INI A/S-imi aningaasaqarnermut pisortaq

Kalaallit Nunaanni inissiaatileqatigiiffiit annersaanni pisortaqarfianut ilaalerit

INI A/S Kalaallit Nunaanni inissiaatileqatigiiffinni annersaavoq Kalaallit Nunaanni pisortat inissiaataannik attartugassanik amerlasuunik allaffissuussinermik ineriartortitsinermillu akisussaaffeqarfiulluni. Suliagut Nunatsinni innuttaasunut inuiaqatigiinnullu pingaaruteqarluinnarput.

Aningaasaqarnermut pisortatut qullersaqarfimmi atorfinissaatit pisortaanermut qaninnertut siunnersuisortaaqataallutit. Suliffeqqarfiup ataatsimut aningaasaqarnera, aningaasaqarnikkut aqunneqarnera, IT-lerinertaa suliffeqarfiullu aningaasaqarnikkut ineriartortittuarneranut, digitalitigut aaqqiissutinut suleriaatsimillu ingerlatseriaatsinut akisussaasunngussaatit.

Aqutsisumik misilittagaqarluartumik ujaasivugut, aningaasaqarnermik ingerlatsinermut, aqutsinermut suleriaatsimillu ineriartortitsinermut piginnaasaqarluartumik. Kalaallit Nunaanni inuiaqatigiinnut INI-llu inissiaatileqatigiiffittut annersatut pingaaruteqassusianik paasinnittumik.

Atorfik Sisimiuni qullersaqarfimmiippoq, toqqaannartumillu pisortaanermut nalunaaruteqartartussatut inissisimalluni.

INI A/S pillugu

INI A/S Namminersorlutik Oqartussat kommunillu sinnerlugit inissianik attartugassanik allaffissuussisuullunilu ineriartortitsisuuvoq. Nunatsinni inissiaatileqatigiiffinni annersaattut inuiaqatigiinni pingaarutilimmik suliaqarpugut, aningaasaqarnikkut akisussaaffilimmik aqutsinermik, qaffasissumik piginnaasaqarnikkut susassaqaqataasullu qanimut suleqatigalugit ingerlaartumik ineriartortitseqataalluta.

Naleqartitagut tassaapput akisussaassuseq, pimoorussineq, ataqqinninneq atorfimmilu pikkorissuseq. Taakkuupput suliffeqarfimmik aqutsinitsinnut, suleqatigiinnitsinnut ineriartortitsinitsinnullu tunngaviliisut.

Atorfik

Aningaasaqarnermut pisortatut aningaasaqarnermut immikkoortortaqarfimmi akisussaanertut inississaatit, erseqqissumillu akulerusimallutit, aqqutissiuisuullutit immikkoortortaqarfimmi aqutsisunut suleqatinullu ineriartortitsisuussallutit. Suliffeqarfiup ulluinnarni ingerlanneqarneranut peqataalluinnassaatit, ilanngullugulu aningaasaqarnerup, IT-qarnerup, allaffissuussinikkullu ingerlatseriaatsit suliffeqarfiup najoqqutaanut ineriartortinneqarneranullu naapertuuttuunissaannik qulakkeerinneqataassallutit.

Aningaasaqarnikkut aqutsineq pitsaassusilik qulakkeertassavat, suliffeqarfimmi aningaasaqarnikkut nalunaarusiortarneq qaffasissumik pitsaassuseqartuutillugu, suleriutsinillu ineriartortitseqataallutik, digitalinngorsaaqataallutillu pitsanngorsaaqataallutit. Suliassat pilersaarusiornermut ingerlatsinermullu tunngasut suliarilluartarpatit, aamma sulisunik, aqutsisunik suleqatinillu avataaniittunik qanimut suleqateqarnerit aqqutigalugu angusaqarusulluartuullutit.

Aqutsisutut akisussaaffinni ilanngullugu ERP-mik suliniummi aqutsisoq, tamakkiisumillu suliffeqarfimmi IT-qarneq – tassani systemitigut ingerlaneq, paasissutissanik isumannaarsuineq digitalitigullu ineriartortitsineq oqartussaaffigissavatit.

Pingaarutilittut akisussaaffigisassatit ilaatigut ukuupput

• Aningaasaqarnermut immikkoortortaqarfimmi aqutsineq ineriartortitsinerlu

• Aningaasaqarnikkut aqutsineq, naatsorsuuserineq, aningaasaqarnermullu nalunaarusiorneq

• Aningaasanik missingersuusiorneq aningaasallu ingerlanerinik nakkutilliineq

• Controllerineq, akiligassaqartitsinermik aqutsineq iluanaarutinillu ingerlatsineq

• Naatsorsuuserinerup ingerlanerani aqutsineq, akiligassaqalerineq akiitsulerinerillu ilanngullugit

• Illunut tapiissutinik allaffissuussinermut akisussaasuuneq

• Akiligassanik akiliisitsiniarnermut aningaasaqarnermullu siunnersuinermut akisussaasuuneq

• Aningaasarqarnermut aqutsinermi atortunik aqutsinermilu nalunaarusiornermi ineriartortitsineq

• Sulianik periutsinik ineriartortitsineq pitsanngorsaanerlu

• Aningaaserivinnik, aningaasaqarnermik aqutsisunik, sillimmasiisarfinnik, Namminersorlutik Oqartussanik kommuninillu suleqatiginninneq

• Pisortanut siulersuisunullu nalunaarusiorneq

Atorfimmut aamma suliffeqarfiup tamarmiusumik aqutsinerani pingaarutilimmik inissisimaneq ilaavoq, ulluinnarnilu pisortaanerup qullersaa sinniisissallugu.

