Fakta
Atorfiup suussusaa: Head of People, Insights & Operations
Suliffeqarfik: Visit Greenland
Qinnuteqarfissamut killigititaq: Ingerlaavartumik
Attavissaq: Anne Nivíka Grødem, mail nivika@visitgreenland.com
Visit Greenlandimi nuna tamakkerlugu takornariaqarnermik inuussutissarsiuteqarneq tapersersorparput – akisussaassusilimmik ineriartortitsinermik, najukkami piginnittuunermik ataavartumillu naleqarnerulersitsinissaq siunnerfigalugit. Siuariartortitsinerup inuiaqatigiinnut naleqalersitsinissaa, takornariaqarnerullu Kalaallit Nunaanni piumasagut tunngavigalugit aamma innuttaasut, inuussutissariuteqartut tikeraallu peqatigalugit ineriartortinnissaa anguniagaraarput.
Taama anguniagaqarnitsinni suli nukittunerusumik inissisimaniarluta Head of People, Insights & Operationsitut atorfik nutaaq pilersipparput. Taamatullu pisariaqartitsineq periusissiatigut tulleriiaarinitsinnik aallaaveqarpoq, innuttaasunik soqutigisaqartunillu peqataatitsineq aalajangiinitsinnut ilaalluinnartuulluni, paasissutissat paasisimasallu aaqqissuussaaneq akimorlugu aalajangiiniarnerup pitsaassusianik kivitsillutik, ingerlatsinermullu sinaakkusiussat qajannaatsut – tassunga ilanngullugit aqutsineq, suleriaatsit, IT paasissutissiisarnermilu isumannaallisaaneq – suliaqarfimmik tapersersuinitsinnut qajannaannerulersillutalu qanoq iliorsinnaassuseqarlualersilluta.
Atorfik pillugu
Head of People, Insights & Operationsitut suleqatitaarigutsigit inuit, paasissutissat ingerlatsinerullu akornanni ataqatigiissitsisuussaatit. Pisortaanermut attaveqassaatit, aqutsisoqatigiit peqataaffigalugit immikkoortortarlu aqutsinikkut tamakkiisumik akisussaaffigalugu.
Sammivilersuinissamut ingerlatsinerullu sunniuteqaqataaffiginissaanut atorfik qitiusumik inissisimavoq – pingaartumik siunertaqarluni, tunniusimasunik suleqateqarfiulluni suliatigullu ineriartornissamut pitsaasunik periarfissaqartitsilluni.
Pingaarnertut suliassatit:
● Innuttaasunik soqutigisaqartunillu peqataatitsinermut sammivilersuissaatit (ilaatigut oqaloqatiginneriaatsit Nunarput Nuan-itut ittut atorlugit), innuttaasut isumaat takornariaqarnerup ineriartortinneqarnerani aaqqissuulluakkamik ilaatinneqartussanngorlugit.
● Suliaqarfimmi sulisussat piginnaasanillu ineriartortitsineq pillugit ilinniarfinnik ingerlatsisunillu suleqateqassaatit takornariaqarnerlu suliffeqalernissamut aqqutitut pilerinartutut saqqumilaartillugu.
● Allaffissornikkut iliuutsinut ingerlatsinermilu pitsanngorsaanernut aqutsisuullutillu atulersitsissaatit, periusissiap patajaatsumik atulersinneratigut siuariartortitsineq nuna tamakkerlugu naleqalersitsisussanngorlugu.
● Visit Greenlandip atortorissaarutaanik sullissineranillu, qitiusumik atuuffigisatsinnut ilaasunik, ulluinnarni sunniuteqarluartumik aqutsinissaq qulakkiissavat.
● Suleriaatsinut, politikkinut inatsisinillu malinninnissamut akisussaasuussaatit tusarniaanermilu akissutinik/§37-inut akissutinik suliaqarlutik kiisalu akiliilluni aallaaniartitsinermut/piniartitsinermut aamma ingerlatsinissamut akuersissuteqarnissamut qinnuteqaatinut tunngatillugu sulianik isumaginnittuullutit.
● IT-mut aqutsineq aamma paasissutissiisarnermi isumannaallisaaneq ataatsimoortumik akisussaaffigissavatit, tassunga ilanngullugit sillimmasiinerit, pisartagaqarnerit systemillu atorneqartut.
● Nalunaarusianik, misissueqqissaarnernik kisitsisitigullu paasissutissanik suliaqarlutillu tunniussaqartassaatit, ilisimasanut aaqqissuussamut ilusilersorluakkamut atatillugu suliffeqarfimmi avataanilu soqutigisalinnut saqqummiussaqartarlutit (TSA, innuttaasut/tikeraat isumaannik misissuinerit allallu) aqutsinermut, tulleriiaarinermut maleruagassiornermullu.
