Kommuneqarfik Sermersuumi IT-qarnermut Digitaliseriinermullu immikkoortortami aqutsisoq

Kommuneqarfik Sermersuumi IT-qarnermut Digitaliseriinermullu immikkoortortami aqutsisoq

Kommuneqarfik Sermersuumi IT-mik ingerlatsinerup ineriartortinneqarnera pitsanngorsarneqarneralu peqataaffigerusuppigit IT-millu ingerlatsineq tatitooq patajaatsorlu qulakkeerumallugit suleqataarusuppit, taava atorfik una ilinnut naleqquppoq.

Immikkoortortami aqutsisumik sulisunut akisussaaffilimmik suliassaqarfinni assigiinngitsuni akisussaaffeqartussamik pissarsiorpugut.

Naatsorsuutigineqartut suliffiullu imai:

Immikkoortortami aqutsisutut suleqatigiit ulluinnarni aqunneqarnerannut atasumik illit suliassanik ingerlatsissaatit matumani tulliuttut akisussaaffigalugit:

∙it-mik ingerlatsineq, tassunga ilanngullugit support, aaqqissuussat ingerlanerat ineriartortinnerallu.

∙suleqatigiinnik marlunnik inuttaqartuni sulianut tunngasumik siunersiueqatigiinnerit aqutsinerlu.

∙ingerlatsinerup pitsaanerpaaffissaminiinneranut qulakkeerinneqataaneq, aaqqiissutissat suleqatigiinnut innuttaasunullu naleqarnerulersitsisut pingaartitaraavut IT-qarnermut Digitaliseriinermullu Pisortaq qanimut isumasioqatigisarlugu.

∙Sermersuup siunissamut aaqqiissutissaanik qulakkeerinnissutaasunik toqqaaqataaneq.

∙pilersaarutip anguniakkallu nassuiaasersorneqarsimasut piviusunngortinnissaannut ikiueqataaneq.

∙piginnaasat pigiinnarnissaat ineriartorteqqinnerilu qulakkeerniarlugit suliamut tunngasunik pilersueqataaneq.

∙qanimut oqaloqatigiilluni suleqatigiinneq.

Piginnaasat:

∙pitsaasunik tunuliaqutaqarneq; ass. IT-supporteritut imaluunniit qaffasinnerusumik ilinniagaqarneq.

∙suliaqarluni ingerlatsinermit aamma it-systeminik misilittagaqarneq.

∙attaveqaqatiginnik pitsaasunik pilersitsineq aamma allaffimmi nalerisimanermut tapersiineq.

∙iliuuseqarnikkullu maligassiuisuutut inissisimaneq kiisalu tatiginartuuneq immikkoortortaqarfiullu pilersaarutaanut peqataalluni tapersersuineq.

∙Kalaallisut qallunaatullu marluinnik oqaaseqarneq iluaqutaassaaq kisiannili piumasaqataanngilaq.

∙oqaasiinik ilisimasaqarneq iluaqutaassaaq kisianni piumasaqaataanngilaq.

IT-mut Digitaliseriinermullu Pisortaq qaninnerpaatut pisortarissavat. IT Digitaliseriinermullu immikkoortortaq Suliffeqarfiup iluani Kiffartuussivimmut ilaapput, tassaniipput suliassaqarfiit assigiinngitsut arlallit.

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: IT-mut Digitaliseriinermullu Pisortaq, Jóhan H. Dam-Davidsen , oqarasuaat +299 52 91 02 imaluunniit e-mail: jdda@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut: 

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 545-25 -mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 23.-at, 2025

Atorfik una qinnuteqarfigiuk