Nakkutilliisoq Sisimiut

Nakkutilliisutut atorfimmi inissialerisutut suleqatinut inissianillu allaffissuussisunut suleqateqarneq aqqutigalugu najugaqarfiit immikkoortortaqarfii ulluinnarni ingerlanneqarnerat aserfallatsaaliorneqarnissaallu akisussaaffigissavatit.

Pingaarnertut suliassaraatit najugaqarfiup ingerlanneqarnera, najugaqartunik sullissineq allaffissuunneqarneralu. Akisussaaffigalugit:

• Attartortittakkat nakkutigalugit qanorlu inneri nalilertarlugit
• Pilersaarusiorneq aamma inissianik iluarsartuussinermi nakkutilliineq
• Sanasut suliaqartitassat inniminnerlugit suliaalu nakkutigalugit
• Attartortittakkat iserterfigineqalerpata qimanneqarpatalu misissorlugit
• Aningaasatigut aqutsineq, fakturat akuerisarlugit, missingersuusiorneq / nakkutilliineq
• Nakkutilliisut inissiarsuarnilu nakkutilliisut allat paarlakaajaateqatigalugit sulinerup avataani sillimasuusoqartarpoq
• Suliassat tamalaat

Attartortittakkanik nakkutilliinermut, pilersaarusiornermut missingersuusiornissamullu / nakkutilliinermullu atatillugu angalasarsinnaavutit.

Pitsaassuseqartumik akisussaassuseqartumillu pimoorussineq suliassap suunera apeqqutaatinnagu

Tulluuttumik teknikkemut inuussutissarsiornermulluunniit tungasumik ilinniagaqarsimassaatit ukiunilu arlalinni misilittagaqarlutit, inissianik aserfallatsaaliuinissamik ilisimasaqarluassaatit, iluarsartuussisoqarlunilu aserfallatsaaliuisoqassatillugu suliarinnittussarsiuussinissamut aamma ilisimasaqassallutit. Makkua piginnaaneqarfigissavatit:

• Allaffissuussinermut piginnaaneqarneq ulluinnarnilu MS Office atorsinnaassallugu
• Pilersaarusiorsinnaassaatit, ulluinnarnilu sulianik nangitsillutit ingerlatitseqqiisarninni ilusilersuillutit
• Nakkutiginnilluarsinnaassaatit killigitinneqartunullu angummassinnaallutit- aamma piffinni unammillernartuni
• Biilernermut allagartaqassaatit

Pingaaruteqarpoq najugaqartut oqaasii atorlugit attaveqatigissinnaaneq, tassaasut kalaallisut/ qallunaatullu.

Suliffeqarfik pilerinartoq

Ataavartumik suliffeqarfitsinni pilerinarsaaruteqartarpugut, soorlu immikkut sulinngiffeqarfissiilluta, qasujaallisarnernut peqqinnissakkullu sillimasiinernut tapiissuteqartarluta.

2025-mi piareersaatitut sammivarput sulinermik sivikillisaanissarput, sap.ak. sulisarnissaq akunnerit 37-iinnanngorlutik.

INI-mi piginnaanngorsaanissanut ukkissisorujussuuvugut pimoorussilluta taamaattumik neqeroorutigaarput suliffeqarfik sulinikkut inuttullu ineriartornissamut periarfissiisoq.

Suliffeqarfik neqerooruterput sulisoqarpoq suliffimminnik iluarisimaarinnittunik. Sulisutta akornanni nuannersumik silaannaqarnissaa pingaartipparput akimortumillu suleqatigiittoqarluartarnissaa.

Naleqartitagut ukkassagut: Akisussaaffeqarneq, pimoorussisuunissaq, ataqqinnittuunissaq, pikkorissuunissaq.

Atorfininnermi atugassarititaasut:

Piginnaanitit aallaavigalugit akissarsiaqartitaallutillu atorfinitsitaassaatit. Atorfininninnut atatillugu nuunnissat pigisavillu assartuunnissai pisinnaatitaaffigaatit. Malittarisassat atuuttut malillugit suliffimmut atatillugu inimik tunineqarsinnaavutit.

Sulilernissaq:

Isumaqatigiissutaasoq aallaavigalugu.

Atorfik soqutigaaguk?

Atorfik pillugu annerusumik paasisaqarsinnaavutit ingerlatsinermut aqutsisoq Rachel Ingemann mailimut uunga attavigisinnaavat rac@ini.gl

Qinnuteqaatit CV-it pappilissallu attuumassuteqarsinnasut, pinerlisimannginnermut uppernarsaat ilanngullugu allakkatigut mailikkulluunniit tigoreersimassavagut 7. juni 2026.

Tusarfiginissat qilanaaraarput.

INI A/S

HR afdelingen

Postboks 1020

3911 Sisimiut

E-mail: job@ini.gl