Server- & Cloud-imut IT-mi siunnersorti

Server- & Cloud-imut IT-mi siunnersorti

Suliffeqarfimmi nunatsinnut attaveqartitsisumi IT-kkut attaveqaatit ajunngitsumik ingerlanerat qulakkeernissaanut ilaarusuppit?

Tusass IT-mi siunnersortimik alapernaatsumik akisussaassuseqartumillu, aalajaatsumik ingerlatsinermik, could-inik suliaqarfinnik, suliat nammineerlutik ingerlasinnaanerannik aammalu uppernarsaasiorluarnissamik suliaqarusuttumik ujartuivoq. IT-mi sullissinermi immikkoortortaqarfimmi ilaalissaatit, tassani ulluinnarni sullitanut, suleqatinut aammalu nunatsinni digitalitigut attaveqaasersuinermi tapersiisinnaanerit malunnaateqartussaassalluni.

Atorfik pillugu

IT-mi siunnersortitut IT-kkut sullissinermi qitiusutut inissisimaqataalissaatit. Atorfimmittaaq serverit Cloud-imi suliaqarfinni aalajaattumik ingerlanneqarsinnaanerat qulakkeerneqarnissaa, isumannaallisaanermi aammalu ingerlatsinermilu kalerrisaarutit, sulianillu ingerlatsinermi pitsanngorsaaqataanissamut suliaqarnermut ilaassaatit.

IT-mi suliaqarfiusuni suleqatinik, tunisassiortunik, illullu iluani atuisuusunik assigiinngitsuni suleqataalissaatit. Taamaammallu teknikikkut tunniusimallutit sullisisinnaanissat taamatullu aaqqiissutinik paasiuminartunik nassuiaasinnaassuseqarnissat pisariaqassaaq.

Suliassat qitiusut

• Serverinik cloud-inik suliaqarfiusuni aammalu qitiusumik IT-mi suliaqarnermi suliaqarfiusuni ingerlatsinerup isumannaatsuullunilu alajaattuunissaa qulakkeerneqarnissaa.

• Nakkutilliineq, kalerrisaarutit, patching, sillimmatit aammalu ingerlaavartumik ingerlatsineq ingerlanneqarnissaa suliarineri.

• Microsoft-mi suliaqarfiit soorlu AD, Entra ID, Microsoft 365 aammalu cloud-inik suliaqarfiit attuumassutillit aqunneqarnissaat atajuartinnissaallu suliarineri.

• Ingerlatsinermi ingerlariaatsinik nammineq ingerlasinnaasunik pilersitseqataaneq.

• Paasissutissanut isumannaallisaaneq, compliance aammalu ingerlatsinerit aaqqissuussaasut tamatumanilu ISO 27001-imut tunaartaqarluni ingerlaariartornerit tapertaaffiginissaai.

• Aaqqiissutit, ingerlariuutsit aammalu allaanngiutsit uppernarsaasiornissaat, taamatut ilisimasat ingerlateqqinneqarsinnaanissaat aammalu suleqatinit atorneqarsinnaanissaat anguniarniarlugu.

• Incident, Change aammalu Problem Management allanilu IT-ni suleqatigiit assigiinngitsut suleqatigiinnerini ilaasarneq.

Naatsorsuutigaarput

Soorunami naatsorsuutiginngilarput aallartiinnaavillutit tamaasa suliarisinnaaleriissagitit, taamaattorli teknikikkut paasisaqarluarsimanissat, ilinniarusussuseqarnerit aammalu ulluinnarni ingerlatsineq, isumannaallisaaneq aammalu suleqatigiinneq initusinnaagaluartut akisussaaffimmik tigumminnikkusussuseqarnissat pingaartitaraarput.

• Serverinik ingerlatsineq, cloud, qarasaasiatigut ingerlatsinnerulerneq imaluunniit IT-kkut attavilersuinermi misilittagaqarnissat.

• Windows ilaatigullu Linux aamma Microsoft 365, AD aamma Entra ID-mik ilisimasaqarnissat.

