikodemussen, oqarasuaat +299 36 61 11 imaluunniit e-mail: arjn@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 96-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 19.-at, 2026

Atorfik una qinnuteqarfigiuk