Atorfimmik inuttassarsiuineq: Meeqqanut, Inuusuttunut Ilaqutariinnullu Naalakkersuisoqarfimmi pisortaq

Atorfimmik inuttassarsiuineq: Meeqqanut, Inuusuttunut Ilaqutariinnullu Naalakkersuisoqarfimmi pisortaq

Meeqqanut, Inuusuttunut Ilaqutariinnullu Naalakkersuisoqarfimmi atugarissaarneq pillugu sulinermi qitiusumik inissisimarusuppit?

Meeqqanut, Inuusuttunut Ilaqutariinnullu Naalakkersuisoqarfik, Naalakkersuisoq sulisullu allat qanimut suleqatigalugit takorluuisinnaasumik pilersaarusiorluarsinnaasumillu Naalakkersuisoqarfimmik aqutsisinnaasumik ineriartortitsisinnaasumillu Naalakkersuisoqarfimmi pisortassarsiorpoq.

Meeqqanut, Inuusuttunut Ilaqutariinnullu Naalakkersuisoqarfik pillugu

Meeqqanut, Inuusuttunut Ilaqutariinnullu Naalakkersuisoqarfimmi meeqqat, inuusuttut ilaqutariillu atugaannik pitsanngorsaanissaq qitiutipparput aammalu suliassaqarfimmi naalakkersuinikkut suliallit anguniagaannik piviusunngortitsiniarluta sulisarluta.

Meeqqanut, Inuusuttunut Ilaqutariinnullu Naalakkersuisoqarfik Aqutsisunut Allattoqarfeqarlunilu Suliassaqarfiit Assigiinngitsut Akornanni Suliniutinut Malittarinninnermullu Immikkoortortaqarfeqarpoq. Kajumissuseqarluartunik tunniusimasunillu 15-inik sulisoqarpugut, naalakkersuinikkut aqutsisutsinnik qanimut suleqatigiittarluta. Isumaginninnermut Aqutsisoqarfik immikkoortortaavoq Naalakkersuisoqarfiup ataaniittoq, tassani naalakkersuinikkut periusissiat iliuusissatullu pilersaarutit atuutsilernissai ingerlanneqarnissaalu qulakkeerneqartarput.

Naalakkersuisoqarfimmi suliassat makku ilanngullugit suliarineqartarput:

• Meeqqanut, Inuusuttunut Ilaqutariinnullu Naalakkersuisumut politikikkut siunnersuineq

• Suliassaqarfimmi periusissianik iliuusissatullu pilersaarutinik inerisaallunilu atuutilersitsineq

• Ingerlaavartumik malitseqartitsineq, nakkutilliineq aamma aningaasanut atugassarititaasut tamakkiisumik atorluarneqarnissaannut suliniutit aallartinneqarsimasut pillugit nalunaarusiortarneq.

• Naalakkersuinikkut aqutsisut aalajangiinissaannut tunngavissiornissaq aamma anguniakkat naammassisassallu anguneqarnissaat qitiutillugu naalakkersuinikkut aalajangiinerit atortuulersinneqarnissaat

• Naalakkersuisoqarfinnut allanut, suliffeqarfinnut kiisalu suleqatigisanut allanut tunngatillugu suleqatigiinnerup pitsaasup ineriartortittuarnissaa pillugu suliassat suliarineqartarnerannik aaqqissuussineq.

• Allaffissornermi malittarisassat nalinginnaasut, suleriutsit pitsaassutsimillu piumasaqaatit kiisalu allaffeqarfimmi ineriartortitsinermik atuutsilersitsineq aamma attaveqaateqarnermi pitsaasumik pilersitsineq.

• Suliniutinik aqutsineq suliassanullu pilersaarusiorneq.

Piginnaasat

Atorfimmik inuttaliiniarnermi makkua pingaartinneqassapput:

• Naleqquttumik qaffasissumik ilinniagaqarsimaneq, kiisalu naalakkersuisoqarfiup akisussaaffianut tunngasut ilaasa tamarmiusulluunniit iluini suliamut tunngasutigut attuumassutilinnut ilisimasaqarluarneq ilanngullugu kaalaallisut oqaaseqarneq pingaartinneqassaaq.

• Kalaallit Nunaanni inuiaqatigiit ingerlaasiannut ilisimasaqarluarneq kiisalu Naalakkersuisut, Inatsisartut kommunillu akornanni suliassatigut ataqatigiissitsisinnaaneq.

• Pilersaarusiorluarsinnaanermik aningaasatigut aqutsinermik misilittagaqarluarneq, tamatumunnga ilanngullugu ukiunut arlalinnut missingersuusiorsinnaaneq, pingaarnersiuilluni suleriutsit, kiisalu aningaasaqarnermik misissuinerit.

• Isumaginninnermut immikkoortortaqarfinni sulianut nutarterilluni suliaqarsimanermut uppernarsaataasinnaasut pingaartinneqassapput.

• Sulianik aaqqissuussamik ingerlatsisinnaaneq kiisalu suliat ajornakusoortut suliarineqarnerini tamatigoortumik takunnissinnaaneq ingerlatitsisinnaanerlu.

• Tunniusimaneq, avatangiiserissaarnissarlu eqqarsaatigalugu inunnut atassuteqarnermik pingaartitsineq – pisortaaqatigiinni nalinginnaasumillu sulisut akornanni.

• Aaqqissuussillaqqissuuneq, tamatumunnga ilanngullugit pingaarnersiuisinnaaneq sunniisinnaaneq aamma naalakkersuinermik paasisimasaqarluarneq.

