Radiomi atassuteqaqatigiiaanut teknikeri Atuisunut Aallakaatitsivimmi

Nuna tamakkerlugu attaveqaqatigiinnerup patajaatsup tutsuiginartullu ingerlanneqarnera peqataaffigerusuppiuk? Tusass-imi Radiomi atassuteqaqatigiiaanut teknikerinngorit.

Kalaallit Nunaanni attaveqaateqarnermik ingerlatsinermi ineriartortitsinermilu Tusass pingaaruteqarluni inissisimavoq. Teknologimik atuinerup iluani ineriartortitsiuarnerup nalaani sulivugut, attaveqaannaavinnissaq, pitsaassuseq isumannaatsumillu attaveqaqatigiinnissaq piumasaaqaataallutik.

Taamaattumik pissarsiarerusupparput Radiomi atassuteqaqatigiiaanut teknikeri, namminersorsinnaassusilik, akisussaassuseqartoq teknikkikkullu piginnaasalik Aallakaatitsinermut immikkoortortami Nuummi angerlarsimaffilimmi sulisussaq.

Immikkoortortaq Operate-p atuuffianut ilaavoq, T&I-p ataani teknikkimut immikkoortortap ataaniittoq. Immikkoortortami suliarineqartarput pitsaaliulluni aserfallatsaaliuineq, iluarsartuussineq nalunaarasuarnermilu teknikkikkut atortunik ajoqutilinnik najukkani nalunaarasuartarfinni aamma sineriak tamakkerlugu illoqarfinni nunaqarfinnilu suliaqartartussaq. Aallakaatitsivik immikkoortortaqarpoq marlunnik – Teknikkimi Aallakaatitsivik aamma Atuisunut Aallakaatitsivik – katillugit teknikerit qulit missaanniittut immikkoortortamillu aqutsisut marluk sulisorineqarlutik.

Atorfik pillugu

Radiomi atassuteqaqatigiiaanut teknikeritut qitiusumik atuuffeqassaatit, Tusass-ip aallakaatitsisarfiani attaveqaatit ingerlajuarnissaat tutsuiginartuunissaallu qulakkeerniarlugit. Suliassatit ulluinnarni ingerlatsillunilu aserfallatsaaliuinermiit radiokkut atassuteqaqatigiiaanut tunngasuni suliassanut upalungaarsimanissamillu suliaqarnernut peqataanermut tunngasuussapput.

Suliassatit ilaatigut makkuupput:

• LH-mik aamma radiomi atassuteqaqatigiiaanut link-eeqqamik pilersaarusiorneq aserfallatsaaliunerlu

• Sanaartornermi suliassanut peqataanissaq suliassanullu minnernut aqutsisuunissaq

• Immikkoortortaqarfiit akimorlugit suliassaqarfiup iluani ajoqutinik nassaarniarnermi iluarsartuussinermilu ataqatigiissaarinissaq

• Immikkoortortaqarfiup ajutoornermi upalungaarsimatinneranut peqataanissaq

• Aallakaatitsivinni allani ajoqutinik iluarsartuussinermi ikiortaaneq aamma nukingernartunik suliaqarneq, ingerlatsinermi eqqarsaatigisassat eqqarsaatigalugit

Atorfik angalasarnissamik piumasaqaateqarpoq, pingaartumik qulimiguullit umiarsuillu attartukkat atorlugit, angalanerillu sivisussusaat assigiinngisitaartuusarput.

Illit ujartugarput tassaavutit …

Teknikkikkut tunuliaqutigissaartoq aamma nalunaarasuartarnermi aallakaatitsinermilu atortunik atuinissamik misilittagalik. Aaqqissuussaasumik suleriaaseqarputit, akisussaassuseqartuullutit aamma tamanik misissortuullutit- aamma ilungersunartunik pisoqartillugu.

