Allaffeqarfimmi aqutsisoq

ALLAFFEQARFIMMI AQUTSISOQ, ANINGAASAQARNERMUT ALLAFFISSORNERMILLU AKISUSSAAFFILIK

Aningaasaqarnermut Sulisoqarnermullu Aqutsisoqarfik

Illuutinik ingerlatsineq aserfallatsaaliuinerlu, Nutarterinermut, Pisiniarnermut Inissiigallarfissanullu Allaffik (Nutarterinermut Allattoqarfik)

Nunatsinni sanaartornermi nutarterinermilu suliniutit pingaarnerpaat ilaanni aningaasaqarnikkut allaffissornikkullu ingerlatsineq qulakkeeqataaffigerusuppiuk?

Aningaasaqarnermut Sulisoqarnermullu Aqutsisoqarfik Illuutinik ingerlatsineq aserfallatsaaliuinerlu, Nutarterinermut, Pisiniarnermut Inissiigallarfissanullu Allaffimmut (Nutarterinermut Allattoqarfik) piginnaasaqarluartumik tunniusimasumillu allaffimmi aqutsisussarsiorpoq.

Allaffiup Namminersorlutik Oqartussat sinnerlugit sanaartortutut akisussaaffii isumagisarai, tassunga ilanngullugit nunatsinni tamarmi nutarterinerit, aserfallatsaaliinerit isaterinerillu. Suliniutit inissianut, ilinniarfinnut, kollegianut, isumaginninnikkut sullissivinnut, oqaluffinnut, umiarsualivinnut kiisalu pisortat attaveqaasersuutaanut allanut tunngasuupput.

Allaffimmi aqutsisutut allaffimmi pingaarutilittut inissisimassaatit aningaasaqarnermik aqutsinermut, allaffissornermut, allattoqarfimmik sullissinermut ulluinnarnilu ingerlatsinermut akisussaallutit. Suliniutit, aningaasaqarneq kiisalu allaffissornikkut ingerlatsinerit pitsaasumik, sunniuteqarluartumik suliamullu pitsaassutsimik qaffasissumik ingerlanneqarnissaat pingaarutilimmik qulakkeerneqarnissaanut peqataassaatit.

Atorfik Nuummi inissisimavoq.

Illuutinik ingerlatsineq aserfallatsaaliuinerlu, Nutarterinermut, Pisiniarnermut Inissiigallarfissanullu Allaffimmut (Aserfallatsaaliinermut Allattoqarfik) sulineq pissanganarlunilu suliatigut unammillernartuuvoq, inuttullu suliatigullu ineriartornissamut pitsaasunik periarfissaqarluni.

Neqeroorutigaagut:

• Naalakkersuinikkut aalajangiisarnernut qanittumi sulineq

• Allaffiup allaffissornikkut ingerlataasa ineriartortinneqarneranni pingaarutilimmik inissisimaneq

• Suliffik ammasoq, oqaloqatigiiffiulluartoq suleqatillu tunniusimasut

• Inuttut suliatigullu unammillernartut pissanganartut

• Piginnaasanik ineriartortitsinissamut ilinniaqqinnissamullu periarfissat pitsaasut

• Suliffik ineriartortitsinermik, pitsaasumillu suleqatigiinnermik pingaartitsisoq

Suliffitsinni oqaloqatigiinneq ammasuuvoq, pingaartipparpullu suliffik pitsaasoq, tassani suliatigut piginnaasaqarneq, suleqatigiinneq nuannaarnerlu ataatsimoorlutik ingerlanneqarfiat.

Suliassat

Allaffimmi aqutsisutut allaffiup aningaasaqarnikkut allaffissornikkullu ingerlatsineranik tapersersuineq akisussaaffigissavat.

Suliniutinut aningaasaqarneq

• Sanaartornermut nutarterinermullu tunngasunik akiligassanik tigusineq misissuinerlu

