Fakta
Atorfiup suussusaa: Teknikeri
Suliffeqarfik: Tusass A/S
Qinnuteqarfissamut killigititaq: Ingerlaavartumik
Attavissaq: Mikisuluk Hammeken, oqarasuaat +299 38 93 94
Taava teknikeritut sulilerit Tusass-ip Aasianni Aallakaatitsiviani.
Kalaallit Nunaanni attaveqaateqarnermik ingerlatsinermi ineriartortitsinermilu Tusass pingaaruteqarluni inissisimavoq. Teknologimik atuinerup iluani ineriartortitsiuarnerup nalaani sulivugut, attaveqaannaavinnissaq, pitsaassuseq taavalu imaani, silaannarmi nunamilu attaveqaqatigiinnerup tutsuviginartuunissaa piumasaaqaallutik.
Pissarsiarerusupparput teknikeri namminersorsinnaasoq, akisussaaffeqarluartoq piginnaaneqarluartoq Aasianni aallakaatitsivimmi sulilersinnaasoq, taamaalillunilu Upernavimmiit Sisimiunut aallakaatitsisarsinnaasoq aallakaatitsinermilu atortunik aserfallatsaaliuisinnasoq.
Immikkoortortaq Operate-p atuuffianut ilaavoq, T&I-p ataani teknikkimut immikkoortortap ataaniittoq tassanilu sulipput sullivimmi aqutsisoq teknikerillu marluk. Atorfik Aasianniippoq immikkullu sammisaralugut Aasiaat Radiomik ingerlatsineq kiisalu nunap immikkoortuani atuisunut aaqqissuussinerit aallakaatitttakkat.
Atorfik pillugu
Aasianni Aallakaatitsivimmi Teknikeritut attavissaqarluarlutit tamatigoortumik akisussaaffeqarnartumillu atuuffeqassaatit. Suliassatit tassaassapput ulluinnarni ingerlatsinermiit sanaartugassanik suliaqarnermut peqataanermut upalungaarsimanissamillu suliaqarneq.
Suliassatit ilaatigut makkuussapput:
Aasiaat Radioanik ingerlatsineq aserfallatsaaliuinerlu, tassunga ilanngullugu sinerissami timmisartuussinermilu attaveqaqatigiinneq
LH- aamma Minilinkinik radiokkut atassuteqaatinik aserfallatsaaliuineq
Radiofonimik, DVB-T-imit nassitsissutinik kiisalu HF- aamma VHF-it atorlugit attaveqaqatigiinnermut atortunik suliaqarneq
Sumiiffiit akimorlugit aallakaatitsinermi atortut ajoqutaannik misissuinerit iluarsaassinerlu
Sanaartugassanik suliaqarnermut peqataaneq kiisalu suliassani annikinnerusuni sulinermik aqutsineq
Immikkoortortat akimorlugit ajoqutinik iluarsaassinermik ataqatigiissaarineq
Immikkoortortami ajutoortoqarnissaanut upalungaarsimanissamut peqataaneq
Aallakaatitsiffinni allani pisariaqartitsisoqartillugu ikiuuttarnissaq
Atorfiup piumasaraa angalasarnissaq, angallanneqarneq helikopterimik umiarsuarmillu attartukkamik pisartussaavoq aamma angalanerup sivisussusai nikerartuupput.
Illit pissarsiarerusuppatsigit taannaagavit …
Teknikeritut tunuliaqutigissaartoq, aamma nalunaarusuarnermi aallakaatitsinermilu ulluinnarnilu assigiinngitsunik suliassaqarfiusumi nammineq suliatit akisussaaffigalugit sulinissat nuannaraat.
Naatsorsuutigaarput illit:
Elektronikkip iluani teknikeritut ilinniagaqartuusutit, assersuutigalugu elektronikfagteknikeritut, imaluunniit elektronikteknologitut imaluunniit tekniskimik aaqqissuussanik ingerlatsinermik kukkunernillu nassaarsiortarnermik attuumassusilinnik misilittagalik
Attaveqaqatigiittarfinnik ilisimasaqassasutit (satellittikkut, imaatigut kabelitigut, radiokkut oqarasuaatikkullu)
Teknikkikkut attavilersuutit katitikkat ataqatigiinnerinik misissuisinnaassaatit
Serverit, attaveqaatit katersuuffii switcherillu pingaarnerusutigut ilisimasaqarfigissavatit
Aaqqissuussaasumik, peqqissaartumik akisussaassuseqartumillu sulisarnissaq
Ulluinnarni ilaanni ulapiffiusartuni piffissamik paarsineq, nikerartumik sulisinnaaneq sulerusussuseqarnerlu ileqqorissagitit
Suleqateqallaqqissuussasutit – aamma suleqatigiinneq oqarasuaatikkut ingerlanneqartartillugu
Danskisut tuluttullu oqalussinnaassaatit (kalaallisut iluaqutaassaaq)
Neqeroorutissaraagut
Immikkoortortami mikisumi pingaartunilli suliassalimmi atorfik pissanganarlunilu inuiaqatigiinnut pingaarutilik
Suliassamik aaqqiiniarnermi namminersorsinnaaneq akisussaaffeqarnerlu
Suliassaqarfimmi tunuliaqutagissaartunut sineriallu tamakkerlugu suleqatigiinnut akuulerneq
Suliatigut inuttullu ineriartornissamut periarfissagissaarneq
Piginnaasat naapertorlugit akissarsiagissaarnissaq
Sulinermi avatangiisit nuannersut suleqatillu tunniusimasut
Soqutiginnippit?
Qinnuteqaatit CV-llu digitalimik nassiutikkit, Tusass-ip atorfinnut portaliatigut.
Qinnuteqaatit e-mailikkut nassiussat tiguneq ajorpagut.
Qinnuteqaatit ataavartumik suliarineqartarput taamatullu oqaloqateqarnerit ataavartumik ingerlanneqartarput. Atorfik inuttalerneqassaaq qinnuteqartoq eqqortoq nassaarineqarpat.
Atorfik pillugu apeqqutissaqaruit immikkoortortami aqutsisoq Mikisuluk Hammeken sianerfigisinnaavat +299 38 93 94-mut.
Tusarfiginissat qilanaaraarput!
Tusass pillugu
Tusass tassaavoq Kalaallit Nunaat tamakkerlugu nalunaarasuartaaseriviullunilu allakkerivik, Nuummi qitiusumik qullersaqarfeqartoq. Inuit, suliffeqarfiit inuiaqatigiillu najukkaminniittut mobilikkut attaveqaatit, internettikkut attaviup sukkasuup, internettip, allakkeriveqarnerup aaqqissuussaanerullu attaveqatigiissippaat – aamma Kalaallit Nunaanni najugaqarfiit tamaasa imaatigut kabelit, radio aamma satellit atorlugit attassuteqartippagut.
Nuna akimorlugu suleqatigiit 350-it missaanniippugut attaveqaqatigiinnermi aaqqiissutissanik suliaqartartut, ulluinnarni inuiaqatigiillu kalaallit ineriartorneranni pingaaruteqarluinnartumik.
2025-mi suliffeqarfik atuunnermini ukiunik 100-nngortorsiorpoq, ”Tusass” -ili taaguutitut aatsaat 2021-mi atuutilersinneqarpoq isumaqarluni ”tusassaagut”. Atitta siunertarput ersersippaa: ataqatigiissinneqarneq – teknikkikkut inuttullu.
