Siunnersuinermut Ilaqutariinnillu Katsorsaanermut Sullissivimmi Suleqatigiinnut aqutsisut sisamat

Kommuneqarfik Sermersooq Siunnersuinermut Ilaqutariinnillu Katsorsaanermut Sullissivimmut pikkorissumik piumassuseqarluatumillu immikkoortortami aqutsisumik sisamanik pissarsiorpoq, piaartumik isumaqatigiissuteqarnikkulluunniit atorfinissinnaasumik. 

Sullissivimmi ilaqutariit, meeqqat inuusuttullu tamakkiisumik isiginnittaaseqarluni sullinneqarput inooqatigiinnikkut ajornartorsiutinik imaluunniit tarnikkut ajornartorsiutinik unammilligassanillu assigiinngitsunik suliarinninnissaminnik kissaateqartut.

Sullissivik suleqatigiinnut sisamanut avinneqarsimavoq:

1. Team 1 – terapi aamma katsorsaaneq

2. Suleqatigiit 2 - ilaqutariinnut mikisunik meerartalinnut eqimattanut neqeroorut, taassuma iluani katsorsaanermik neqeroorut

3. Suleqatigiit 3 - siunnersuineq ilitsersuinerlu

4. Suleqatigiit 4- angerlarsimaffimmi inissisimanermi aqqutissiuussineq aamma katsorsaaneq

Atorfiup imarisaa:

Teamlederitut akisussaaffivit ilagissavaat Ulluinnarni Teamimi sulisunut aqutsineq, sulisunik atugasarissaarnissaanik pitsaasumik avatangiiseqarnissamut, suliniutinik ineriartortitsineq. Sulisunik toqqissisimatitsisuunissaq suliassanik malinnaatitsinissaq Teamlederitut aqutsisooqataaneq afdelingsleder suleqatigalugu. Ukiumut pilersaarusiornerit ulluinnarnilu pilersaarusiornissat aammattaaq malittarinninnerit

Suliniutinik neqeroorutinillu ineriartortitsineq taakkuninngalu atuutsilersitsineq

Teamlederitut aningaasaqarneq sulisunik akisuussaassuseqarneq – sulisunik atorfinitsitsineq soraarsitsineq oqaloqateqarlu akisussaaffigissanngilatit, aammattaaq aaqqiangiinngittoqartillugu.

Suleqatigiinnut aqutsisutut suliassatit tassaassapput:

·Suleqatigiit sulineranni suleriaasaannillu aqutsineq ataqatigiissaarinerlu aamma ineriartortitseqqinneq

·Immikkoortortami aqutsisoq, katsorsaanermi aqutsisoq aamma sullissivimmi suleqatigiinnut aqutsisut allat suleqatigalugit ingerlatsiviup/kommunip anguniagaanik pingaartitaanillu pingaarnernik sullissiviup qaqugukkulluunniit atulersitsinermik aamma ineriartortitsinermik ingerlatsineranik qulakkeerinninneq

Suleqatigiinni ulluinnarni aqutsineq siunersioqatigiinnerlu akisussaaffigissavat. Taakkua saniatigut innuttaasut innersuunneqarsimasut katsorsartinnerannik naammassinninnissaq akisussaaffigissavat.

Suliassat arlallit ilaatigut tulliuttuni allassimasut isumagisassarissavatit:

·Ulluinnarni suleqatigiinnik aqutsineq

·Aqutsisut ataatsimiinneranni, suleqatigiit ataatsimiinneranni, aallartisarluni ataatsimiinnerni aamma ataatsimiinnerni allani pisariaqartuni peqataaneq.

·Innuttaasunik innersuunneqarsimasunik katsorsaanermik naammassinninneq

·Suleqatigiinni sulisunut siunersiueqataaneq

·Nalunaarsuinermik attassineq killiffiit pillugit nalunaarusiornerit kiisalu naggasiummik nalunaarusiorneq.

·Suliarinasuarneqarsinnaasullu ilanngullugit (Ad hoc)

Qinnuteqartunut naatsorsuutigisat:

Naatsorsuutigaarput qinnuteqartoq ilinniarsimassasoq taassumalu saniatigut aqutsinerullu iluani attuumassutilimmik ingerlariaqqiffiusumik ilinniarsimasoq/pikkorissarsimasoq.

Pineqartoq aqutsinermik imaluunniit assingusumik sulianik ataqatigiissaarisutut suleqatigiiaanilluunniit aqutsisutut misilittagaqassaaq, pisortat suliffeqarfiutaannit imaluunniit nammineq suliffeqarfigisamit, kiisalu ajornanngippat ineriartortitsinermik paasissutissiinermillu misilittagaqarluni.

Tamatuma saniatigut pingaartipparput, qinnuteqartoq:

·Tatituujusoq nutaaliortorlu

·Oqaloqatiginninnermik ilisimasaqartoq

·Suleqatigiuminartoq

·Akuersaartumik peqataatitsisumillu aqutseriaaseqarnissamik kissaateqartoq. Suliffeqarfimmi ingerlaavartumik ineriartortumi allanngortoqarsinnaaneranut piareersimasoq.

·Ineriartortitserusuttoq aammalu meeqqanut ilaqutariinnullu suliassaqarfimmi ineriartortitsinissamut piginnaasalik piumassusilillu

Neqeroorutigaagut:

Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq.

Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluarnissaq kiisalu aallartitsinissamut nutaaliornissamullu inissaqartitsinissaq anguniartuarparput.

Attuumassutilinnut pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinnissaat pingaartipparput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortaqarfimmi aqutsisoq Anna Hansen, oqarasuaat +299 36 71 83 imaluunniit e-mail: ahan@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 595-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 27.-at, 2025

Atorfik una qinnuteqarfigiuk