Brugseni Maniitsoq pisortassarsiorpoq

Illoqarfimmi pisiniarfimmut pinngitsoorneqarsinnaanngitsumut siuttoorusuppit, Nunatsinnilu pisiniarfeqarnikkut siunissami ingerlatsinissamut aqqutissiueqataallutit?

Pisiniarfiup pisortaanik namminersullaqqissumik suliaminullu tunniusimasumik ujaasivugut illoqarfimmini suleqatinilu pitsaalluartunik angusaqartitsisinnaasumik.

Atorfimmut tunngasut

Pisiniarfiup pisortaatut akisussaaffigissavatit pisiniarfiup ullut tamaasa ingerlatinnera, sulisoqarniarneq angusaqartarnerlu. Najukkanni innuttaaqatigiit akornanni qitiusumik inissisimalissaatit, tamannalu aqqutigalugu pisiniarfiup ineriartortinnera pisiniallu kiffartuulluarneqarnissaat sunniuteqarfigilissallugu.

Pisiniarfimmut tunngasut

Pisiniarfik 30 missaannik sulisoqarpoq immikkoortortarlu Brugseneeraq Annertusoq 10-t missaanni sulisoqarluni. Pisiniarfiup tuniniaavia quleriinnut marlunnut agguataagaq katillugit 1000 m2-misut angissuseqarpoq illoqarfimmi pingaarutilimmik inissisimalluni. Pisiniarfik pisiniartorpassuaqareerpoq, pisiniarfiup ungasinngisaanni najugalinnit, aammalu illoqarfimmi pisiniarfiit ulluinnarsiutinik nioqqutissaarniarfiit annersaralugu, tunisilluarnissamut periarfissaqarluarluni.

Suliassatit pingaarnerit makkuussapput:

• Pisiniarfiup ingerlalluarnissaa angusaqarluartarnissaalu qulakkiissallugit
• Sulisutit aqussallugit ineriartornissaannullu aqqutissiuuttassallugit
• Sulisut aqutsisugissaarlutillu suleqatigeeriallaqqissuunissaat toqqammavissilluassallugu
• Tuniniaanermut pisortaq immikkoortortaalu peqatigalugit tuniniaanermi suliassinnik pilersaarusioqatiginissaat pitsaanerpaamik angusaqartarnissaq qulakkeerumallugu
• Pisiniartut nuannersunik sumiiffimmullu tulluartunik misigisaqartittarnissaat
• Sumiiffimmi sinniisut (BIS-it) allallu sumiiffimmi attaveqarfiit suleqatigilluarnissaat

Ilinnut tunngasut

Pisiniarfilerinermik aqutsinermillu misilittagaqassaatit allallu aqqutigalugit angusaqarluarsinnaanermik piginnaasaqarlutit.

Illit makkunannga piginnaasaqarnissat pingaartipparput:

• Akisussaassuseqartuuneq namminersullaqqinnerlu – aamma pissutsit ilungersunarsigaluarpataluunniit
• Aqutsisutut ineriartortuarnissannut kajumissuseqarnissat, allallu isumaat atorluarlugu ineriartoqqinnissannut piumassuseqarnissat
• Ersarissuullutit maligassiuilluarlutillu aqutseriaaseqarnissat inoqatinnullu attaveqariallaqqissuullutit
• Aaqqissuusseriallaqqissuunissat piviusunngortitsisinnaallutillu
• Paatsuugassaanngitsunik siunnerfiliisinnaassuseqarnissat
• Sumiiffimmi innuttaasut peqatigilluarnissaannut kajumissuseqarnissat

Pingaartitavut naapertorlugit sulissaatit: tatiginassuseq, ataatsimoorneq aamma tulluusimaarneq.

Uagut neqeroorutigaavut

• Siuttutut atorfik pissanganartoq annertuumik kiffaanngissuseqarfiusoq akisussaassuseqarfiusorlu
• Pisiniarfiup aqutsisuillu ineriartortinnissaannut periarfissaq
• Ataavartumik attaveqatigiittarnissaq aqqutissiuunneqarnissarlu
• Aqutsinerit pillugu isummersortarnissaq iluaqutissanillu tunioraasarnissaq
• Akissarsiat atorfininnermilu atugassarisat unammillersinnaasut
• Atorfimmut atasumik ineqarnissaq periaffissaavoq

Qinnuteqaat

Atorfik pilerinartippiuk?

Qinnuteqaatit CV-llu kingusinnerpaamik ulloq 22. juni nassiutissavatit.

Atorfik pillugu apeqqutissaqaruit attavigissavat Søren Galsgaard, email soeren.galsgaard@knb.gl, mobil +299 566251.

Kalaallit Nunaanni Brugseni pillugu

Kalaallit Nunaanni Brugseni tassaavoq Nunatsinni niuertarfiit namminersortut 100 procentimik kalaallinit pigineqartut annersaat. 1963-imili niuertarfik siulleq Nanortalimmi ammarmat ineriartortuarsimavugut ullumikkullu nutaaliaasunik 17-inik niuertarfiuteqarluta illoqarfinni arfineq-pingasuni (8) – taakkunannga arfinillit (6) Nuummiillutik.

Sulisutta 600-t missaanniittut kiffartuuppaat pisisartutut ilaasortat 32.000-t sinnillit. Suliffeqarfittut ilaasortanit pigineqartutut ullut tamaasa sulissutigaarput sullitavut, ilaasortavut inuiaqatigiillu inooqataaffigisavut pillugit naleqqussutsimik qaffassaanissaq.

Coop Danmark qanimut suleqatigalugu nunani avannarlerni niuertarfeqarnikkut piginnaasat taputartuullugit Nunatsinni pisisartutta pisariaqartitat eqquutsittarpagut. Taamaaliornitsigut toqqammavissaqalerpugut ineriartortitsinissamut, nutaaliornissamut suliatsinnullu pikkorissiartuinnarnissamut.

Brugsenimi suleqataaleruit peqataaffigilissavat suliffeqarfik ineriartortuartoq, pingaartitalik akisussaassuseqarnermik, suleqatigiinnermik suliamullu pikkorissuseqarnermik. Tulluusimaarutigaarput suliffeqarfiugatta pilerigineqartoq, suliffeqarfik najukkamut pituttorluarsimasoq.

Suliffik sumiiffiaUjuaansip Aqqutaa 2

3912 Maniitsoq

Grønland

Ulloq qinnuteqarfissaq kingulleq:23. juni 2026