Ikinngutigiinni aqutsisoq perorsaanermik ilinniarfimmut/socialpædagogisk seminariumimut

Perorsaanermik Ilinniarfimmi pisortap tullissaanik ingerlatsilluarsinnaasumik pimoorussisumillu pissarsiorpugut, suliffeqarfiup aqutsisoqarfiani qitiusumik inissisimasussamik, atassuteqarnermi piginnaaneqarluartumik kiisalu inunnut paasinnilluarluni tatiginninnermik pilersitsisinnaasumik, sammisallu akimorlugit ataqatigiilersitsisinnaasumik.

Pisortap tulliattut pingaarutilimmik inissisimassuutit ullormut ingerlatsinermi, ataqatigiissaarinermi aammalu suliffeqarfiup atuuffii ataqatigiissut akimorlugit akisussaaffigalugit. Ilinniarfitta allaffissornermik nakuusumik suliffeqarfiullu sinaakkutaasa iluani suliffeqarfiup sunniuteqarluartumik ingerlanneqarnissaat qulakkeerinneqaqaaffigissavat.

Forstanderi ilinniartitaanermullu aqutsisoq qanittumik pisussaassuseqartumillu aqutsinermi suleqatigissuatit, aalajangiinerit pilersaarutaasut aqutsinermut ingerlalluartumut inernerillu timitalerneri ingerlanneqarneri peqataaffigalugillu tunniusseqataassuutit.

Akisussaaffiit:

• Tapersersuisutut atuuffinnut pingaarnertut aqutsisutut akisussaaneq, taassuma saniatigut aningaasaqarneq sulisoqarniarnerlu, ilinniartunik sullissineq ilinniartullu inaat kiisalu kantina, taakkulu imminnut ataqatigiinnerat qulakkiissallugu aammalu suliffeqarfiup pingaarnertut suliassaasa kivinnissaat qulakkeerlugu.

• Forstanderi ilinniarnermullu aqutsisoq qanittumik pisussaaffiliisumillu aqutsinermi suleqatigineqassapput kiisalu suliffeqarfiup ingerlatsinermi pilersitsinermilu pilersaarutai timitalissallugit.

• Sulisunut akisussaasuussaatit ersarittumillu aqutsineq, ingerlalluarneq sulisunillu ineriartortitsineq qulakkiissallugit.

• Sulisut akornanni isumaginninnissamik akisussaasoq aqutsisutullu sulinermi pikkorissumik peqqissaartumillu aqutsinermi ingerlatsisoq.

• Ukiumut pilersaarusiorneq ataqatigiissumik qulakkeerneqassaaq sammisassat ilimagineqareertut isumalluutinillu atuineq tamaasa ataatsimut isigisinnaassallugit

• Suliffeqarfiup ingerlanneqarnerata sammisassaqartitsineratalu pilersaarneqarnera ataqatigiissaarneralu pingaarnertut akisussaaffigalugu

• Tiguneqartut akisussaafigissavai sammisallu ilinniartoqarsinnaanerlu imminnut ataqatigiinneri qulakkeerlugit

• Ilinniartoqarsinnaanerup aqunneranik isumaginninneq isumalluutinillu sunniuteqarluartumik naleqqutumillu atuinermi qulakkeerinninneq, taassuma saniatigut aningaasaqarneq, missingersuutit, sulisoqarneq ineqaarnerlu

• Ilinniarfiup aningaasaliiffigineqartarnerata aqunneqarnera akisussaaffigalugu, taassuma saniatigut taxameteri atorlugu isertitat, isertitat allat, immikkoortortaqarfiit atuineri malitseqartittarlugit

• Allaffissornikkut ingerlariaatsit suleriaatsillu pingaarnertut akisussaaffigalugit

• Suliffiup aaqqissuussaanerani sinaakkutit sunniuteqarluarnissaat qulakkeerlugit, taassuma saniatigut sulisut pillugit atuagaq najoqqutassaq upalugaasimanermullu pilersaarutit

• Suliatigut peqatigiiffiit atorfimmilu isumaqatigiissutit isumagineqarneri tamaasa ataatsimut isigineqarnissaat qulakkeerlugu

