AUL-imi Sullitanik aamma Allaffissornermi ikiuisartoq

Sullitanik sullissineq pikkoriffigiviuk immikkuualuttullu tappiffigalugit? Arctic Umiaq Line-mi Sullitanik aamma Allaffissornermi ikiuisartussamik taakkununnga piginnaasaqartumik, eqqoqqissaartumillu pitsaassutsimillu pingaartitsisumik sulisussarsiorpugut.

Sullitat pitsaanerpaamik sullinneqarnissaat allaffissornikkullu sunniuteqarluartumik ikiusarnissaq ukkatarissavat, suleriaasissallu aalajangersarneqartut malillugit namminersorlutit sulisinnaassallutit.

Naammagittarsinnaassuseqaruit, peqqissaartuullutit suliamillu pitsaasumik tunniussaqarneq ilinnut kajumilersitsisarput, taava Arctic Umiaq Linemi suleqatigiit nukittorsarnissaannut piukkunnarsinnaavutit ullullu tamaasa sullitavut pillugit allanngueqataanissamut ikiuussinnaallutit. Suleqatitaarigutsigit sulisut misilittagaqarluartut tunniusimalluartullu pingasut suleqatigilissavatit.

Suliassat tassaanerussapput:

• Sullitat pitsaasumik sullinneqarnissaat isumagisassavat attaveqaqateqartarfiillu assigiinngitsut aqqutigalugit pitsaassutsimik naammagisimaarinninnermillu qaffasissumik qulakkeerinnittarlutit.
• Isumaqatigiissutinik allagaatinillu malinnaatitsineq nutarterinerlu, isumaqatigiissutit piffissaliussallu eqqortinneqarnissaannik qulakkeerinnillutit, kiisalu sullitat suleqatigisartakkallu pillugit qitiusumik paasissutissaasivinnik nutarterisarneq isumagalugu.
• Sullitanik sullissinermik niuernikkullu suleriaatsinik pitsanngorsaanissaq siunertaralugu misissueqqissaarnernik nalunaarusianillu ineriartortitsineq saqqummiisarnerlu.
• Aaqqissuussinernik, ataatsimiinnernik, angalanernik ullorsiutinillu aqutsineq, assartugassanik isumaginninneq missingersuusiornerlu ilanngullugit.
• Immikkoortortaqarfinnik allanik suleqateqarneq, kiffartuussinerit suleriaatsillu pitsaassusaannik nakkutiginninneq, naatsorsuutinik suliaqarnermi ikiuisarneq, aammalu sulilerlaanut ilisarititsinermi sungiusaanermilu ikiuisarneq.
• Naliginnaasumik sulinerup avataani nakkutiginnittuuneq.

Suliatigut ilinniakkatigullu piginnaasat

• Kalaallisut, danskisut tuluttullu oqaaseqarneq. Tassunga aamma ilaavoq nunani tamalaani suleqateqarnermut atatillugu tuluit oqaasii atorlugit sulisinnaaneq.
• Allaffissornikkut piginnaasaqarluarneq, tassunga ilanngullugu Excelip Officemeersullu allat misilittagaqarfiginerat.
• Sullitat qitiutillugit sullitanik ikiuineq kiffartuussinerlu, tassunga ilanngullugit ajornartorsiutinut aaqqiissutissarsiorsinnaaneq ataatsimoorussamillu anguniagaqarnermi suleqatigiinni suleqataasinnaaneq.
• Greenland Business School (Niuernermik Ilinniarfik), iluaqutaassaarlu AU-mi Nunani tamalaani Niuernermik aamma Nittarsaassinermik, Aningaasaqarnermik Pigisanillu nalilinnik aqutsinermik imaluunniit pineqartuni BA-mik assigisaanilluunniit imaluunniit qaffasinnerusumik ilinniagaqarneq.

Neqeroorutigaavut: 

Suliffeqarfik soqutiginartoq aallussisunik sulisoqartoq unammillernartunillu suliassaqarfiusoq. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

Paasissutissat sukumiinerusut

Atorfik pillugu paasisaqarnerorusukkuit Pisortaaneq Taitsianguaq Olsen oqarasuaatikkut +299 558817-imut sianerfigalugu imaluunniit tol@aul.gl-imut allaffigalugu saaffigineqarsinnaavoq.

Qinnuteqaatit e-mailikkut nassiussat suliarineq ajorpagut.

Atorfininneq: juulip aallaqqaataani 2026, siusinnerusukkulluunniit, imaluunniit isumaqatigiissuteqarnikkut

Qinnuteqaatit: Ingerlaavartumik suliarineqassapput

Oqaloqatiginninnerit: Isumaqatigiissuteqarneq naapertorlugu ingerlaavartumik ingerlanneqassapput