Nittarsaateqqitaq: Leksikografiimi taaguusersuuserinermilu AC-fuldmægtigitut atorfik

Oqaasileriffik, Nuuk
Oqaasileriffimmi leksikografiimik taaguusersuuserinermillu suliaqartussamik AC-fuldmægtigitut atorfik piaarnerpaamik imaluunniit isumaqatigiissuteqarnikkut inuttalerneqassaaq. Qinnuteqartoq uppernarsarneqarsinnaasunik eqqortunik piginnaasaqarpat isumaqatigiissutit atuuttut naapertorlugit immikkut siunnersortitut siunnersortaanertulluunniit atorfinitsitsisoqarsinnaavoq.

Atorfik pillugu
Atorfimmi suliassatit kalaallisut oqaatsinik ineriartortitsinermut tunngasuussapput, oqariartaatsinik taaguusersuutinillu nalunaarsuinerit, ineriartortitsinerit assigiissaarinerillu  qitiutissallutik.
Suliassatit pingaarnerit:

• Leksikografiimut taaguusersuuserinermullu tunngatillugu oqaatsinik suliaqarneq, tamatumunnga atatillugu taaguusersuutinik katersineq, nalunaarsuineq, misissuineq takussutissiinerlu

• Allat oqaatsinik suliaqarnermut attuumassuteqarsinnaasut

• Leksikografiimut taaguusersuuserinermullu atatillugu assigiinngitsunik suleqateqartarneq

• Suliassat kalaallisut oqaatsinut, naggueqatitta oqaasiinut Avannaamioqatigiinnilu oqaatsinut tunngasut pillugit allanik suleqateqarneq

• Oqaasileriffimmut avataanit apeqqutinik akissusioqataaneq

Illit pillutit
Naatsorsuutigaarput:

• Oqaatsit pillugit ilisimatusarnermut tunngasumik kandidatitut ilinniagaqarsimanissaq (minnerpaamilluuniit bacheloritut naammassisimanissaq)

• Oqaatsinik suliaqarnermik misilittagaqarluartoq, pingaartumik kalaallisut

• Misilittagalik:

  • databasenik

  • taaguusersuuserinermi suleriutsinik

  • suliniutinik ingerlatsinermik

• Leksikografiimik taaguusersuuserinermillu ilisimasalik

• Namminersorsinnaasoq

• Nutaaliorsinnaasoq

• Kalaallisut piginnaasaqarluarluartoq (allattariarsornermi oqalunnermilu)

• Danskisut tuluttullu piginnaasaqarlutit

Neqeroorutigaarput
Oqaasileriffimmi:

• Kalaallisut oqaatsit ineriartortinneqarneranni pingaarutilimmik inissisimassaatit

• Oqaatsit inuiaqatigiinnut pingaaruteqartut pillugit suliaqassaatit

• Suliffik immikkut ilisimasalinnik avatangiiseqartoq

• Suleqatit assigiinngitsunik tunuliaqutallit qanimut suleqatigalugit

• Suliatigut ineriartornissamut periarfissaqarluarneq

Sulinermi piffissaq sapaatip-akunneranut nalunaaquttap akunneri 40-t.

Oqaasileriffik pillugu
Ilinniartitaanermut, Kultureqarnermut Ilageeqarnermullu Naalakkersuisoqarfiup ataaniippoq ilisimatusarnikkut ingerlatsiviulluni nammineq ingerlasoq, suliassat inatsisit kalaallit oqaasiinut tunngasut tunngavigalugit ingerlanneqarlutik. Annertunerusumik nittartakkami www.oqaasileriffik.gl-imi atuarit.

Paasissutissat annertunerusut
Attavigiuk:

• Beatrine Heilmann, sekretariatschef
  behe@oqaasileriffik.gl | tlf.: +299 384061

Qinnuteqarnissamut killigititaq
Qinnuteqaat, ilinniarsimanermut uppernarsaat CV-lu tiguneqareersimassapput: marlunngorneq 29. septembari 2026, nal. 12.00.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.