• Sulisut atugarissaarnissaat sulisoriinnarnissaallu akisussaaffigalugit, taassuma saniatigut APV aamma ETU ingerlanneqartarnissaat malitseqartittarnissaallu akisussaaffigalugit

• Ilinniarfinnut allanut suleqateqarneq isumagalugu avataaneertullu suleqatit attuumassuteqartut isumagalugit

• Suliffeqarfiup nittartaga akisussaaffigalugu avammullu attaveqaateqarneq tapersersorlugu

• Suliniutinik nassiussarsianillu nalunaarsuinermi, kiisalu ukiumut nalunaarusiap suliarineqarnissaanik, akisussaassooq

• Naalakkersuisoqarfimmut tusarniutinik paasissutissanik misissueqqissaarnernillu suliarinninneq

• Ilinniarfiup ataatsimiititaliaanut peqataaneq tunniussaqarnerlu

Piginnaasat:

• Allaffissornerup, aningassaqarnerup, aaqqissuussinerup pisortatulluunniit ilinniakkamik qaffasissumik ilinniarsimasoq ilinniaqqinnermilluunniit ingerlatsisimasoq aammalu Kalaallit Nunaanni ilinniartitaanerup aaqqissuussaaneranut ilisimasalik

• Aningaasanik aqutsinermik misilittagalik, aningaasanullu missingersuutinik malittarinnillunilu atuinermut nalilersuisinnaasoq

• Akuutitsisumik aqutseriaaseqarneq suliffeqarfillu akimorlugu ataqatigiisitsuusoq sammiveqartitsisorlu sulisut atuuffiillu ataatsimut anguniakkamut katersuuffiusinnaanqeq piginnaaffigissallugu

• Inuit atassuteqaateqarnerannut sakkortuumik piginnaaneqarneq pigineqassaaq inunnullu paasinnilluarsinnaaneq, sulisut akornanni toqqississutaasinnaasoq piginnaaneqarfigalugu

• Kalaallisut oqalussinnaasoq minnerpaamillu oqaatsinik allanik ataatsimik sulinermi atorsinnaasumik atuisinnaasoq sulinermi atorneqarsinnaasumik, aammalu kalaallit piorsarsimassusaannut Kalaallit Nunaannilu inuioqatigiinnit ilisimasaqartoq

• Attaveqatigiilluarsinnanermut piginnaasaqarneq suliffillu akimorlugu ersarissumik paasissutissiisinnaaneq piginnaasaqarfigalugu

• Tatiginartuussaatit pissusissamisoortumillu attaveqaataallutit, taamaasilluni suleqatit suleqatigisallu oqaloqatigiinnermik siunnersorneqarnissamillu ujartuilerniassammata

• Suliffeqarfiup illutaani qajannaatsumik tamaasa ataatsimut isigisinnaaneq aqutsisinnaanerlu

• Piumassuseqqortuujuuneq tulleriiaarluakkamik sululluni malitseqartitsisarnerit, siuarsaanerit pilersitsinerillu immikkut isiginiarlugit

• Oqilisaassisinnaanissamut pitsaasunik piginnaasaqarneq ataatsimiinerit sulissutiginninnerillu aqussinnaassallugit, taamaasilluni tunniusimanermik inerneqartullu pilersitsinerit

• Suliassat naammassiniarnerini ilusilersukkamik tulleriiarluakkamilu sulisinnaassaatit

• Peqqissaartuuneq pitsaassutsimullu tappittuulluni ingerlariaatsini tunniussanilu

• Suleqatigiinnissamut pitsaasumik piginnaaneqarnissaq suliffeqarfillu akimorlugu attaveqaatinik pitsaasunik pilersitsisinnaanissaq piginnaaneqarfilalugu

• Ingerlatsinermi ataatsimut takunnissinaalluarneq isumalluutinillu atuilluarneq qulakkeersinnaallugu

Aningaasarsiatigut atorfinitsitaanermilu atugassarititaasut

Atorfik akissaateqarfimmi LR 36-mi maanna inissisimavoq. 1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.531 ukiumullu Kr. 690.372.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.