Kinaavit

Du er en erfaren leder med et stærkt økonomifagligt fundament og en naturlig interesse for at udvikle både mennesker, processer og forretning. Du arbejder strategisk, men trives samtidig med at være tæt på den daglige drift og de beslutninger, der skaber værdi for virksomheden. Aqutsisutut misilittagaqarluartuuvutit, aningaasaqarnermut tunngasuni sulianik tunngavissaqarluartoq, aammalu inuit, suleriaatsit aamma suliffeqarfiup ineriartortinnissaat soqutigilluarlugu. Pilersaarusiorluarlutit suleriuseqarputit, peqatigisaanilli ulluinnarni ingerlatsinermut qanimut sulineq aammalu suliffeqarfimmut naleqalertitsisumik aalajangeeqataasarnermik aallussisuullutit.

Takorloorparput

• Aningaasaqarnermut tunngasumik qaffasissumik ilinniagaqarsimasutit

• Ukiorpaalunni assingusumik aqutsisutut misilittagaqartutit

• Aningaasanik aqutsinermik, naatsorsueqqissaarnermik, missingersuusiornermik aningaasaqarnikkullu nalunaarusiornermik misilittagaqarluartuusutit

• Misissueqqissaarnermik piginnaasaqarlutillu pilersaarusiorluarsinnaasutit

• Aqutsinermik sulisunillu suliffeqarfimmilu ineriartortitsinermik misilittagaqarluartuusutit

• IT-lerinermik, digitaliseeriinermik suliniutinillu ingerlatsinermik misilittagaqartutit

• Aaqissuulluagaasumik suleriuseqarlutillu misissueqqissaakkanik periusiorsinnaasutit

• Kalaallit Nunaanni inuiaqatigiinnik, INI-llu inissiaatileqatigiiffinni annersatut inissisimaneranik paasinnittuusutit

• Marluinnik oqaasiliusutit – kalaallisut danskisullu oqaaseqartoq

INI-mi upperaarput akisussaassuseqartumik aqutsinikkut, pimoorussinikkut inoqatinullu ataqqinninnikkut pitsaasumik angusaqarluartoqarsinnaasoq. Taamaammat aningaasaqarnermut pisortassarsiorpugut akulerusimalluartumik, qanilaartuullunilu tatiginartumik aammalu suliffeqarfimmik ataatsimut anguniagaqarnissamut suleqatigiinnikkullu suliatigut piginnaaneqarnikkut ineriartortitseqataasinnaasumik.

. INI A/S-ip naleqartitai – akisussaassuseq, pimoorussineq, ataqqinninneq atorfimmilu pikkorissuseq – ilinni ilisarisinnaagukkit, akisussaaffimmik tigusillutit siuttuullutit aammalu suleqataallutit ileqqorissaarnermik suliffiusumi ineriartortitsinermut qaffasissumillu piginnaaneqarnikkut tunniusseqataalluarsinnaavutit.

Neqeroorutigaagut

INI A/S-imi suliffeqarfimmi Nunatsinni inuiaqatigiinnut pingaaruteqartumi qitiusumik pisortatut atorfinissaatit. Aqutsisooqatigiinnut piginnaaneqarluartunut akulerutissaatit suliffeqarfillu periusissiornerani sunniuteqaqataasinnaallutit, aningaasaqarnikkut ingerlatsinermi nukittorsaaqataallutillu suliffeqarfiup ineriartorneranut taperseeqataallutit.

Sisimiuni qullersaqarfitsinni atorfik inuttassarsiuunneqarpoq, naatsorsuutigineqarsinnaavorlu Kalaallit Nunaanni Danmarkimilu angalasarnissaq.

Akissarsiat atorfinitsitsinermilu atugassarititaasut piginnaanerit naapertorlugit aalajangerneqarumaarput.

Sulisut inigisassaannik neqeroortoqarsinnaavoq, inatsit atuuttut tunngavigalugit ineqarnermut akiliisoqartassalluni.

Soqutigaajuk?

Apeqqutissaqaruit suleqatigisarput Dorthe Flies – Flies HR-imeersoq attavigisinnaavoq  +299583117-imut sianerlutit imal. dorthe@flieshr.dk-mut allallutit.

Flies HR-imiit atorfinittussarsiuussineq ingerlanneqarpoq, taamaammat saaffiginnissutit tamarmik tassunga ingerlatinneqassapput. Qinnuteqartuni piukkunnaatillit oqaloqatiginninnissamut qaaqqujumaarpagut.

Atorfik pillugu annerusumik apeqqutissaqaruit, pisortaaneq Henrik Rafn attaviginissaanut tikilluaqqusaavutit, uunga allallutit hera@ini.gl

Tusarfiginissat qilanaaraarput

INI A/S

INI A/S pillugu annerusumik paasisaqarsinnaavutit, uani www.ini.gl