• Suliat nammineerlutik ingerlalersinnaanerannik, scripting aammalu ingerlatsinerup pitsanngorsarneqarsinnaaneranik suliaqarnissannut piareersimasutit.

• Aaqqissuussamik suleriuuseqartutit, ulapaarfiugaluartumiluunniit aamma tamakkiisumik isiginnissinnaassuseqarluartutit.

• Isumannaallisaanerup, uppernarsaasiornerup aammalu suleriuutsinik aalakkaartunik peqarnerup pingaassusaat ilisimalluarit.

• Inussiarnersuuvutit, ikiuukkumatooq, teknikkip tungaatigut tamatumali aamma saniatigut inunnut teknikimut pikkorissorsuunngikkaluanut tunngatillugu suleqatikkuminartuusutit.

Attuumassutilimmik IT-kkut ilinniagaqarsimanissat iluaqutaassaaq, taamaattorli misilittagaqarnerit aammalu alapernaassutsit aammalu suliassanut isiginnittariaatsit pingaarnerupput.

Piginnaasatit

• Nakkutilliinermut suliaqarfinni sulisinnaaneq.

• Intune, MFA, pisinnaaffeqarnermut aqutsineq imaluunniit endpoint management.

• Backup, CMDB, uppernarsaasiornermi periuutsit ingerlatsinermullu ingerlariuutsit aalajangersimasut.

• ITSM-mi ingerlariuutsit, Servicedesk imaluunniit ingerlatsinermi suleqatigiit suleqatigineri.

• Isumannaallisaanermut atortorissaarutit imaluunniit sanngiiffigisinnaasanik, compliance-mik aammalu pitsanngorsaanermut tunngasunik suliaqarsinnaaneq.

Illit

Alapernaatsuuvutit, aaqqissuussamik sulisinnaasoq suliassanillu nammineq akisussaaffimmik tigusillutit suliarinnissinnaasoq. Suliffeqarfimmi ikiuukkusuttut, ilisimasaminnik avitseqatigiikkusuttut aammalu aaqqiissutinik ujartueqatigiikkusuttut akornganiinneq nuannarisaraat. Pissutsit pitsanngorsarusuttuarpatit. Atulersinnaatiinnarnissaa kisiat eqqarsaatigineq ajorpat.

Neqeroorutigaarput

• Suliffeqarfik inuiaqatigiinnut pingaarutilittut inissisimasumi ullut pissanganartut allanngorartullu.

• Ingerlatsinermi aalakkaatsuuneq, isumannaatsuuneq, suliat namminneq ingerlasinnaalernerannik suliniuteqarfiusumi aammalu pitsanngorsaarusuffiusumi akuuneq.

• Suliffeqarfiup iluani aammalu IT-kkut suliaqarfiusuni suleqatit assigiinngitsut suleqatigineri.

• Sulianut tunngatillugu ineriartorfiusoq, avitseqatigiissinnaaneq aammalu akisussaaffeqarfiit nutaat.

• Suliffeqarfik ikiuunnermik, akisussaaqataanermik, ilorrisimaarnermik aammalu Nunatsinnut pingaarutilinnik suliaqarfiusoq.

• Atorfik Nuummi inissisimavoq ullorlu tamakkerlugu suliffiulluni.

Qinnuteqarneq

Qinnuteqarniaruit Tusassip nittartagaani Atorfinnut inuttassarsiuivimmi CV-t qinnuteqaatillu nassiussavatit, uani: https://www.tusass.gl/atorfiit/

Atorfimmut tunngatillugu apeqqutissaqassaguit IT-mut sullissinermi immikkoortortaqarfimmi pisortamut Allan D. I. Streymoy-imut attaveqarsinnaavutit: adis@tusass.gl.

Tusass pillugu

Takorluukkami "Tusassip nunarsuaq qaninnerulersippaa – immitsinnullu qaninnerulersilluta" Nunatsinni attaveqaatit atuutilersillugillu mutiunissaat qulakkeerniarpagut.
Tassanilu IT-kkut sullissinermi digitalitigut sinaakkusissaat aalakkaatsuusut pilersittarlutigit.

Tusass pillugu uani paasisaqarnerugit tusass.gl