• Politikikkut ingerlatsinermi aqutsisinnaasutut misilittakkat kiisalu aningaasanik aqutsisinnaanermut akisussaassuseqarneq.

• Naalakkersuisoqarfiup qitiusumik suliassaanut atatillugu illup iluani avataanilu suleqatinik peqataatitsisinnaaneq.

• Aqutsinermik, ataqatigiissaarinermik suliassanillu annertunerusunik naammassinnittarnermik misilittagaqarneq.

• Kalaallisut, qallunaatut tuluttullu oqalussinnaaguit iluaqutaassaaq.

Inuttut piginnaasat

Qinnuteqartoq nunap iluani aamma nunani tamalaani pissutsinik ilisimasaqassasoq naatsorsuutigineqarpoq. Sulisussaq eqqortoq attaveqaqatigiinnermik suleqateqarsinnaanermillu piginnaasaqarluassaaq kiisalu inuttut sunniuteqarluarsinnaalluni. Atorfimmi ersarissumik aqutsisinnaaneq piumasaqaataavoq, tassanilu aaqqissuussaanermik sunniuteqarluartumik ingerlatsinermik qulakkeerinnittumik ineriartortitsisinnaallunilu attassiinnarsinnaassaaq, tamatumani inuiaqatigiit pisariaqartitaannut ingerlaavartumik ineriartortitsiffiullunilu naleqqussaasoqartassaaq. 

Tamatuma saniatigut sulisussap tunniusimanini takutissagaa naatsorsuutigineqarpoq, sulinerminut aaqqissuussillaqqissuseqarluni suliffimmilu avatangiiserissaarnissaq eqqarsaatigalugu inunnut atassuteqarnini pingaartissavaa – pisortaaqatigiinni nalinginnaasumillu sulisut akornanni.

Atorfeqarnermi atugassarititaasut

Atorfik ukiuni sisamani aalajangersimasumik atuuttussamik isumaqatigiissuteqarnikkut, 1. maaji 2026 imaluunniit isumaqatigiissuteqarnikkut inuttalerneqassaaq.

Atorfik akissaateqarfimmi LR 39-mi maanna inissisimavoq. Akissarsiat, akissarsiat ilaat aalajangersimasut ilanngullugit, nammineerluni soraarnerussutisiassat kiisalu ukiuni aalajangersimasuni atorfeqarnermi atugassarititat ilanngullugit 1. apriili 2026-mit aallartittussat imaapput, qaammammut 99.340 kr.-nit taakkua ukiumut naligai 1.192.100 kr.nit.

Tunngaviusumik ukiuni aalajangersimasuni atorfinitsitsisoqartarpoq. Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Tamatuma saniatigut tjenestemandinut akissarsiaqarani sulinngiffeqarsinnaanerit atuupput, kiisalu AC-tut atorfeqarnermi isumaqatigiissutit arlallit atuullutik, tamatumani ilanngullugu Namminersorlutik Oqartussat ataani atorfilimmik katissimallugu aappaqarneq inooqateqarnerlu.

Sulinerup sivisussusaa aallaavittut sapaatip akunneranut akunnerit 40-upput. Atorfimmut tunngatillugu piffissap suliffiusussap qanoq sivisutiginissaa killilersugaanngilaq aamma qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat pillugit aalajangersagaq atorneqarsinnaanngilaq.

Inissaqarneq

Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani sulisutut ineqareersimaguni, tamanna attatiinnarneqassaaq. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat allat

Naalakkersuisoqarfiup suliassai il.il. pillugit aaqqissuussaanikkut pilersaarut nassuiaallu uani takuneqarsinnaapput:

https://naalakkersuisut.gl/Departementer/Boern_Unge_Familier?sc_lang=kl-GL

Namminersorlutik Oqartussat aqutsinermut tunngavii uani atuarneqarsinnaapput:

https://naalakkersuisut.gl/Departementer/Formandens_Departement/Ledelsesgrundlag

Qinnuteqarnissamut killigitita: 9. jannuaari 2026 kl. 12:00.

Soqutiginnippit? 

Atorfik link ataaniittoq atorlugu qinnutigineqassaaq, qinnuteqaat, inuunermi sulerisimanermik allattorsimaffik, soraarummeersimanermut uppernarsaatit pappiaqqallu allat qinnuteqaammut attuumassuteqartut nassiussami kakkiunneqassapput. Atorfimmut piukkunneqartut misilitsittaqattaarnissartik naatsorsuutigissavaat. Tamatuma saniatigut qinnuteqartup isumannaallisaanikkut akuerineqarsinnaanissaa naatsorsuutigineqarpoq.

Atorfik pillugu apeqqutissaqaruit Partner Dorthe Flies, Flies HR-imeersoq oqarasuaammut uunga: mobil +299583117 imaluunniit mailimut uunga dorthe@flieshr.dk attavigisinnaavat.

Flies HR-ip sulisussarsiorneq isumagisassaraa, taamaammat saaffiginninnerit tamarmik tassunga ingerlateqquneqarput. Qinnuteqartut piukkunnartut oqaloqatigineqarnissamut aggersarneqartassapput.

Atorfik pillugu paasisaqarnerorusukkuit Naalakkersuisut Siulittaasuata Naalakkersuisoqarfiani Naalakkersuisoqarfiup pisortaa Hans-Peder Barlach Christensen hape@nanoq.gl-imut saaffigisinnaavaat.

Tusarfiginissat qilanaaraarput.

Naalakkersuisut pillugit paasissutissat annertunerusut uani nassaarisinnaavatit

https://naalakkersuisut.gl=kl/gl

Qinnuteqaat nassiuguk