Sulisoqarnermik pisortassarsiorpugut

Inunnik, kulturimik aaqqissuussaanermillu ineriartortitsineq

-Sulisoqarnermut pisortassarsiorpugut

Suliffeqarfimmi inuiaqatigiinnut pingaarutilimmi Kalaallit Nunaannilu immikkut illuinnartumik atuuffilimmi inunnik, kulturimik aaqqissuussaanermillu ineriartortitsineq siuttuuffigerusuppiuk? Taava imaassinnaavoq illerpiaq Sulisoqarnermut pisortartaassatsitut pisariaqartikkitsigit.

Sulisoqarnermut pisortatut ingerlatseqatigiiffiup sulisoqarnermut inuttalersuisarnermullu immikkoortortaqarfia qullersatut akisussaaffigissavat suliffeqarfiullu periusissiukkamik aqunneqarnera qitiusumik inissisimallutit suleqataaffigalugu. Inuit, kulturip aaqqissuussaanerillu suliffeqarfimmut inuiaqatigiinnullu ataffigisatsinnut tapersersuinissaat qulakkiissavat.

Neqeroorutigisinnaasavut

Suliffeqarfimmi inuiaqatigiinnut kalaallinut pingaaruteqarluartumi periusissiatigut qitiusumik inissisimaffeqarneq. Suliffeqarfimmi assigiinngitsunik katitigaasumi isumaqarluartumilu inuit isumannaatsumillu ingerlatsinissap ingiaqatigiissinneqarfigisaanni kulturip, aqutsinerup aaqqissuussaanerullu erseqqissumik sunniuteqaqataaffiginissaannut periarfissaqassaatit.

Atorfimmi aqutsinikkut annertuumik kiffaanngissuseqartitaallutillu akisussaaffeqartitaassaatit, aaqqissuussaanermilu siammasissumik attaveqarfeqarlutit periusissiatigullu aamma inunnut qanittumik suliaqarnissamut periarfissaqassallutit.

Atorfik pillugu

Sulisoqarnermut pisortatut atorfeqarninni pisortaanerup tulliata ataani inissisimassaatit sulisoqarnermullu inuttalersuisarnermullu immikkoortoqarfiup aqunneqarnera tamakkiisumik akisussaaffigalugu. Sulisoqarnermut periusissiap suliffeqarfiup periusissiaanut qanittumik ataqatigiissinnissaa qulakkeerniarlugu pisortaqatigiit aaqqissuussaanermilu suliaqarfiit akimorlugit aqutsisut qanimut suleqatigissavatit.

Sulisut tunniusimanerannik, atugarissaarnissaanik, tarnikkut toqqissisimanissaannik aammalu suliffeqarfimmi kulturimik nukittuumik ataatsimoorussamillu nukittorsaanissaq - nunami imarsiornermilu - qitiusumik suleqataaffigissavat.

Akisussaaffeqarfigisassatit pingaarnerit

Sulisoqarnermut immikkoortortaqarfimmik periusissiukkamik ingerlatsinikkullu aqutsineq

• Sulisoqarnermut periusissianik suliffeqarfiup anguniagaanut pingaarnernut tapersersuisussanik ineriartortitsineq atulersitsinerlu
• Sulisoqarnermut tunngasunik suliat pitsaasuunissaannik siuariartorfiunissaannillu qulakkeerinninnissaq, ilaatigut sulisussarsiortarnermut, sulilerlaanut aallartisartitsinermut, isumaqatigiissutinik aqutsinermut aqutsisoqatigiinnillu tapersersuisarnerup iluini
• Inatsisit atuuttut suliffeqarfimmilu politikkit malinneqarnissaannik qulakkeerinninnissaq – nunami namminermi nunallu tamalaat akornanni
• Sulisunik ineriartortitsinermik, piginnaasanik ineriartortitsinermik aamma inatsisitigut pisussaaffigineqartunik ilinniartitsinernik allagartaqalernissanillu ingerlatsineq
• Atugarissaarnermik, tunniussimanermik, tarnikkut toqqissisimanermik kulturimillu ataatsimoorussamik nukittuumik siuarsaaneq

