Utoqqaat Illuat immikkoortortaqarfik Pillorissaavik aammalu Katak aqutsisussarsiorpoq

Utoqqarnik isumassuinermi sulinermik, nalerisimanermik aamma sulinermik nuannarisaqarnermik pitsanngorsaaqataarusuppit?

Piffissaq suliffiusoq ulloq naallugu suliffiuvoq sapaatip akunneranut 40 tiimi, tassani pigaartoqartarnermut peqataassaatit.

Utoqqaat Illuat Kommuneqarfik Sermersuup Nuummi utoqqaat illuini pisoqaanersat ilagaat. Tallimanik immikkoortortaqarpoq 47-nik najugaqartulik, tassunga ilanngullugit oqilisaassisarfik sammisassaqartitsivillu. Ulloq unnuarlu angerlarsimaffiuvugut taamaammallu suleqatigiiaat pingasut paarlakaallutik sulisarput. Utoqqaat Illuani sulisut ilaatigut makkuninnga ilinniagaqarput: peqqissaanermut assistenti, peqqissaanermi ikiortit, peqqissaasut taakkualu saniatigut ilinniarsimanngitsut arlaqartut. Immikkoortut pingasut saniatigut aamma errorsisarfeqarpoq, igaffeqarpoq kiisalu pedeleqarluni aammalu biilertoqarluni.

Utoqqaat illuat tunniusimasumik aamma peqataalluartumik immikkoortortami Tuungiu aqutsisumik pissarsiorpoq - atuuffik, aaqqissuussami sulianut pingaartitsillutit akisussaaffeqarlutit sunniuteqarfigisinnaasat.

Immikkoortortami aqutsisutut sulisunik aqutsinermi, sulianut tunngatillugu siunersiueqatigiinnermi, aamma immikkoortortani marlunni ataqatigiissaarinermi ulluinnarni akisussaasuussaatit. Kulturimik takutitsisartuussaatit pingaarutilik aamma maligassiuisuussaatit, suleqatitit peqatigalugit ulluinnarmik innuttaasumik pingaartitsiffiusumik pilersitsissaatit.

Illumi pingaartillugit naleqartitat:

Qanilaarneq, suleqatigiilluarneq, ataqqeqatigiinneq, nuannaarneq, tatiginartuuneq attaveqatigiilluarnerlu.

Utoqqaat naleqartitaat ukuupput:

Nuannaaqatigiinneq, Ataqqeqatigiinneq, nuannaarneq, ingutsinnginnissaq kissaatigineqanngilaq inussiarnersuussapput.

Naleqartitat taakkua oqaasiinnaanngillat - ulluinnarni atorneqarput aamma innuttaasunut suleqatinullu naapitsisariaasitsinnut naapertuulluni.

Suleqatitaarilerpatsigit?

Pissarsiorpugut, aqutsisumik:

·Peqqissaanermut tunngasunik ilinniagalik aamma aqutsinermik ilinniagalik

·Aaqqissuussaasumik sulisinnaasoq aamma ulluinnarni ulapaarfiusuni pingaarnersiuisinnaassusilik

·Erseqqissumik, pitsaasumik ilisimannilluartumillu attaveqartartoq

·Patajaatsoq, ersarittoq aamma malinneqarnissamik pilersitsisinnaasoq

·Ingutsiffiunngitsumik sulinermik avatangiisinik siuarsaanermi siuttuusoq, oqaloqatigiinnissamut, ineriartornissamut aamma assigiinngissutsimut inissaqartitsisoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

∙Illu, illumi najugaqartut, suleqatit suliffigisassarlu pillugit paasissutissanik tuniorarluarneqassaatit

∙Suliassat assigiinngitsut nammineerlutit ingerlassinnaagitit tatigineqarputit

∙Piginnaasatit malillugit akisussaaffiit

∙Assigiinngitsunik suliaqarneq, suliassat pissanganartut, suleqatit illumilu najugaqartut peqatigalugit nuannersunik misigisassaqarneq

Suliffik ataqqinninnermik, akisussaaffimmik ilinniarnermillu ukkassiffiusoq.

Uatsinni aqutsisoqatigiinnut tunniusimasunut ilanngutissaatit, tatiginninneq aqutsiniarnermit pingaartinneqarnerusoq, aamma aqutsineq pitsaanerpaaq iluaniit aallartittarpoq - piviusorsiortumik, akisussaaffilimmik aamma attaveqatigiinnermik nukittorsaaffiusumik.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Ningiu Kathrine Lerch-Amondsen, oqarasuaat +299 36 61 31 imaluunniit e-mail: kler@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 182-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 11.-at, 2026