Containerinut Teknikeri

Nuummi umiarsualivimmi piaartumik atorfinittussamik nillataartitsivinnik qerititsivinnillu teknikerissarsiorpugut. Sulineq annerpaamik umiarsualivimmi ingerlanneqartassaaq. Qaninnertut aqutsisorissavat immikkoortortaqarfimmi PTI-mi aqutsisoq PTI-milu sulisut pingasut, sannavimmi sulisut qulit kiisalu Aasianni Sisimiunilu umiarsualivitsinni suleqatigiit arfineq-pingasut akuuffigilissallugit. Taakku tamarmik suliassanik pisariusunik unammillernartunillu naammassinnittarput, tamannalu kiffartuussinitsinnut suleqatigiinnerullu pitsaasumik ingerlanissaanut pingaarutilimmik sunniuteqartarpoq.

Suliassatit akisussaaffiillu

Containerit nillataartitsiviit qerisitsiviillu piareersarnissaat, aserfallatsaaliornissaat iluarsaanneqarnissaallu kiisalu suliffeqarfiup atortuinik innaallagissanut tunngasunik allanik aserfallatsaaliineq akisussaaffigissavat. Taamaalillutit qulakkiissavat pisisartugut nioqqutissanik nillataartinneqartunik qerititanilluunniit pitsaasumik tigusaqarsinnaasarnissaat. Suliassatit pingaarnerit makkuusassapput:

• Nillataartitsiviit qerisitsiviillu containerit iluarsartuuttarneri, iluarsaanneqarnissaat aserfallatsaaliorneqarnissaallu.

• Nakkutilliissummik Refconimik ingerlatsineq.

• Nuummi RAL-ip nillataartitsiviinik qerisitsiviinillu aalajangersimasunik ingerlatsinermi tapersiineq/sullissineq

• Immikkoortortaqarfimmi PTI-mi sulisut allat peqatigalugit lagerimi aserfallatsaaliinermut akisussaaqataaneq.

• Immikkoortortaqarfimmi sulisut allat peqatigalugit pigaartuusarnermut peqataaneq.

• Suliassat allat takkussuuttut kiisalu pisariaqartillugu immikkoortortaqarfiit allat ikiorlugit sulineq.

Sulianut tunngatillugu piginnaasassatit

• Elektrikeritut, elektronikfagteknikeritut, kølemontøritut imaluunniit assingusumik ilinniagaqarsimassaatit.

• Innaallagissanut imaluunniit nillataartitsinermut tunngasunik ilinniarsimasuullutillu misilittagaqassaatit.

• Nammineersinnaassuseqarlutillu aalajangiisinnaassuseqarlutillu torersumik suleriaaseqartuussaatit.

• Suliffiup nalaani piffissat allanngorartut naapertorlugit sulinissamut piareersimassaatit.

• Qarasaasiamik atuinermi ilisimasaqassaatit (Microsoft Office)

• Kalaallisut danskisullu oqaatsinik atuisinnaaguit iluaqutaassaaq, kiisalu tuluttut pitsaasumik ilisimasaqarlutit

Inuttut piginnaasat

Allanut imminullu aaqqissuussaalluartumik periusilimmik takunnissinnaassuseqassaatit. Ikiuukkumatuujullutit sunniuteqarluartumillu sulisarlutit. Ulapaarfiunngitsuni ulapaarfiusunilu kajumissuseqarnerit attatiinnarsinnaasassavat, kiisalu ilaannikkut angalasarnissat naatsorsuutigineqassalluni.

Neqeroorutigaavut

Suliffeqarfik ingerlalluartoq soqutiginartorlu neqeroorutigaarput, kiisalu sulinermut avatangiisit pitsaasut suleqatillu tunniusimalluartut. Akissarsiat suliffeqarfimmi pissutsinut naapertuuttut atorfinitsitaanermilu atugassarititaasut atorfimmut piginnaasanullu naapertuuttut neqeroorutigaavut. Suliffeqarfimmi nukittuumik inissisimasumut, aqutsinermut, ineriartortitsinermut sulisullu pikkorissarneqartarnerannut pingaartitaqartumi atorfinissaatit.

Paasissutissat allat

Biilernermut allagartaq piumasaqaataavoq. Pinerluuteqarsimannginnermut uppernarsaat qinnuteqarnermut ilanngunneqassaaq.

Atorfik pillugu annertunerusumik paasisaqarusukkuit, Teamleder Jonathan K. Petersen oqarasuaammut +299 34 92 42-mut attaveqarfigisinnaavat.

Qinnuteqaatit e-mailikkut tiguneq ajorpagut.