Inuttalersuisarnermi qullersatut akisussaaffeqarneq

• Ingerlatseqatigiiffiup umiarsuinik inuttalersuisarnerup pilersaarusiornermut ingerlatsinermullu tunngatillugu qulakkeernissaa, isumannaallisaaneq, atugarissaarneq maleruaanerlu ukkataralugit
• Inuttanut tunngatillugu sulisussarsiortarnermut, inuttalersuinermik pilersaarusiornermut isumaqatigiissutinillu aqutsinermut akisussaaffeqarneq
• Inuttalersuinermik suliaqarnermi assigiinngisitaartuunissamik, akuutitsinissamik ineriartornissamullu periarfissanik siuarsaaneq

Aaqqissuussaanermik ineriartortitsineq sulisunullu atugarissaartitsineq

• Sulisunik piginnaasanillu ineriartortitsinermut pilersaarutinik ineriartortitsineq atulersitsinerlu
• Isumannaallisaaneq atugarissaarnissarlu ukkataralugit timikkut tarnikkullu sulinermi avatangiisinik nukittorsaaneq
• Tunniusimanermik misissuinernik ingerlatsineq malitsigisaanillu ataatsimooqatigiinnermut kulturimullu nukittorsaataasussanik suliniuteqarneq

Akisussaaffeqarfigisassatit allat

• Imarsiorlutik nunamilu sulisunut soqutigisaqaqatigiiffinnut susassaqartunut isumaqatiginninniarnerit isumaginissaat
• Assigiinngisitaartuunissamik akuutitsinissamillu suliniutinik ingerlatsineq atuuttussanngortitsinerlu
• Sulisoqarnermut tunngasunik sulianik inerisaaneq digitalinngortitsinerlu tatiginartumillu uppernarsaasiortarnissamik qulakkeerinissaq
• Sulisoqarnerup inuttalersuisarnerullu iluini sillimaniarnermik aqutsinermik maleruaanermillu aaqqissuulluakkamik suliaqarneq

Ilinnut takorluukkavut tassaapput

• Sulisoqarnermut tunngasunik suliaqarnermi aqutsisutut periusissiukkamik akisussaaffeqarlutit misilittagaqarluassaatit
• Aaqqissuussaanikkut ineriartortitsinerup, kulturip aamma allanngortitsinermi aqutsinerup iluini piginnaaneqarluassaatit
• Aaqqissuussaanerup immikkoortuini tamani attaveqaqateqallaqqissuussaatit suleqatiginnillaqqissuullutillu
• Sulisoqarnermi inatsisit, HR-jura, annertuumik paasisimasaqarfigissavatit
• Isumaqatiginninniarnermut piginnaaneqarluassaatit
• Aqutsisutut paasinnittuussaatit, tunniusimasuullutit ersarissuullutillu
• Aaqqissuulluakkamik, misissueqqissaartumik angusaqarnissamillu siunnerfilimmik suleriaaseqassaatit
• Ikinnerpaamik ukiuni qulini sulinermik misilittagaqassaatit, taakkunanngalu sulisoqarnermut tunngasunik suliaqarnermi aqutsisutut ikinnerpaamik ukiuni tallimani sulisimassallutit
• Kalaallisut danskisullu oqallorissuussaatit

Royal Arctic Linemi siunissami suliffeqarfimmik ilusilersueqataarusuppit?

Taamaappat qinnuteqaativit tigunissaa qilanaarivarput.

Atorfik pillugu paasisaqarnerorusukkuit Pisortaanerup tullia Aviâja Lyberth Lennert oqarasuaatikkut +299 34 91 03-mut imaluunniit e-mailikkut avll@ral.gl-imut saaffiginissaanut tikilluaqqusaavutit.

Qinnuteqaatit e-mailikkoortut suliarineq ajorpagit.

Atorfininneq: Isumaqatigiissuteqarnikkut

Qinnuteqarfissaq kingulleq: 22.03.2026

Oqaloqatiginninneq: Ingerlaavartumik oqaloqatiginnittoqartassaaq.