Fakta
Atorfiup suussusaa: Allaffimmi ikiorti
Suliffeqarfik: Nukissiorfiit
Qinnuteqarfissamut killigititaq: 20. juuli 2026
Attavissaq: Ovenguaq Lyberth oqarasuaat: +299894847 E-mail: ol@nukissiorfiit.gl
Aaqqissuussamik sulisarpit, allaffissornermik nuannarisaqarpit aammalu assigiinngitsunik suliassaqarnissat kajungeraajuk?
Inuiaqatigiinnut pingaarutilimmik sullissinermi peqataarusuppit?
Nukissiorfiit Distrikt Diskomi Aasianni allaffimmi ikiortissarsiorpoq pimoorussisumik, aaqqissuussilluarsinnaasumik aammalu suleqatigiinnermi nuannarisaqartumik.
Allaffimmi ikiortitut ulluinnarni allaffissornikkut ingerlatsineq tapersersussavat, aqutsisunut, suleqatinut, sullitanut kiisalu suleqatigisanut pitsaasumik sullissillutit.
Atorfik pillugu
Allaffimmi ikiortitut Distrikt Diskomi allaffissornikkut ingerlatsinermi pingaarutilimmik inissisimassaatit. Allaffissornikkut suliassanik isumaginnissaatit kiisalu pisariaqartitsineq naapertorlugu distriktimi illoqarfinnut nunaqarfinnullu allanut kiisalu Nuummi Kundecenterimut ikiuutissallutit.
Atorfik distriktschefiusumut akisussaaffeqassaaq, aammalu Administrativ Support Diskomi aqutsisoq peqanngikkaangat taassuma sinniisoralugu.
Suliassat pingaarnerit
Suliassat ilaatigut makkuussapput:
Distrikt Diskomi allaffissornikkut suliassanik ingerlatsineq.
Akissarsianut sulisunullu tunngasunik ataqatigiissaarineq nalunaarutiginninnerlu, ilanngullugit sulinngiffeqarnernut pilersaarusiorneq.
Aningaasaqarnermut killiffik pillugu nalunaarusiorneq kiisalu aqutsisunut nalunaarusianik suliaqarnermut peqataaneq.
Pilersuisunit najukkaneersunit fakturanik suliarinninneq akiliinerlu.
Nuummi Kundecenterimut pisariaqartitsineq naapertorlugu tapersiineq.
Sullitanik, kommunimik inuussutissarsiortunillu attaveqateqarneq.
Qarasaasiakkut toqqorsiviit, nalunaarsuinerit allagaatillu nutarterlugillu aaqqissuussuunissaat.
Peqqutissanik toqqorsivimmik aqutsinermut, kisitsinermut kiisalu suliffimmi atisanik nalunaarsuinermut peqataaneq.
Ingerlatsinermut sanaartornermullu paasissutissanik nalunaaruteqartarneq.
Allaffissornikkut suleriaatsinik pitsanngorsaanissamut ineriartortitsinissamullu siunnersuuteqartarneq.
Distriktschefip innersuussutai naapertorlugit suliassat allat.
Ilinnut naatsorsuutigisagut
Allaffissornermi ilinniagaqarsimassaatit.
Namminersorlutit sulisinnaassaatit aammalu suleqatigiinnermi pitsaasumik peqataasinnaallutit.
Aaqqissuussaasumik akisussaaffimmillu tigusilluartumik sulisinnaassaatit.
Siunnersuuteqarsinnaallutillu periarfissanik takunnissinnaassaatit.
Qarasaasiamik nalinginnaasumik atuinermik ilisimasaqassaatit, databasenillu soqutigisaqarlutit.
Sulisoqarnermut aningaasaqarnermullu tunngasunik paasisimasaqassaatit.
Kalaallisut danskisullu oqalussinnaallutillu allassinnaassaatit.
Atorfinitsitsinermut pissutsit
Akissarsianut atorfininnissamullu pissutsit Kalaallit Naalakkersuisuisa isumaqatigiissutaat aammalu peqatigiiffiit isumaqatigiinniarnermut pisussaasut isumaqatigiissutaat malillugit ingerlasarput. Atorfik qaammatini pingasuni misiliiffittut piffissalerneqartarpoq.
Inissamik innersuussisoqarsinnaavoq. Qinnuteqartoq Naalakkersuisut aqqutigalugit sulisunut inissiami inissarsisinneqareersimaguni sulisunut inissiaq paariinnarneqarsinnaavoq.
Malittarisassiat atuuttut najoqqutaralugit atorfininnermi soraarnermilu angalanermut akiliussisoqarsinnaavoq.
Taannaavit suleqat ujartugarput?
Taamaappat qinnuteqaatit piaarnerpaamik ”søg stilling”-ikkut nassiuguk.
Apeqqutit allat atorfimmut tunngasut akissutissarsineqarsinnaapput Distriktschef Ovenguaq Lyberth oqarasuaat: +299894847 E-mail: ol@nukissiorfiit.gl
Aningaasarsianut atorfimmullu piumasaqaatit hr@nukissiorfiit.gl -mut nassiunneqarsinnaapput
Nukissiorfiit pillugit
Nukissiorfiit Kalaallit Nunaat tamaat innaallagissamik, imermik kissarnermillu pilersorpaa. Atuisutsinnut aningaasartuutitigut sunniuteqarluartumik aaqqiissutinillu piujuartitsisunik anguniagaqarusulluta piumassuseqarluta sulisuuvugut. 2019-mi nukissiornermik ataavartumik tunisassiornerput 72%-miippoq. 2030-p tungaanut ataavartumik nukissiornerup 100%-nngornissaa suliniutigaarput. Isumannaallisaaneq, sulisut atugarissaarnissaat suleqatigiilluarnerlu annertuumik pingaartitaraagut. Taamaasilluta aamma Kalaallit Nunaanni Danmarkimilu sulisut ilorrisimaartuunerisa annersaasa ilaanniippuguttaaq. Nukissiorfiit.gl aqqutigalugu paasisaqarnerugit.