Naatsorsuutigaarput illit:

• Elektronikkip iluani teknikeritut ilinniarsimasuunissat, assersuutigalugu elektronikfagteknikeritut imaluunniit elektroniktenologitut imaluunniit assingusuni ingerlatsinermik teknikkikkullu aaqqissuussinerni ajoqutinik nassaarniartarnermi attuumassutilimmik piginnaanngorsarsimasuullutit misilittagaqarlutillu

• Nalunaarasuartarnermi teknikkikkut atortunik ikkussuinermik ingerlatsinermillu misilittagaqarputit

• Radioami atassuteqaqatigiiaat (LH aamma Minilinkit) misilittagaqarfigaatit soqutigisaralugilluunniit

• Ikkussukkani tekniskiusuni piuminaatsuni ataqatigiissutsinik misissuisinnaasuuvutit

• Aaaqqissuussinerit IP-mik tunngaveqartut attaveqaqatigiinnermullu tunngasut pingaarnertigut paasisimavatit

• Namminersorlutit, peqqissaarlutik akisussaaffeqarlutillu sulisinnaavutit

• Ulluinnarni ilaatigut ulapaarfiusartuni piffissamik paarsisinnaavutit, nikerartumik sulisarsinnaavutit sulinerillu nuannaralugu

• Suleqateqallaqqissuuvutit aamma suliassaqarfiit akimorlugit ataqatigiissaasinnaasuuvutit

• Danskisut tuluttullu allassinnaallutillu oqalussinnaavutit (kalaallisoorsinnaaguit iluaqutaassaaq piumasaqaataanngilarli)

Neqeroorutigaagut

• Avatangiisini tekniskiusuni ineriartortuartuusuni atorfik pissanganarlunilu inuiaqatigiinnut pingaarutilik

• Suliassanik naammassinninniarnermi kiffaanngissuseqarluarneq akisussaaffeqarnerlu

• Suliatigut inutullu ineriartornissamut periarfissagissaarneq

• Sulinermi avatangiisit persuarsiorfiunngitsut, suleqatit tunniusimasut piginnaanngorsarsimasullu akornanni

• Piginnaasat naapertorlugit akissarsiarissaarneq

Soqutiginnippit?

Atorfik qinnuteqarfigineqarsinnaavoq CV aamma qinnuteqaat nassiullugit, attataasaq talerpiatungaaaniittoq toorlugu.

Qinnuteqaatit e-mailikkut nassiussat tiguneq ajorpagut.

Qinnuteqaatit takkuttut ataavartumik suliarisarpagut taamatullu oqaloqatigiinnerit ataavartumik ingerlattarlutigit. Atorfik inuttalerneqassaaq qinnuteqartoq eqqortoq nassaarineqarpat.

Atorfik pillugu apeqqutissaqaruit attaveqarfigisinnaavat immikkoortortami aqutsisoq Mikisuluk Hammeken, uunga sianerfigalugu +299 38 93 94.

Tusarfiginissat qilanaaraarput!

Tusass pillugu

Tusass tassaavoq Kalaallit Nunaat tamakkerlugu nalunaarasuartaaseriviullunilu allakkerivik, Nuummi qitiusumik qullersaqarfeqartoq. Inuit, suliffeqarfiit inuiaqatigiillu najukkaminniittut mobilikkut attaveqaatit, internettikkut attaviup sukkasuup, internettip, allakkeriveqarnerup aaqqissuussaanerullu attaveqatigiissippaat – aamma Kalaallit Nunaanni najugaqarfiit tamaasa imaatigut kabelit, radio aamma satellit atorlugit attassuteqartippagut.

Nuna akimorlugu suleqatigiit 350-it missaanniippugut attaveqaqatigiinnermi aaqqiissutissanik suliaqartartut, ulluinnarni inuiaqatigiillu kalaallit ineriartorneranni pingaaruteqarluinnartumik.

2025-mi suliffeqarfik atuunnermini ukiunik 100-nngortorsiorpoq, ”Tusass” -ili taaguutitut aatsaat 2021-mi atuutilersinneqarpoq isumaqarluni ”tusassaagut”. Atitta siunertarput ersersippaa: ataqatigiissinneqarneq – teknikkikkut inuttullu.