• Isumaqatigiissutinik pilersitsineq toqqorterinerlu

• Suliniutinut aningaasaqarnermik naatsorsueqqissaarineq

• Suliniutini aningaasaliissutit atornerilu nakkutigineri

• Sanaartornermi naatsorsuutinik suliarinninneq

• Isumaqatigiissutit, qularnaveeqqusiissutit uninngatitsinernillu aqutsineq

• Aningaasaqarnermut tunngasunik suliassanik suliarinninneq

Ingerlatsinermut aningaasaqarneq

• Missingersuutinik malinnaaneq nakkutiginninnerlu

• Naatsorsuutinik nalunaarsuineq naatsorsuutinillu saqqummiussineq

• Akiligassanik suliarinninneq akuersissuteqartarnerlu

• Naatsorsuuserinermut ilitsersuutinik suliaqarneq nutarterinerlu

Allaffissorneq allattoqarfimmillu sullissineq

• Aqutsisut allattoqarfikkut sullinneqarnerat

• Allakkanik aqutsineq allaffissornikkullu suliassanik ataqatigiissaarineq

• Allaffimmi atortussanik pequtinillu pisiniarneq

• Pilersuisut sullissinermillu suleqatit avataaneersut ataqatigiissaarlugit suleqatiginissaat

• Qarasaasiatigut systeminik suliffeqarfiullu iluani sullissinernik ingerlatsineq

• Ulluunerani ingerlatsinerup ataqatigiissaarneqarnera

Angalanerit sulisoqarnermullu tunngasut

• Sulinermut atatillugu angalanernik angalanermilu naatsorsuutinik aqutsineq

• Sulisut nutaat tikilluaqquneqarnissaannik (onboarding) ataqatigiissaarineq

• IT-mi isersinnaatitsissutit, matuersaatit kortillu kiisalu atortussat allat pilersinneri

• Sulisoqarnermut tunngasunik allaffissornikkut suliassanik ataqatigiissaarineq

Suliniutinut aqutsisut, aningaasaqarnermut immikkoortortat kiisalu suleqatit assigiinngitsut qanimut suleqatigisassavatit.

Inuk ujartugarput

Naatsorsuutigaarput allaffissornermut imaluunniit aningaasaqarnermut naleqquttumik ilinniagaqarsimasutit, soorlu aningaasaqarneq, allaffissorneq, naatsorsuutinik ingerlatsineq imaluunniit pisortat ingerlatsinerat pillugit.

Tamatuma saniatigut pingaartipparput:

• Aningaasaqarnermut allaffissornermullu tunngatillugu misilittagaqarneq

• Suliniutinut aningaasaqarnermik, missingersuutinik malinnaanermik naatsorsuutinillu misilittagaqarneq

• Namminersorlutik Oqartussat aningaasaqarnermut systemiinik imaluunniit assingusunik ilisimasaqarnissaq

• Aaqqissuussaasumik torersumillu suleriaaseqarneq

• Sullisserusussuseqarneq suleqatigiinnissamullu piginnaasaqarneq

• Misissueqqissaarnissamut piginnaasaqarneq sukumiisumillu eqqarsartaaseqarneq

• Namminersorluni sulisinnaaneq akisussaaffimmillu tigusisinnaaneq

• Allattariarsornermi oqalunnermilu attaveqaqatigiilluarsinnaaneq

Sanaartornermi imaluunniit sanaartornermi aningaasaqarnermik misilittagaqarneq iluaqutaassaaq.

Inuttut piginnaasat

Naatsorsuutigaarput:

• Suliassanik amerlasuunik ataatsikkut ingerlatsisinnaasutit

• Ulapaarfiusumi ataatsimut isiginnissinnaasutit

• Pitsaassutsimik pingaartitsillutit aaqqiissutaasinnaasunillu eqqarsarsinnaasutit

• Suliniuteqarluartuullutillu ineriartortitserusuttuusutit

• Suleqatigiinnermut suliffimmilu avatangiisinut pitsaasumik peqataasutit

• Allaffissornikkut suleriaatsit ingerlatsisarnermilu periutsit ineriartortinnissaannut pitsanngorsarnissaannullu kajumissuseqartutit

Kalaallit Nunaanni pissutsinik inuiaqatigiinnillu ilisimasaqarnissaq iluaqutaassaaq.

Suliffiup inissisimanera

Nuuk

Aningaasaqarnermut Sulisoqarnermullu Aqutsisoqarfik

Illuutinik ingerlatsineq aserfallatsaaliuinerlu, Nutarterinermut, Pisiniarnermut Inissiigallarfissanullu Allaffik (Nutarterinermut Allattoqarfik)

Atorfik pillugu apeqqutissaqaruit attaveqarfigisinnaavat:

Allaffimmi pisortaq: Niels Thomassen

E-mail: niet@nanoq.gl

Qinnuteqaatit tigunissaa qilanaaraarput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq. 

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.