Paasissutissat
Atorfiup suussusaa: Atuisunik Sullissivimmi pisortaq
Suliffeqarfik: Tusass
Attavissaq: Niuerinermut pisortaq,
Nikolaj Christoffersen
NICH@tusass.gl.
Atorfik pillugu
Atuisunik Sullissivimmi pisortatut qulakkiigassaraat pisisartut Tusass-imit kiffartuunneqarnerisa pitsaasuullunilu, atorluarsinnaasuunissaa – tassani aalajangiisuutinnagu sumiiffik qanorlu naapinneqarnerput.
Pingaarnerusutigut akisussaaffigileriartuuagassatit makkuussapput:
Atuisunik sullissineq inniminniikkanillu isumaginninneq
Tusass-ip pisiniarfii pingasuusut
Ulluinnarni allakkerivimmi poortukkerivimmilu ingerlatsineq
Nunarput tamakkerlugu pisiniarfinnik nassiussuiffinnillu suleqateqarfinnik suleqateqarneq
Assartuussinerup iluani pisisartoqarnerulernissaq
Missingersuutit, anguniakkat, angusat aamma kisitsisit pingaarnerit
Sulisunik aqutsineq ineriartortitsinerlu aamma kiffartuusseriaaseq ataatsimut isigalugu
Atuuffimmi pingaarnerusut ilagaat immikkoortortat akornganni ataqatigiissitsinissap tulleriiaarnerillu erseqqissuunissaasa, ingerlatsilluarnissap aamma pisisartut pitsaasumik misigisaqarnissaasa qulakkeerniarnissaat. Ilutigisaanik suleriaatsinik kiffartuussinernillu ataavartumik ineriartortitsinissaq peqataaffigissavat, taamaaliornikkut aalajangiinitsinni ingerlatatsinnilu Pisisartoq Qitiutillugu sulissagatta.
Atorfiup peqqissaartumik tiguarneqarnissaanut periarfissaq immikkut ittoq
Atuisunik Sullissivimmi maanna pisortaasoq piffissami ikaarsaariarfiusumi suligallassaaq, akisussaaffillu ilinnut tunniukkiartuaassallugu.
Periarfissaqassaatit suliffeqarfimmik, sulisuinik, ingerlatsinermik akisussaaffimmilu immikkoortut assigiinngitsut ilikkarluarnissaannut ilutigisaanillu ataavartumik akisussaaffigisassatit tigujartuaassavatit.
Tunniussineq pilersaarut erseqqissoq malillugu suliassaqarfinnilu ilisimalikkavit annertusiartorneri malillugit pissaaq, akisussaaffiillu ataasiakkaat tigunissaannut piareeriartornerit malillugu akisussaaffik tigujumaarpat. Anguniagaavorlu Atuisunik Sullissiviup tamakkiisumik akisussaaffigilernissaa.
Illit Atuisunut Sullissivimmilu manna pisortaasoq Niuernermut Pisortamut atassaasi aammalu Atuisunik & Kiffartuussinernik immikkoortortami pisortaqatigiinnut ilaassallusi.
Illit tassaavutit ujartugarput…
Aqutsisoq misilittagalik ujarparput, allat aqqutigalugit angusaqarsinnaasoq ilutigisaanillu ulluinnarni ingerlatsinermik qanimut suliaqarusuttoq.
Tunuliaquttatit assersuutigalugu aqutsinermit, sullissinermik, tuniniaanermit, nioqqutissanik tuniniaanermit imaluunniit assartugassanik ataqatigiissaarinermi suliaqarnermit aallaaveqarsinnaapput. Pisortassatut ilinniagaqarsimaneq aamma tuninianermik aamma/imaluunniit nassiussassalerinermik misilittagaqarnitit ilinniagaqarsimanerluunniit iluaqutaasinnaapput.
Anguniakkat naatsorsuutigisallu pillugit erseqqissuuvutit, angusanik malitseqartitsisarlutit aamma sulisunnik peqataatitsinerit ineriartortitsinerlu nukittuffigalugit. Suliffeqarfiup iluani immikkoortortaqarfinni arlalinni pissusissamisoortumik suleqateqarneq aallussinnaavat, sulianullu atatillugu assigiinngissutsit kulturimillu isiginneriaatsit assigiinngiataarsinnaaneri paasisinnaallugit.
Nunatsinni pissutsinut atuuttunut ilisimasaqarnissat iluaqutaassaaq taamatullu kalaallisut, danskisut tuluttullu oqalussinnaaneq iluaqutaassalluni.
Paasissutissat iluaqutaasinnaasut
Atorfik Nuummi inissisimavoq.
Sapinngisamik piaartumik atorfinitsitserusuppugut, atorfinittussarli eqqortoq utaqqisinnaallutigu.
Qinnuteqarneq
Linki talerpiata tungaaniittoq toorlugu qinnuteqaat CV-lu nassiutikkit.
Qinnuteqaatinik e-mailikkut tigusaqarneq ajorpugut.
Oqaloqatiginninnerit ingerlaavartumik ingerlanneqarumaarput, piukkunnartumik nassaarutta atorfik piaartumik inuttalerneqarumaarpoq. Tusassip qinnuteqaatit takkuttut tulleriaallugit suliarisassavai oqaloqatiginninnerillu ingerlaavartumik ingerlanneqassapput.
Atorfimmut tunngatillugu apeqqutissaqassaguit Niuernermut Pisortaq Nikolaj Christoffersen attaviginissaanut tikilluaqqusaavutit, uunga allaffigalugu NICH@tusass.gl.
Tusass pillugu
Tusass suliffeqarfiuvoq Nunatsinni oqarasuaateqarnikkut attaveqaqatigiinnermi allakkerinermilu suliaqartoq, Nuummilu qullersaqarfia inissimalluni. Inuit, Suliffeqarfiit, inoqarfiillu attavilersorpagut, oqarasuaatitigut, internetikkut, allakkisarnermi, assartuinermilu ataqatigiissaarinikkut – inoqarfiillu tamaasa attaveqaqatigiinnermut kabelimik, radiokkut, qaammataasakkullu attavilersuisuulluni.
Nuna tamakkerlugu sulisut 350-it missaaniipput, taakkulu inuiaqatigiinni ulluinnarni ineriartortitsinermilu pisariaqartitanik attaveqaasersuinermi assigiinngitsutigut suliaqartuullutik.
Ukiumi 2025-mi suliffeqarfiup 100-liinera nalliuttorsiutigaarput, taamaattorli ukiumi 2021-imiilli kisiat Tusass atitut atulersimallugu. Aqqiup taassumap anguniakkagut ersersitarai: Attaveqarneq – teknologikkut inunnullu.
