Ilinniakkanik aqutsisoq perorsaanermik ilinniarfimmut/socialpædagogisk seminarium

Perorsaanermik Ilinniarfimmi ilinniartitaanermut pisortassamik atorfinittussamik pilersaarusiornermullu nukittuumik pissarsiorpugut, taassuma ilinniarfitsinni ineriartorneq siuttuuffigissavaa, siunissamilu perorsaanermut ilinniarnerup piginnaaneqarneri sumut sammissanertut siuttuuffigissavai.

Ilinniartitaanermut pisortatut ilinniarnerup pitsaassusaanut, sammisat sammiviinut ineriartornermullu pingaarnertut akisussaaffeqassaatit, pilerssarusionermi sulinermilu ataqatigiinnerit qulakkeernissaannut pingaarutilimmik inissisimassaatit. Pisortassarsiorpugut pilersaarusiornermi tamakkiisumik ataatsimut isiginnissinnaasumik, sulinermilu sunniuteqarluartumik, anguniakkanillu pingaarnerni ilinniartitaanermi ingerlalluartitsisoq, ilinniarnerullu ingerlanerani nukittuumik timitaliisinnaassuseqartoq. Atorfik ilinniartitaanermi sammiviit arfineq pingasut ilagaat kiisalu ilinniaqqinnerit pikkorissaanerillu.

Aqutsinermi forstanderi pisortallu tullia qanittumik suleqatigissavatit, suliffeqarfiullu pilersaarutitut anguniagaai ilinniartitsinermut piviusunngortinneqarnerinut nukittuumillu ilinniartitaanerup ingerlanneqarneranut qulakkeeqataassuutit.

Akisussaaffiit

• Ilinniartitaanerup pitsaassusaanut, ineriartortinneqarneranut, sulinerulllu ingerlarnganut pingaarnertut akisussaassaaq

• Forstanderi ilinniarnermullu aqutsisoq qanittumik pisussaaffiliisumillu aqutsinermi suleqatigineqassapput kiisalu suliffeqarfiup ingerlatsinermi pilersitsinermilu pilersaarutai timitalissallugit.

• Ullut suliffiit ullormut sulinermut naatsorneqartarnerinik sinaakkusiineq, taassuma saniatigut ilinniartitsinermi piffissaq atorneqartoq, piareersarnerit ataatsimiinnerillu

• Sulisoqarniarnermut akisussaassuseqassaaq ersarittumillu aqutsineq, ingerlalluarnissaq sulisunillu ineriartortitsineq qulakkiissavaa

• Lectio skemaliornerlu akisussaaffigissavai ilinniarnerullu siunertaqarluartumik pilersaarusiorneranut akisussaassaaq

• Eqimattat tunngaviusumik amerlassusaat aalajangerneqartassapput pitsaassutsillu aningaasaqarnerullu imminnut atanerat qulakkeerneqassaaq

• Ilinniakkani sulianut pilersaarummut tunniussisinnaaneq ineriartortitsisinnaanerlu

• Ilinniarnermi ilinniarnerullu ingerlanerani suliat qaffasissuunissaanut qulakkeerinninneq

• Ilinniakkat neqeroorutigineqartut ineriartortinneqarnerinut naleqqussarnerinullu akisussaasoq

• Misilitsinninernut pingaarnertut akisussaasoq censorinillu suleqateqartoq

• Censoreqartarnermut akisussaasoq censorit suleqatiginerini pitsaassusermik ataqatigiinnermillu qulakkerinnittoq

• Ilinniartitaanernut sinaakkutinik aalajangiineq aserfallatsaaliuinerlu, taassuma saniatigut suliffimmik misiliinermi quppersagaq, misilitsinnermi quppersagaq, pitsaassutsimik qulakkeerinninneq ilinniakkanullu aaqqissuussinerit

• Immikkoortortaqarfiit isumalluutinik atuinerisa malitseqartittarnissaat akisussaaffigalugu kiisalu sulianut tunngassutillit tulleriiaarneri aningaasatigullu sinaakkutigineqartut akisussaaffgalugit

• Ilinniarfinnut allanut suleqateqarneq isumagalugu avataaneertullu suleqatit attuumassuteqartut isumagalugit

• Ilinniarfiup ataatsimiititaliaanut peqataaneq tunniussaqarnerlu

Piginnaasat:

• Perorsaasutut ilinniarsimasoq, perorsaanilerinerullu iluani ilinniakkanik ilisimasalik

• Nammineerluni sulisinnaaneq, akisussaaffimmik tigusineq sulianillu aaqqinermi aalajangiisinnaanermik takutitsisinnaaneq

• Aaqqissuussanut annertuumik paasinninneq sinaakkutanik, ilusilersuinermut ingerlariaatsinullu pilersitsillunilu ineriartortitsisinnaanermik piginnaasaqarneq, ilinniarnerup pitsaassusaa naammassillugulu ingerlanneqarnera taperserlugu

• Akuutitsisumik aqutseriaaseqarneq pimoorussinermillu pilersitsilluni, kiisalu suleqatit akornanni sunniuteqaqataalluni

• Kalaallisut oqalussinnaasoq minnerpaamillu oqaatsinik allanik ataatsimik sulinermi atorsinnaasumik atuisinnaasoq sulinermi atorneqarsinnaasumik, aammalu kalaallit piorsarsimassusaannut Kalaallit Nunaannilu inuioqatigiinnit ilisimasaqartoq

• Tatiginartuussaatit pissusissamisoortumillu attaveqaataallutit, taamaasilluni suleqatit suleqatigisallu oqaloqatigiinnermik siunnersorneqarnissamillu ujartuilerniassammata

• Attaveqaateqarnikkut ersarissuuneq, sammiviit, aalajangiinerit ilimasunnerillu ingerlateqqissinnaallugit

• Pilersaarusiorluni eqqarsarsinnaaneq anguniakkallu pingaarnerit suliatut piviusunngortitsisinnaallugit

• Suna tamaat ataatsimut isigisinnaalluarlugulu aqqissuussamik ataqatigiissumillu sulisinnaaneq suliassani ineriartortitani ingerlatsinermilu

• Sulinermi sunniuteqaarluartuussaaq ilinniartitsisullu suleqatillu akornanni ataqqinninnermik kinaanermillu uppernarsaasinnaasuullunilu

• Sakkortuumik suleqatiginnissinnaanermik peqassaaq illullu iluani avataanilu pitsaasunik attavaqassaaq

Aningaasarsiatigut atorfinitsitaanermilu atugassarititaasut

Atorfik akissaateqarfimmi LR 36-mi maanna inissisimavoq. 1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.531 ukiumullu Kr. 690.372.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.