● Politikkinik malittarisassanillu nakkutiginninnermik, siunnersuinermik nunami namminermi nutaarsiassanik/tusagassiuutinik ataqatigiissaarinermik ingerlatsissaatit nittarsaassinernilu/ataatsimeersuarnerni Visit Greenlandimut sinniisuusarlutit – najukkami piginnittuuneq, tikeraartutut akisussaassusilimmik pissusilersornissaq nunanilu tamalaani saqqumilaarnissaq ukkataralugit.
Illit pillutit
Takorloorparput ilinniagartuutut tunuliaqutaqartutit, takornariaqarnermillu suliaqarfimmut imaluunniit naalakkersuinikkut ingerlatsinermut atassuteqartumik sulinermik misilittagaqartutit. Tamatuma saniatigut piginnaasat makku annermik pingaartippagut:
Suliatigut piginnaasat
● Kalaallisut, danskisut tuluttullu attaveqaqateqallaqqissuuvutit.
● Allaffissornerup iluani aamma/imaluunniit sulianik ingerlatsinerup iluani uppernarsaatissartalimmik aqutsinermik misilittagaqarneq.
● Suliniuteqarnermut sulianillu ingerlatsinermut piginnaasaqarluarneq, ilusilersuineq, atulersitsineq malitseqartitsinerlu ukkataralugit.
● Nunami namminermi pissutsinik najukkanilu sunniivigeqatigiinnernik annertuumik siammasissumillu paasisimasaqarneq.
● Misissueqqissaallaqqissoq atassuteqalersitsisinnaasorlu – oqartussanut, tusagassiorfinnut soqutigisaqartullu suliaqarnermik toqqissisimaffeqartoq.
Inuttut nukittuffigisat
● Oqaasissaminik oqimaalutaallaqqissoq, tatiginnilersitsisinnaasoq atassuteqalersitsillaqqissorlu.
● Periusissiatigut sulianit ingerlatsinermut ikaarsaarnissaq sungiusimavat – suliassanillu suliaqartarneq nuannaralugu.
● Aqutsisoq “suleqataatigisoq”, inunnik suliassanillu paasinnillaqqissoq.
● Siusissukkut iliuuseqarniartartoq, aaqqissuulluakkamik suleriaaseqartoq pisussaassutsiminillu ilaginnaajumanngitsoq.
● Immikkuualuttunik pingaartitsisoq piffissamillu eqqorluaasoq – isumaqatigiissutit eqquutsittarpatit malittareqqittarlugillu.
● Namminersorsinnaasoq, eqaatsumik suleriaaseqartoq ikiuiumatoorlu – avatangiisini assigiinngisitaarfiusuni suleqatigiinnermillu pingaartitsiffiusuni sulinermik nuannarisaqartoq.
Atorfimmut imatut qinnuteqassaatit
Sullivik Visit Greenlandip Nuummi allaffiani inissisimavoq. Sapaatit akunnerannut piffissaq suliffiusoq akunnernik 40-nik sivisussuseqartussatut naatsorsuutigineqarpoq.
Akissarsiat atorfeqarnermilu atugassarititaasut piginnaasat misilittakkallu tunngavigalugit immikkut isumaqatigiissutigineqassapput.
Januaarimi 2026-mit atorfinitsitsinissaq kissaatigaarput - eqqortulli artorfinitsinnissaa salliutinneqassaaq.Qinnuteqaatit ingerlaavartumik suliarineqassapput, taamaammat qinnuteqaatit piaartumik uunga nassiuguk: Pisortaaneq, Anne Nivíka Grødem, nivika@visitgreenland.com.
Visit Greenland pillugu
Visit Greenland tassaavoq Kalaallit Nunaanni takornariaqarnermut siunnersuisoqatigiffik Namminersorlutik Oqartussanit tamakkiisumik pigineqartoq. Nittarsaassineq aamma niuerfimmik ineriartortitsineq aqqutigalugit Kalaallit Nunaata misigisassarsiorfissatut nittarsaanneranik Visit Greenland suliaqarpoq, nunat tamalaat akornanni aamma Kalaallit Nunaanni Visit Greenlandimut soqutigisallit suleqatigalugit.
Suliffeqarfik pillugu uani paasisaqarnerusinnaavutit.
Atorfiup suunera: Head of People, Insights & Operations
Suliffeqarfik: Visit Greenland
Qinnuteqarnissamut killigititaq: Qinnuteqaatit ingerlaavartumik suliarineqassapput.
Attaveqarfissaq: CEO, Anne Nivíka Grødem, mail nivika@visitgreenland.com
Hans Egedesvej 29 | P.O. Box 1615 | 3900 Nuuk, Greenland Phone: (+299) 34 28 21 | CVR no. 21553182 | info@visitgreenland.com | www.visitgreenland.com
